My Visitors If you cann't read arabic you can know how I think you can visit this link

August 31, 2007

لا انا كدة مجنون ؟

لا و الله انا كدة على راي الجيزاوي مجنون
اكلم نفسي و اكلم ابو الهول يبقى مجنون
بس المشكلة اني عايز اعرض وجهه نظرمصري للنهاية
طب انا حصلي النهاردة موقف غريب حلفت لاكتبه
كنت قاعد بتفرج على التغطية بتاعتي في ابناء مصر
و الواد اخويا دخل علية قلي اسكت يا شمس مش الريس مات
هو قلي كدة و سبني و انا تنحت
اه بقيت اخرس و ابكم و عيني خدت هادف ثابت و اتمسمرت
حوالي دقيقة و قمت فاتح
google
كاتب مبارك
و طلعتلي الصورة
و قمت ساكت
و بعدين سالت نفسي انا جايب صورتك اتفرج عليها لية
و الله الكلام دة حصل
و بعدين قمت زي اللي بيكلم نفسه
" نهار اسود انت مت طب و بعدين دة البلد مليانه تيارات بعدد شعر راسي الاسود عشان الابيض قليل
التيارات دي هتاكل البلد مين هيحميها
طب الاول هو انت كنت حاميها
تعرف انا عن ايمان داخلي عارف ان عهدك انا ما ينفعش اعيش فيه
في حاجة غلط يا اما الزمن مش مناسب لية يا اما عهدك اللي مش مناسب لاي حد عندوا كرامة
ما هو يا اما الغلط فية يا في عهدك
بس في الحالتين انت لو مشيت انا هخاف
يا ترى اللي جاي شكله اية
يا ترى هيحصل فينا اية
طب انا المفروض اعمل اية دلوقتي

بص هو ما ينفعش افرح احساسي مش جيبني مش قادر افرح

احزن جايز و لو ان عيون الناس هتتريق علية

تعرف يا ريس انت شبة شخصية عرفتها و كتبتله بوست نفسي يبقى لو يقراه

انتوا الاتنين اكتر ناس جرحتوني

و اكتر ناس مش عايزلهم حاجة وحشة

مع ان لعلمك الموت دة قدر مش حاجة وحشة

بس انا كدة

المهم اني قلت الكلام دة كله لنفسي في دقايق و بعدين فقت قلت طب اتاكد

بسال اخويا يقلي دي اشاعة

مرضتش امسح البوست قلت اسيبه

40 comments:

Monzer said...

هو الى زرع فينا كده
وخلالنا مش يافين حد تانى يصلح للسلطة
والى كان يظهر او يتلمع شوية

زي عمرو موسى
يدفنه فى جامعة الدول العربية

أو يتنفى زي كمال الجنزورى

او يتشوه صورته ويتسجن زي أيمن نور
أو يتم اعتقاله مرة بعد مرة زي عصام العريان

يحسسك ان البلد فاضية مافهاش حد
ولا مؤسسات هو وبس وغيره مافيش

تحياتى ليك يا معلم وعلى البوست الى فات عجبنى قوى

بنت الاسلام said...

بقي انت ياشمس
انت
صاحب الاشاعات المغرضة الي حذرنا منها الريس
ليه ياشمس تعمل كدة دا الريس لسة صغير وفي عز شبابه
صراحة ياشمس انا اتخدعت فيك
خاف علي ريسك يا اخي
دالي بياكلك وبيشربك وبيعلمك وبيوظفك والي عمره ابداا ابداا ماعذبك ولاحتي فكر في يوم يعذب حد من شعبك ااقصد من اهلك
لوراح
هنعيش ازاي من غيره
لا ياشمس
من فضلك
خليك طيب

هشام رمضان said...

ده مش جنون و لا حاجة ,,ده مجرد حالة بتحصل كتير في مجتمعنا ألا و هي كلام من لا يتكلم ,, سيبك من كلامي قولي ايه صحيح حكاية موت مبارك دي ؟ يا ترى اشاعة و لا .... ؟

إسلام said...

انا من رايي
يريت يكون ده مش اشاعه وططلع حقيقه
وعشان نستريح
بس حتي لو حقيقه
فأن الرياسه تورث
وهنفضل محكومين من هذه الخلق

ahmed mefrh said...

يا سيدى تمرس على الموضوع و متقلقش
لان هوة ميت ميت
و يبدوا ان النهايه على وشك
كل من يسألنى عن تلك الاشاعه و هل هى حقيقه اقول له نعم هوة حيومت عن قريب
تحياتى اليك و الى الميت عن قريب
و متخفش يا عم شمس دة انتا قدها و قدود حتى نمسكوك الحكم من بعده ولا ايه

ابو مفراح

أحمد سلامــة said...

بيني وبينك
عاوز ارغي الرغي ده كتير
بس المشكلة يا صديقي
ان الواحد بيشوف بعنيه
وبيسمع بودانه
ونفسو يتكلم بقى
الفكر اللي في البوست حلو
وبرافو عليك انك نزلته

فى القلب said...

يا ه ه ه ه
واللهى يا شمس نفس ألى حصل ليه تمام
غريييييييييييبه
لا بحبكولا بقدر على بعدك

بس هو فعلاً كبير فى السن ولأن مكنش النهارده هيبقى بكره

ربنا يحمينا كلنا ويحرسنا

Anonymous said...

والله فعلا الواحد خايف من بعد موت الراجل ده طيب إحنا هانعمل إيه ؟!! لو سألتني انت شايف مين بعده هاتلاقيني بجاوبك معرفش , واسأل أى بني آدم تاني تتوقع مين بعده هايقولك معرفش , حقيقي ربنا يسترها بعد موته
ماهي يا صاحبي أما تفتح علينا بواحد عنده ضمير يكون من كوكب تاني , أو نكمل سلسلة الحرامية بواحد جديد
أخوك
حمادة زيدان

ابن رشد said...

منذر
حبيب قلبي
طب لو هو اللي زرع فينا كدة
ترياقنا فين

ابن رشد said...

battabakr
لا و الله نا مش صاحب الاشاعات دي
و على رايك هو اللي ماكلنا

ابن رشد said...

هشام رمضان
لا الاشاعة غلط

ابن رشد said...

إسلام
انا من رايي هل انت قد الاشاعة

ابن رشد said...

ابو مفراح
اه هبقى انا الريس

ابن رشد said...

احبــــأب و لكن؟؟؟؟
هجيلك

ابن رشد said...

أحمد سلامــه
مرسي اوي على اعجابك بالبوست
و هستنى زيارتك

ابن رشد said...

فى القلب
مش قلتلك احنا شبة بعض

ابن رشد said...

حمادة زيدان
لا حرامية تاني لا
اتعب

Anonymous said...

فكرتني يا شمس بأحمد بدير
آني ما أوعاش...هما اللي جالولي
انا الحقيقة مش عرفت أقرا عشان اللون الأحمر صعب عليا القراية أوي
بس أنا خايفة من لحظة زي دي
لنبقى والله المستعان
عراق جديد
منى

gohayna said...

يا ابني هو خلاص بيودع

وعمره ما هيعيش قد الي عاشه ابدا مهما حاول يعني

هيا نمساله وقات مش اكتر

الخوف بقي من الي جاي بصراحه

ليكون الي جاي انيل واحنا مش واخدين بالنا

ربنا يستر بجد


سعيده بزيارتك لمودونتي
واتمني اشوفك دايما

تحياتي ليك

حنين و حنان said...

انا دايما بشوف ان الموجود عارفينو لكن الي جاي مش عارفينو و اهو احسن من غيرو و عيرو احسن من غيرو و من ايد لي ايد و ادي زمن وراه زمن و ادينا بنرجع سنه عن سنه و بيفشل كل جيل عن جيل و ادينا عايشين و اخرتها في ايد رب العالمين
احمد نجم
ارجو زيارت مدونتي لسماع اخر اشعاري و علي فكره دا شعر وطني
http://a7asessha3er.blogspot.com/

Rania Lelah said...

انا مع منذر
مش لاقيين حد ينفع
لو بصينا حولين مش هنلاقى حد ينفع مكان مبارك
الجنزورى كان راجل بجد ينفع يكون ريس
اهو راح
و عمرو موسى فعلا راجل بكل معانى الكلمه
كنت بحبه قوى
كنت حاسة انه بيحب مصر بجد مش تمثيل
منسلوش لقاء تلفزيونى عمله مع وزير خارجية اسرائيل الاسبق
و تقريبا مسح بكرامته الارض
كنت مبسوطة قوى و انا بتفرج و بقوله يلا كمان يا عمرو يا موسى اديله
بس تقريبا بعدها على طول
ادفن على راى منذر فى الجامعة العربية
الى معنتش اصلا بتعمل حاجة
بقى صورة مرسومة و معتش عارف يعمل حاجة
بوستك رائع و فكرت فى الكلام دة
بس عارف يا شمس
دوام الحال من المحال
يعنى اكيد فى يوم هيتوفى الريس
و اكيد هيجى مكانه واحد
بس تفتكر بقى و دة الى نفكر فيه
يفتكر هيحصل فينا اكتر من الى بيحصل دلوقت؟؟؟؟؟؟؟؟؟؟؟؟؟؟؟
هذا هو السؤال
عذرا لتقصيرى
تحياتى

أحمد المصري said...

لا لا لا لا مجنون ايه؟ده كلام برضه امال اذا اتكل بجد حتبقى عامل ازاي يابني
بدل كده كنت ادعيلو طويل العمر يطول عمره..ماتنساش هاي هي00ههههه
سلام0

اللهو الخفى said...

لاء هو لو فعلا مات هيحصل هرج و مرج لو ماحدش وعى الشعب المصري ايه اللي المفروض يتعمل

اللهو الخفى said...

معلش اسمحلي ارد علي اسلام انا ما بحبش اقراء اللي الناس كتيه لانها حاجه شخصيه لصاحب المدونة بس عن فكرت التوريث صعبه جدا لو الريس فعلا مات انما لو تخلى عنه ممكن يبقى فيه توريث لانجمال ش قوي لا علي مستوى امريكا و اسرائيل و اوروبا و لا علي نطاق الوزراء اصحاب الريس و لا علي مستوانا احنا الشعب المصري

حواء said...

والله يا شمس حالتك دى بتحصل لناس كتير مش تقلق انت بخير ان شاء الله

Anonymous said...

بجد بوست جامد جدااااااااااا

و انا مع منذر ان احنا اتزرع فينا عدم ثقه بالنفس

مثلا يعنى كان فيه كاريكاتير شفته مره فيه الفرق بينا و بين بره ان بره بيسيبوا الطفل يقول رايه فمن هو صغير بيكون عنده ثقه انه يتحاور و يتسال

لكن عندنا بيتربى الطفل ان الكلام فى السياسه عيب و ان الريس فوق الكل و القلم منه شرف

احنا اللى عملنا كده

مجتمعنا هو اللى عمل فينا كده

عاشان احنا شعب طول تاريخه مش حكمه حد باختياره ابدا

على ما افتكر و انا بقرا التاريخ يعنى

و فين الحل ؟

الاسلام هو الحل

لو كلنا بقينا كده الموضوع هيتحل ان شاء الله

بس عايز ايمان و صبر و نفس طوييييييييييل

و بحييك على البوست تانى

ابن رشد said...

wa7dania
منى كلنا خايفين من كدة
و اللون الاحمر ابقى ضللية
و انا مش هكتب بية تاني

ابن رشد said...

gohayna
ما هي دي المصيبة
اكيد هزورك عن قريب

ابن رشد said...

a7asessha3er
ان شاء الله هزورك و اللي قاله نجم صح

ابن رشد said...

Rania
لا ممكن يحصل كتير غير اللي بيحصل

ابن رشد said...

أحمد المصري
طب بالزمة انت بتدعي من قلبك

ابن رشد said...

اللهو و الخفي

هو دة اللي انا بكلم فية

ابن رشد said...

اللهو و الخفي
كدة انت بدات تندمج

ابن رشد said...

bocycat
بجد يا دكتورة

ابن رشد said...

مريم
مرسي على اعجابك بالبوست و على فكرة يعني اية الاسلام هو الحل
اصلي بحب التفاصيل
و على فكرة الصبر و الثقة عرفناهم
مين ايمان دي؟

EGYPT EYES said...

أنا كان نفسي يموت عشان يرتاح بقى ويدخل الجنه

ابن رشد said...

EGYPT EYES
هو اللي يرتاح و لا احنا

Monzer said...

انت فين يا باشا
غيبت والله
ابقى طمنى عليك

ابن رشد said...

و الله يا منذر ظروف معلش ادعيلي

ابو النجوم said...

شمس
لما مات عبد الناصر الناس كانت بترمى نفسها من فوق العمارات حزنا علية وعلى اللى هيحصل بعد كدة ساعتها ماكنتش عارف اية الحكاية لكن لما عشت عهد مبارك عرفت ان الناس دى كان مكشوف عنها الحجاب وكانت عارفة الايام السودة اللى بنعيشها فااخدوها من قاصرها وانتحروا ياريت الواحد كان يقدر يعملها باأثر رجعى ويوفر سنين الهم والغم دى .يعنى انا عندى خمسين سنة الريس بتاعك قرفنى فى اكتر من نصفهم مش حرام علية يضيع احلى سنين عمرى .تصور انا باأفكر ارفع علية قضية علشان اطالبة بتعويض عن السنين الزفت دى .وكل ذنبى انى اتولدت فى مصر وهو رئيسها .ربنا يقرب البعيد ونلحق نعيش لنا كام يوم بعد مايغور فى ستين
سلام ياشموس