My Visitors If you cann't read arabic you can know how I think you can visit this link

August 09, 2007

عشان متبقاش سياسة و شعر بس اديها تاج

التاج دة اهدهوني جمعاوي روش طحن مدونة فكك مني
اسم مدونتك؟
مصري لللنهاية
لماذا اخترته ..وماهي نيتك من وراء اختياره؟
و الله انا اخنرته عشان بحب البلد دي قوي مرض بقى تقول اية و النية وراء اختيارة اني مش ناوي اتغير يعني مصري و بس لا شوية هبقى شاب هيبس و لا الكلام دة كله و لا ناوي اهاجر تل ابيب
هل فكرت في إغلاق مدونتك؟ والسبب؟
لا لم أفكر ف هذا مطلقا ...و السبب انا شخصيا معرفوش اصلي مفكرتش
صورتك في المدونة ورمزيتها ؟
اه صورة الصقر الجميل دة اصله فية شبة مني اصل الصقر عامه طائر شجاع غيور ودود ذوكبرياء عزيز النفس .فهو شجاع في هجومة ومعلاكته مع الفريسة ، قادر على منازلة فرائس اكبر منه حجما . وهو طائر غيور على عشه وصغاره وانثاه ، وودود لعائلته حيث شوهدت بعض الصقور تصطاد لوالديها . كما ان الصقر ذو كبرياء لايحب ان يغدر به او يخدع و ابقى روح انت بقى اقرا عنه
لماذا دخلت عالم التدوين من الاساس؟
عشان عايز اكتب حاجة لية و للاخرين عايز اكتب للناس لاخواتي و ابويا و امي و حبيبتي و البت بتاعتي و الواد صاحبي و عم طلعت القهوجي عايز اكتب لدكتوري في الجامعة اللي ميفتكرنيش اساسا بس عادي بقى
جمله قيلت لك فى وصف مدونتك؟
لا وو الله لسة منزلتش المدونة مسابقة جمال اول ما تنزل هبقى اقلك
التعليقات بالنسبه لك ,اهميتها؟
التعليقات دي عاملة زي الردار في الطيارة عجلة القيادة في العربية الشراع في المركب هي اللي بتهديني لطريقي و هي كمان اللي بتدفعني اكتب تاني
احلى بوست كتبته ...ضع اللينك , ثم اذكر لماذا؟
ميشكرش في بوستاته اللي ابليس خلي الناس هي اللي تقول
حد قل أدبه فى التعليق إيه رد فعلك؟
و الله لو الكلام كان خارج عن حدود الادب بشتيمة و سب همسح التعليق عشان شعور الاخوة الزوار و شعورى انا كمان ( اصلي عندي احساس ) غير كدة هناقش وجهه نظر المعلق
أسوأ مدونة؟
بصراحة انا متعودتش اقول رايي في حد بس فية مدونة انا متعاظ منها و بصراحة معايا الحق و ابقوا قولوا انتوا رايكم
اه انا نسيت المدونة دي اسمها انا مصري مفيش وراه حاجة غير انه يشتم في الاسلام
هيحصل ايه لإيميلك لما تموت ؟؟
ياراجل اية الافوال الحلوة دي طب قول بعد الشر دة انا لسة صغير
اديت الباسورد لحد قبل كده ؟
لا
اسمك؟
انت هطلعلي بطاقة
المشهور بيه وسط اصحابك؟
شمس الزناتي
شخصيتك نوعها إيه؟
سته سلندر ههههههههههههههههههه لا بص اقلك انا برج العقرب كلي برج العقرب
السفر بالنسبة لك؟
اني اسيب ناس انا عارفهم عشان اروح اقابل ناس معرفهمش و اعرفهم و يوحشني اللي انا سبتهم
وقت فراغك بتعمل فيه إيه؟
حاجات كتير قوي دة انا عايز صفح اصل انا متعدد النشاطات
المود بتاعك؟
الناس بتقول علية متفائل و دايما بضحك مع اني مش شايف حوليه حاجة تضحك
الاكلة المفضلة؟
الكرشة و الفتى و الممبار و الفول ابو طحينه و الفطير
الصفات اللي أخدتها من بابا؟
الثصميم على رايي
الصفات التي أخدتها من ماما ؟
الطيبة
اكتر ست حاجات بكرهها؟
اشمعنا سته
على العموم بلاش اكرها دي مش بعرف اكره
بس مش بحب الخيانه و لا الغدر و لا الانتظار
اكتر ست حاجات بحبها؟
ستة بس برضة
دة انا بحب حاجات كتير اوي
بحب الحب نفسه و بحب الاطفال و بحب الكمبيوتر و بحب النقاش المثمر و بحب سماع الاغاني و كتابة الشعر و القصص
و بحب البنات جدا
الشغل بالنسبة لك؟
هو انا لسة مش فاضي اشتغل عشان وقتي كله مقضيي في البطالة
بس الشغل بالنسبة لية سر حياتي
الانترنت بالنسبه لك؟
المكتبة بتاعتي و سماعة تليفوني و حياة تانية جميلة جدا فيها ناس كتير بحبهم بس برضة فيها الحلو و الوحش
امرره لمين ؟
اولا كدة لكل اللي يقراخ و ثانيا فية شوية ناس بحبهم و عايز اغلس عليهم
بصوا انا كدة هنسى ناس بحبهم انا بهدي لكل الناس

9 comments:

nosha said...

مساء الخير يا شمس حجزت أول تعليق علشان ميكونش ليك حجة تانية
أهنييك على التاج الجميل ده وأحييك على الصراحة واللماضة في كلامك ولو إنها مش جديدة عليك
بس ليا تعليق صغير هبقى أقوله ليك لما أشوفك
تحياتي

فى القلب said...

شمس
أجباتك على التاج جميله اوى
حقيقى شاب مصرى اصيل

mohamedgado said...

جميله جدا اجاباتك
بس انت ليه صحيح مافكرتش تسافر تل ابيب
وانا دخلت على مدونتة مصرى انا دى فعلا معاك حق
انا اتضايقت اوى لما دخلتها
بحييك جدا يا عم شمس لانى بصراحه بحترم كتاباتك الجميله دى
وسلام

wa7dania said...

ميرسي يا شمس على الإهداء
أوعدك هتلاقيه عندي قريب
بس ربنا يسهل إن شاء الله
بهنيك على إجاباتك الجميلة
خفة ظلك ليها طعم مختلف كده
يزيد حلاوة البوستات
; )
صحيح....فين قصايدك ؟؟؟؟؟؟
منى

shams said...

نوشة
حبيب قلبي نوشة
مرسي اوي على التعليق الجميل و انت عارف اللماضة مش جديدة

shams said...

في القلب
ربنا يخليكي و مرسي جدا على رايك

shams said...

محمد جادو
و الله انت لذيذ جدا
بقى يوم ما سافر اسافر تل ابيب

shams said...

منى
حمد الله على السلامة رجوعك لعالم التدوين و الاشعار قريبا ان شاء الله

will said...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情