My Visitors If you cann't read arabic you can know how I think you can visit this link

August 29, 2007

استفسار صغير يا ريس ممكن ؟

بصراحة كدة و عشان محدش يلف و لا يدور
انت قريت العنوان صح
انا عندي استفسار نفسي اسئلة للريس
ايوة الريس بتاعنا متستغربش
عادي يعني مواطن و من حقي اسئل
شاب و عايز اسئل
او مدون و عايز افضفض
المهم يا ريس عشان مطولش عليك
انت عارف اني من عشاق السادات
و كنت بسمعله كدة كذا خطاب
رحمه الله علية كان يقولك
"القوات المسلحة هي درع هذا الوطن و سيفه "
مش عارف يا ريس الايام دي بقيت اسمع
ان القوات المسلحة هي درع هذا الوطن بس
كنت عايز اعرف السيف راح فين
يعني وقع مننا السنين اللي فاتت
و لا اتخصخص مع الخصخصة
و لا راح فين
لا مؤاخذة يا ريس انا مش بتريق و الله
دة انا واحد مكبوت و بفضفض
و يجعله عامر

29 comments:

هشام رمضان said...

مهو عامر يعني هو وقع منه طوبة حتى

فى القلب said...

بص يا سى شمس
الريس
قراء السؤال بتاع سيتك
وانت عارف اد أيه هو حنون وطيب وقلبه واسع وزى قلب الخصه
فقلى يل فى القلب
منتاعارف يا شمس أنا مرميه على طول فى مجلس الوزرا
بلغى حبيبى وروح روح قلبى شمس
أنى خت السيف لأن كان فيه حتة لحمه
محشوره فى سنانى
قلت يااااض يا حس حس تسلكه بأيه
أصلها كانت كبيره شويه هبره يعنى
ملقتش غير السيف على ادها يسلكها

وكمان بينفع احك بيه ضهرى وانا قاعد أتفرج على مسلسل سبعه وربع

ويجعله عامر
أى خدومه

hekaytna said...

يا عم شمس انت بتدور علي السيف طيب دور الاول علي اللي راح غيره واكبر منه كمان ايه لازمة السيف في بلد اتخصخصت وخلصت بح خلاص ؟؟وكمان شوف مين اصلا حيشيل السيف لو لاقيناه يعني لازم نلاقي نفسنا وبلدنا قبل السيف ؟؟وعجبي تعالي شوف الخنقه دي وقولي رايك ايه فيها؟
http://makhnok-khanka.blogspot.com/

بنت الاسلام said...

صلي علي النبي في قلبك ياعم شمس
درع الوطن
اكيد انت غلطت في الكلمة
لان القوات المسلحة هي
دراع الوطن
مش كدة
ولا
اييييه

Doaa Ebrahim Aaql said...

انت متعرفش بجد السيف راح فين

ده راح مع اللى راحو فى 73

حسام مراد said...

ههههههههههههههههههههههههههههه
ههههههههههههههههههههههههههههه
ضحكتنى يا بنى وانا ماليش مزاج
هم يضحك وهم يبكى
اهو موضوع الجيش ده بقه هم اه والله هم
والسيف راح مع الرجاله اللى فى ماتو فى 73
عليه العوض ومنه العوض
تقبل ارق تحياتى فى اول زياره ليا ومش هاتكون الاخيره ان شاء الله
سلاماااااااااااااااااااااات

سجدة said...

وايه يعنى لما يخصخصوا السيف
دول ممكن يخصخصوا القوات نفسها عادى يعنى

ابن رشد said...

هشام رمضان
ماشي انت في
safe side
يا معلم

ابن رشد said...

في القلب
و الله دايما جابرة بخطري على طول
بس و الله انا معرف ان الريس بيحبني كدة و و النبي قليلة قدام السيف معاك عايزينه لحظات بس و النبي سنتين ثلاثة و نرجعه تاني

ابن رشد said...

تعرف دي مشكلة صحيح مين هيشيل السيف

ابن رشد said...

battabakr
بصي مبدئيا انا فرحان بيكي ان انتي بقيتي زائرة دائما للمدونة
بصي بقى يا بطة هو الفرق في الالف
و بعدين ممكن تبقى درع ضد الشعب

ابن رشد said...

princess dodo
يا لهوىىىىىىىىىىىىىىى
السيف راح في 73 و نجيب سيف منين دلوقتي
و نعمل اية يا لهوي

ابن رشد said...

حسام مراد
بص انت اهم حاجة انك هتجيلنا تاني ندور على السيف تاني

ابن رشد said...

سجدة
بصي بقى اليأس دة مينفعش حبه تفاءل يخصخصوا الجيش اية طب يخصخصوا الشرطة الاول

بنت الاسلام said...

انا شاكرة ليك اهتمامك بالرد علي مدونتي يا استاذ شمس وانا اسعد بكتير جداا لزيارتي مدونتك الاكتر من رائعة ربنا يزيدك
مدونتي علي مكتوب
http://battabakr.maktoobblog.com/?post=492169
ياريت تشرفني بنظرة سريعة عليها

ابن رشد said...

بصي بقى يا بطة
مع اني مش بحب موقع مكتوب بس و الله مهتم اتفرج على مدونتك الجديدة
بس هي مش بتفتح لية مش فاهم

محمد مارو said...

رد من الريس
انا وكيل اعمله و بقول لك
مش من حئك انك تسئل و لا تفضفك و لا تفتح بئك
انا قلت لك اهوه
و لو عملتها تانى انت حر
انت عارف انا لا بعذب و لا بموت و لا بعتقل و لا بعمل حاجات وحشه بس بقول لك خلى ساكت افضل
الامضاء
رئاسه الجمهوريه

سكوت هنصوت said...

عايز تعرف السيف راح فين؟؟؟

السيف راح ينام في بيتهمم....هو يعني احنا هنستخدمة في إيه؟؟؟

الريس كتر الف خيرة..قرر يوفر اجرة العسكري الي في الصورة و شايف ياعيني السيف على قلبة...ويجيبلنا بداله بيبس....ومش عشانة...كله عشان مصر والله

إسلام said...

شمس
انا مش عارف اقولك ايه بس الي اقدر اقوله ان في وقتنا هذا مفيش ولا سيف ولا حتي جيش والسبب في هذا
هوه حميها
ويريت لو كان ينفع يرد


تحياتي ليك

Anonymous said...

السلام عليكم
ازيك يا شمس
انا جيت ازور المدونة عندك علي فكرة هي جميلة قوي
وشكرا علي مرورك عندنا
ف مهندس معاصر
بس واضح ان حبايبك كتير

احمد الجيزاوى said...

شمس نصيحه من اخ
استغطه بليل
احمد الجيزاوى

Monzer said...

يف القوات المشلحة
راح من ايد جنودنا البعاليص فى الجيش
لايد جنودنا الجعاليص فى الشرطة


البوست ده حكاية
طبعا انا جاي متاخر
بس مشبقدر أتابع غير يوم الجمعة

بوست جامد

بس يبك وحياة أبوك م السادات
ما هو مين الى جاب أيخنا ده
فكك بس منه
تحايتى يا معلم
والبوست ده دماغ فعلا

ابن رشد said...

maro
قل الريس اديني حاطط جزمة في بقى و ساكت

ابن رشد said...

سكوت هنصوت
و الله على رايك الريس بيتعب معذور

ابن رشد said...

إسلام
لا ما هو بعت الردود مع الاخوة اقرا التعليقات

ابن رشد said...

mar3y
مرسي على زيارتك و ياريت تكرر و ربنا يكتر من الحبايب

ابن رشد said...

مدونه انا بحبك يا مصر
الجيزاوي مبروك الافراج عن خط النت

ابن رشد said...

Monzer
مرسي قوي على اعجابك بالبوست بس مقدرش محبش السادات بحبه

Anonymous said...

السلام عليكم
ممكن اقول لك حاجة السيف موجود ولكن السياسة اتغيرة لا ننسا ان في عصر الرئيس جمال كان اسم وزارة الجيش وزارة الحربية لان كان فية سياسة وقتها ان سوف يحارب كل القوي المخالفة او الرجعية في ذلك الوقت وفي عصر السادات اتغيرت التسمية واصبحت وزارة الدفاع ومقولة السادات معناها ان الجيش للدفاع عن البلد ويستطيع ان يحارب الاعداء وعصر مبارك عدوك الظاهر عملين معة معاهدة سلام يعني مينفعش نقول ان الجيش هيحارب ولكن للعلم . الجيش المصري الان وبفضل من الله اقوي واحدسن من 73 .. ولما قام الجيش بعمل مناورة بدة سنة 98 اسرائيل اترعبت ومازالت لان تلك المنوارة تتم سنويا ولكن مع اختلاف حجم القوات كل سنة حسب الرسالة التي تريد القيادة ارسالها الي اسرائيل .
ولك ان تعلم تصريح احدي الصحف الاسرائيلية علي لسان احد الخبراء عندهم .ان مصر محتفظة بخيار الحرب تجاة اسرائيل وشرفني في مدونتي وانت تقراء الخطاب بالكامل
ولك مني كل تحية