My Visitors If you cann't read arabic you can know how I think you can visit this link

August 15, 2007

اول لقاء

اول لــــــقاء

امنت دائما بكل عجائب السماء
و صدقت ان هناك نيران تحت الماء
و اقسم اني تعقلت كل هذه الاشياء
ألا ان احب منذ اول لقاء

لم تأخذني تلك النظرات العابرة
و لم اتلهف بتلك الشفاة الساحرة
و برغم كل كلماتك المبهرة
ألا انك اصبحتي لقلبي اوله و اخره

انا فارس في زمن انتهى منه الفرسان
انا شاعر كتب قلمه عن الحب و الازمان
انا عاشق لكي يا اميرة ليس لها عنوان
انا مهار لكي و ان كان مهرك كل الجنان

و يرد قلبي بضعف و استبداد
ان كنت اميرها فاحكي لها دون عناد
صرح لها باختيارها من دون العباد
لتكون الحبيبة و العشيقة و الزوجة و الاولاد

لا يا قلبي فهذا هو المحال
لقد ادركت حبي من هذا المقال
و قصائد شعري خطاب لها بمرسال
لتعرف اني طالب قلبها للوصال

38 comments:

هشام رمضان said...

كلامك جميل و الله بس كدة ممكن يتسرق بكل سهولة لأنك حاطط على النت يعني ناس كتير بتشوفه فـ انا انصحك انك متعرضش حاجة زي كدة عشان ممكن حد يسرقها و ينسبها لي و من غير ما تكون عارف

battabakr said...

كلماتك جميلة بجد
ومعبرة
نعم الحبيب
والعشيق
والاب
والزوج
بتفوق واستمرار ان شاء الله

أحمد المصري said...

انا فارس في زمن انتهى منه الفرسان
انا شاعر كتب قلمه عن الحب و الازمان
انا عاشق لكي يا اميرة ليس لها عنوان
انا مهار لكي و ان كان مهرك كل الجنان

تصدق وتآمن بالله؟
خليتني أحس بإني بقرا لشعراء كبار..
جميل جميل جميل0

nosha said...

حبيب قلبي شمس
يا سلام عليك وعلى الحب الجارف ده والرومانسية اللي ملهاش حل ولا كمان الأروع من ده كله الأسلوب في الكلام اللي بجد وفعلاً يعبر عن شاعر حقيقي
مش عارف أعلق غير أني أقلك يا بختها اللي يكون ليها الكلام الجميل ده لو أني مش عارفها ؟؟؟؟!!!!!
تحياتي ليك يا شمس

misrology said...

أسلوبك جميل جدا
وأنا أضم صوتى لهشام رمضان وأقولك
الحق انشر كل مؤلفاتك فى كتاب
أو قدمها للمواقع العربية للابداع العام
زى الموقع ده
http://www.arabcommons.org/
سلام

david santos said...

I passed to congratulate it with its work and to desire a good August to it in vacation.

عاشقة الوطن said...

السلام عليكم

ايه الكلام الجميل ده
الحب من اول لقاء حب جميل واحساس اجمل انك تحب وانك تتحب

تحياتى الشديدة

shams said...

هشام رمضان
مرسي اوي على رايك بس متقلقش اي نسخ او نقل هيتعرض صاحبه للمسائلة القانونية

shams said...

battabakr
تعليقك رائع جدا
فعلا الحبيب = العشيق = الابن = الزوجة = الاخ = لام = الاب

shams said...

احمد المصري
كدة هاخد قلم في نفسي

shams said...

نوشة
متشكر جدا على اين طلعت شاعر حقيقي و لو اني بحس انها مجموعة مشاعر بعبر عنها

shams said...

misrology
مرسي جدا على خوفك علية
و هتبع اللي انت قلته

shams said...

david santos
التعليق دة انت قلته عند كل الناس

shams said...

عاشقة الوطن
و عليكم السلام
و فعلا كلامك كله صح و اجمل حاجة في الدنيا الحب

مجموعة حياة said...

شمس مش حنختلف انو الكلام جميل
مش حنختلف انو الموهبة موجودة
مش حنختلف انو لكلماتك ايقاع بيصيب
بس اللي بيكتب مش محتاج حد يقولو انت بتكتب حلو لأنو لو مش بيكتب حلو ما كان عندو الجرأة يحط بمدونة وقدام كل الناس
اللي بيكتب بيحتاج حد يناقشو انا مع او ضد فكرتك وجوهر كلامك
كتير بيقدر يصف كلام ويقول بس يا ترى كم فينا بيقدر يبحث عن معاني الكلام
الكلام بيبقى زي المحار ... هوة كتير بس يا ترى كل كام محارة بتحمل لؤلؤ جواتها ؟؟؟

لذلك عندي سؤال : يا ترى لأي مدى ممكن نصدق ونآمن بفكرة الحب من أول لقاء وهل هو عقلاني ويؤدي الى نتائج مرضية ؟؟؟
هاد السؤال

كل التحية لك شمس وليس التعليق تقليلا من شأن الكلام فلم نختلف على كل النقاط التي ذكرت سابقا

أم المييس

فى القلب said...

يارب تفهم وتحس وتوافق
وربنا يعمل الى فيه الخير ديما ليك
أفتكر لو قرات هذه الأبيات هتسلم نمر على طول
أبقى بلغنا

princess dodo said...

كلامك رائع اوى
انت بجد مبدع
استمر
تحياتى ليك

محمد شمس الدين said...

موهبة جميلة

إستمر ونمِّيها

ونغمة أصيلة

لو حد يغنيها


إلى الأمام :)

محمد

شذى مولوتوف said...

السلام عليكم

صحيح باتعجب ان الكلمات هى هى الكلمات اللى كلنا بنقولها كل يوم
وبنعلمها لولدنا فى المدراس

بس اللى باستغربه ان فى ناس بتقدر تجمع الكلمة مع الكلمة
وتطلع كلام فوق الوصف زى حضرتك

كنت اتمنى ابقى من الناس اللى عندهم الموهبة دى
ماشاء الله لاقوة الا بالله

علوة said...

أنا أسف جدا جدا لعدم التعليق على الموضوع
بس انا عايز منكوا خدمة يا جماعة
يا ريت تدخلوا البلوج بتاعي وتشوفوا الموضوع بالظبط
أنا أسف تاني لعدم التعليق بس انا معتمد على إننا اصحاب
أرجو انكوا تيجوا عندي أول م تقروا الكلام ده

shams said...

مجموعة حياة
بصراحة استفسراتك جميلة جدا
بس بصراحة انا من ممن يؤمنون بالحب من اول لقاء من عاشر لقاء لكن النجاح مش من ترتيب اللقاء و لكن من الاختيار

shams said...

فى القلب
بجد انت انسانه حساسة جدا و ربنا يستجيب دعاكي

shams said...

princess dodo
مرسي اوي على كلامك الجميل و نتمنى متكنش اخر زيارة

shams said...

محمد شمس الدين
شفلنا حد يغنيها و انا معاك

shams said...

شذى مولوتوف
مرسي اوي على كلامك
و عايز اقلك ان الموهبة بتيجي من الاحساس الحقيقي

shams said...

علوة
هنيجي و نشوف

ahmEd_H said...

تحياتى

كلامك رائع و من القلب

bocycat said...

الكلام ده لمين .. لمصر ؟؟ عموما هو حلو اوى ورومانسى فعلا

wa7dania said...

شمس
إنت فارس بجد
و على فكرة
أنا فعلا لقيت شبه بينك و بين الصقر
تبقى فارس الصقور
لقب غريب
بس مميز مش كده
: )
منى

shams said...

ahmEd_H
مرور رائع و اتمنى مش تكون اخر زيارة

shams said...

bocycat
بصراحة الكلام دة مش لمصر

shams said...

اختى الغالية منى

بصراحة انا بكتب القصيدة من هنا و استنى تعليقك و المرة دي تعليقك لا ينسى
و بصراحة لقب فارس الصقور دة عجبني جدا انت بقى ابقى انشرية
بس انت شايفة ان اية وجة الشبة بيني و بين الصقر ؟؟؟

يا مراكبي said...

سيدي يا سيدي .. يا بختها

إن شاء الله تكون لقيت منها رد

shams said...

مراكبي
مرسي اوي اوي على التعليق الجميل دة
و اخيرا زرتنا يا بشمهندس
و يسمع منك ربنا

خالد منصور said...

بصراحة قصيدة جميلة يا شمس
بس يارب تبقى قصة بجد مش ابداع شاعر

bocycat said...

طيب لميييييين ؟؟؟ ههههههه .. رخامة بقى

shams said...

خالد باشا منصور
دايما اسئلت المساطيل في الصميم
هتفضحنا يا عم

shams said...

bocycat
يعني انا مبحتلهاش في القصيدة
هعترف دلوقتي
بس ما تقلقيش في قصيدة قريبة بعنوان
ماذا بعد اللقاء الاول