مات الفارس

مات الفارس


هل حق الخبر ام هاجس
تعالي الصوت اليائس
يسئل في حال هامس
هل حقا مات الفارس ؟

ما بال الصمت يخيم
و سماء الامل تظلم
و بصيرة المظلوم تعتم
من يأكد الخبر و يقسم

فلتطفئ كل الانوار
و لتبكي حتى الاحجار
و تفيض عيون الانهار
مات الفارس منهار

سأجمع كل الغلمان
و اصيح في الناس نيام
فلتسمع كل الاذان
انقرض زمن الفرسان

كيف ينساكي القلب

كيف ينساكي القلب

كم يتعبني هذا المساء
و القلب يصرخ في عناء
متي يا حبيبتي اللقاء
متى احطم جسور الجفاء

حبيبتي لقد تمنيت النسيان
و سجنت قلبي خلف الجدران
و تمنع كبريائي عن الاحزان
فما وجدت من قلبي غير العصيان

و كيف ينساكي و انتي الحياة
انتي الوجود الي منتهاه
و انتي القمر في ضياه
انتي البسمة على الشفاه

و الان يعصرني الندم
و استغيث من هم السقم
و احاول الا ارتطم
بسيوف و رماح الالم

هفضل فداكي و احبك يا مصر

هفضل فداكي و احبك يا مصر

انضرب برماح تملى الضلوع
و انجرح و اتعذب و اعطش و اجوع
و ابكي و خدودي تملاها الدموع
و افضل فداكي و احبك يا مصر

و اسيبك و اهجر و اسافر بعيد
و اقسم و احلف دة هجرك اكيد
و اشوفك في مأزق و جرحك شديد
ارجع و اقلك فداكي يا مصر

و اشوف السوس في عظمك بينخر
و ينهى فيكي الفاسد و يأمر
و يملى ارضك كل سيئ منكر
و اشوفك و احزن لحالك يا مصر

و اصمم اجاهد و اقاتل عشانك
لا هبعد و لا اهرب و هطلب وصالك
و احارب الخاين الفاسد قصادك
و اموت شهيد في حبك يا مصر

--------------------

طبعا زوار المدونة اللي متعودين انهم قاعدين هنا شاي و قهوة الصبح و بالليل هيستعجبوا من الشكل الجديد للمدونة بس دة على فكرة مش تصميمي ، دة اهداء من

Coca

هي بصراحة صاحبة الفضل في الجمال اللي هب على المدونة كدة و من مقعدي و مكاني هذا باتقدم لها باعز

كلمات الشكر و العرفان

هتمشي يا ريس

هتمشي يا ريس

في اشاعة كدة رايحة و جاية
يا رئيس الجمهورية
انك في الفترة الجاية
هتسيبنا و ترحل عنا

ازاي انا مش مصدق
دي اشاعة صحيح تقلق
و إن صدقناها هنغرق
دة انت عملهالنا جنه

هتسيبنا كدة في النار
وسط الغلا و الاسعار
و الشعب يعيش محتار
و النبي ترجع و ارحمناه

بصراحة انا مش كداب
جبتلنا الاكتئاب
بالظلم و الارهاب
بس فراقك وجعنا

و اكملك الاشاعات
دة قالوا حاجات و حاجات
انك ابو الواجبات
على طول دايما فاكرنا

بس اوعى لصوتنا تسمع
دة شعب عايز يدلع
و فاكرك آل اية مجدع
على طول نفسك تكرمنا

ما تقلي بجد يا ريس
انا ضايع و لا كويس
انا فايق و لا بهيس
اصل انت حبيبنا اللي فهمنا

طب كلمة و خدها بجد
و ابقى اسأل أي حد
في بينا و بينك سد
شيله و حاول تسمعنا

شهيد غزة

شهيد غزة

في كل صباح غزة تحترق بالنار
و الاهل و الاحباب بين الموت و الانهيار
و ما عاد قلبي يحتمل الانتظار
ما عدت اطيق وداع الابرار

لازلت احلم بحلم من بعيد
ان احمل سيفي من جديد
و عن درب غزة لا احيد
و اعود منتصراً او شهيد

لازلت احلم و حلمي ملعون
ماذا يفيد غزة من التائهون
ما يفيد الجرحى من الغافلون
ما عاد يكفيني السكون

ما عادت تكفيني الكلمات
ما عاد يرويني الهتافات
ينتابني من الذنب نوبات
عند رؤية اهل غزة اموات

يا قومي سامحوني فإني غاضب
و لا لوم عليّ في غضب صائب
و لصمتكم و سكوتكم عاجب
تموت غزة و انتم بين مندد و شاجب

ممكن كلمة يا ريس

ممكن كلمة يا ريس

يا ترى ممكن احلم بعد ما فات الاوان
احلم بعد ما سرقوا منى الحنان
طب احلم ازاي و قلبي مقتول من زمان
طب بلاش احلم خليني من اهل الحرمان
بس بلاش تحرمنى من حق النوم كمان
و وعد مش هتكون غفلتي فيها احلام
بس متحرمنيش من حقى في اني انام

و لو مستكتر علية النوم و حتى النوم الخفيف
سيبني اعيش و اشم هوا نضيف
اسمح للربيع يعدي علية بعد ما قتلني الخريف
تعبت و القلب مات و الجسم اصبح نحيف

كلمتى انا قلتها و معرفش عنوان المعتقل
لو هتبعتنى قول للبيضربني ان الجسم اتنحل
و خلية يسامحنى و انا احلفلة ان الحنك اتقفل
الكلمة يا ريس كلمة معتوه و انا دماغى صابها الخلل

عاطل لية يا بلادي

عاطل لية يا بلادي

فك قيودي انا عايز اتكلم
سبني احكيلك ازاي بتألم
سبني اقول كل اللي في قلبي
دة انا قلبي عايز يترمم

انا واحد زيك غلبان
عاش يحلم بحقه كانسان
شخصه كشخص الفارس
و قلبه دة قلب الفنان

الحكاية من اول المدرسة
كانت امي تقول كلمة كويسة
اتعلم و اكبر بشهادتك
علامك سند الجيوب المفلسة

ادينا خدنا شهادة العلم سلاح
شهادة كبيرة مضمونها فلاح
مكتوب عليها مبروك للمهندس
و المهندس جاي المهندس راح

قومي يا بلدي و ردي علية
انا جايلك و سماتي قوية
انا جاي بايع حبي لمصر
و في حبك طالب العبودية

من غير ما هطول و لا اماطل
كان رد بلادي " بقيت عاطل"
و دة ردك يا بلادي علية
اسمحيلي دة رد باطل باطل

يا مصر انا عايز حق الحب
انا عايز حق دموع القلب
حبيتك يا بلادي فين ردك
و لا الوطنية دي كدب في كدب

في العيد يا مصر

في العيد يا مصر

حمد الله بالسلامة يا عيد

ملقيش معاك خبر جديد

مش جايلي ابدا بخبر سعيد

مليت شكل القضبان و الكلبش الحديد

لو كان شرط علية اضحي

عشان يزول عني جرحي

و الحزن يزول من فوق ملامحي

راح اضحي بقوتي و زرعي و قمحي

على ارضك يا مصر انا مسجون

من غير زنزانة و لا سجان و دة مش جنون

مسجون يا بلدي قدام كل العيون

مسجون يا مصر و ممنوع عني المعون

و في العيد و الناس بتفطر

هصارحك يا مصر و اعبر

حطك في قلبي على قد ما اقدر

بس بلاش من العذاب نكتر

علشانك يا بلدي انا ضحيت

و عذبني بعادك ما بكيت

و بكل جراحك حسيت

انا عاشق في حبك ما مليت

للبيع في المزاد

للبيع في المزاد

للبيع للبيع في المزاد
بلد حلوة و جميلة تبقى اجدع البلاد
للبيع بكل رخيص حقوق العباد
للبيع بلد انتشر فيها الفساد

قالوا هتبيع : ثمنها اية
هبعها حتى و لو بجنية
هبعها و متسألش لية
عايز اطفش من وش الباشا و البية

للبيع ابو الهول و التلت اهرام
للبيع شعب شادد على بطنة الحزام
للبيع قلوب نسيت الاحلام
للبيع عيون نسيت طعم المنام

للبيع شوارع بقت صندوق قمامة
للبيع جلبابي و الشال و العمامة
و لو بعنا النيل و السد يا له السلامة
اشتروا منى كل حاجة بس سبولي الكرامة

حد شاري احزاب عليها الوقت فات
حد شاري شباب ماتوا و الامل فيهم مات
حد شاري القمر الصناعي بالافلام و الكليبات
حد شاري الفنادق و مارينا و الرقاصات

اشتروها و اشتروا العقول الممسوخة
و خدوا فوق البيع اودية توشكى المدروسة
و فوق البيعة كنافة رمضان و البسبوسة
و الثمن انكوا ترجعولي زمن المحروسة

وحشاني يا مصر و انا فيكي
عايش جواكي مش لاقيكي
انا عايزك اتونس بيكي
اكتبلك روحي و عمري و اعيش ليكي

نسيانك يا اميرتي

نسيانك يا اميرتي

يا اميرة ملئت كوني بالبهاء
يا حبيبة حملت قلبي للصفاء
يا ملكة حكمت على قلبي بالجفاء
اجيبي ندائي يا اميرتي الصماء

حلمت بعينيكي في كل مكان
رسمتك بقلبي برغم كل الاحزان
و تمر بي الايام و الازمان
لادرك انه لا مفر غير النسيان

اميرتي لقد رئيتك مضيئة كالقمر
تترجلي فتناجيك اوراق الشجر
و لكني لست سوى بشر
لا ارقى للوصول للقمر

انا فارس الفقر له صفة و حال
لي كتف لا يحمل الا الاهوال
و طريق هو رمز للمحال
كيف اعشق من هي رمز للجمال

سامحيني فقد احببتك و سوف انساك
و لو انك لا تعلمي اني اهواك
و ما كان لقلبي حياة لولاك
و لا زالت روحي فداك

اعذريني فلا حل لضيق ذات اليد
و الدرب بيني و بينك ملئ بالف سد
انتي ملكة للامس و اليوم و الغد
و انا فارس و الفارس مملوك و عبد

لا نتظري الي قلبي فالقلب موجوع
و قطرات الماء على وجهي دموع
اميرتي ليس عن الصمت رجوع
و اظل احبك سرا في خشوع

قلب اراد الحب

قلب اراد الحب

احتار العقل و القلب في امرا
لماذا اكتب الكلم شعرا
و لما ارضى بالصمت قدرا
ايعيش الحزن بقلبي عمرا

ايظل قلبي مقيدا مسجون
و ابقى انا سجان للشجون
و ترقب ضعفي العيون
و امضي اسئل عني و من اكون

صالح انت يا قلبي ام فاسد
اظنني فارس للقوم و قائد
فيرهقني قلبي و يقف لي معاند
يدعوني ان اظهر بين الذئاب مارد

و كيف لي و قد خلقت محبا للحياة
كيف اخفى وجهي و استعير وجه الجناة
و لي قلب طيب يعيش صباه
و لي رب اعشقة و لا انساه

يا قوم اني لكم مشتاق
احبكم في الله دون نفاق
ابتاع قلب في الحب نور براق
اكتب عقد للحب فيه عهد و ميثاق

بحبك يا صاحبي

بحبك يا صاحبي

بحبك يا صاحبي يا غالي علية يا اعز الصحاب
بحبك لشخصك
بحبك و حبي دة من غير حساب
بحبك و حبي حنين و اغتراب

بحبك و عارف اثار الزمن
يفرق و يبعد من غير ثمن
بحبك و عارف انك صديق
في زمن غريب لا يأتمن

بحبك و عارف بينا اختلاف
بحبك و من حبك بخاف
بحبك و حبي نقاء و احترام
بحبك و سجل علية اعتراف

بحبك يا صاحبي و خايف عليك
و خايف علية اضيع من اديك
بحبك و عارف بتغلط و بغلط
و عشان ما نغلط انا ايدي في اديك

الي متى السكات

الي متى السكات


و تدور في بينهم الهمسات
تتبادل هذه الأعين لمحات
لتنظر الي قلب جريح في ثبات
متسائلين حائرين الي متى هذا السكات

ألا ترى ظلم و طغيان و فساد
ألا ترى وطن نزيفه في ازدياد
و عبده بين الإيمان و الإلحاد
و أيام تنقلها الظلم و الاستبداد

القلم يعجز أن يكمل السطور
و النفس ترجو برهة لتثور
و العين بين هنا و هناك تدور
و القلب بين الأحزان يعيش وحيدا مكسور

و تدور الهمسات لتبحث في جنون
تتبعها نظرة أمل من كل العيون
تتسائل عن سر ظل ملعون
ايتحول الكلم الي سكون

عبدك يتذلل

عبدك يتذلل


الهي يا من انت للبشرية خالق
يا من خلقت النبي و العبد و الفاسق
جئتك مكسور مهزوم بالامل عالق
جئتك بقلبي الضعيف في رحمتك واثق

حاط بي ذل من كل جبار و حمل
علموني كيف اكون افاق مفسد لكل عمل
اثقلوني الاحمال بشكل لا يحتمل
علموني ان اقتل كل حلم و امل

مولاي اني اخطئت في كل حد و صوب
و غدرت بكل امنية او امل او حب
و كسرت لكل من بنت حواء قلب
و نسيت ان لكل هذه القلوب رب

الهي جائك من يتباها بشجاعته يخشاك
لا يرضى و لا يقنع برب سواك
يبغى رحمتك و عفوك و رضاك
سئل المظلومين السماح فردوا اسئل مولاك

الهى انا صاحب قلب متروس بالجفاء
لا انا صاحب قلب مجروح ما من شفاء
هل يمكن ان احبك دون استحياء؟
اتأذن لي بحبك بجراة الاحباء

و ماذا بعد ؟؟؟؟؟؟؟؟؟؟

و مـــــــــــــــــــــــاذا بعـــــــــــــــــــــــد؟؟؟؟

و ماذا بعد الحب من اول لقاء
لقد ذاق القلب الظامئ طعم الماء
نسى مذاق الظمأ و لازال يقتله الجفاء
راى فيكي الطهارة و العفاف و الحياء

يا اميرة اصابت قلبي العاشق بالجنون
يا حبيبة تشتاق لرؤيتها العيون
يا من هى ابعد عن الحب ما يكون
يا من سجنت قلبها في سجن الوحدة الملعون


انا صاحب قلب مخلوق من ذهب و حديد
قل ظل عشاقة امراء و ملوك و عبيد
قلب القوة فيه بحر ينقص و يزيد
قلب ضم باحشائة نار و رياح و جليد

يا عروس للبحور يا من جعلت مني ملاك
انا سباح ماهر رمى نفسه للشباك
انا زاهد في كل القوم الا انت و سواك
هل تنظري الي قلب ينبت بين الاشواك

اول لقاء

اول لــــــقاء

امنت دائما بكل عجائب السماء
و صدقت ان هناك نيران تحت الماء
و اقسم اني تعقلت كل هذه الاشياء
ألا ان احب منذ اول لقاء

لم تأخذني تلك النظرات العابرة
و لم اتلهف بتلك الشفاة الساحرة
و برغم كل كلماتك المبهرة
ألا انك اصبحتي لقلبي اوله و اخره

انا فارس في زمن انتهى منه الفرسان
انا شاعر كتب قلمه عن الحب و الازمان
انا عاشق لكي يا اميرة ليس لها عنوان
انا مهار لكي و ان كان مهرك كل الجنان

و يرد قلبي بضعف و استبداد
ان كنت اميرها فاحكي لها دون عناد
صرح لها باختيارها من دون العباد
لتكون الحبيبة و العشيقة و الزوجة و الاولاد

لا يا قلبي فهذا هو المحال
لقد ادركت حبي من هذا المقال
و قصائد شعري خطاب لها بمرسال
لتعرف اني طالب قلبها للوصال

قلبي و الامواج

قلبي و الأمواج

موج كموج البحر على قلبي ينساب
اقتحم صخور القلب و العقل في غياب
تلاطمت امواجة على القلب دون حساب
ليرفع راية بقرب قدوم الأحباب

صخور القلب الجحودة تتفتت
ثغرات ملئت هذا القلب المشتت
ملئها الموج بلطماته فانسدت
و القلب يعلن فرحته و الاحزان قد ولت

ايتها الامواج هل انت بمرسال
من بعثك الي قلبي لتزيلي الاهوال
من اعطاك الحق لدخول قلب الابطال
من ارسلك الي ؟ لقلبي الف سؤال

و يشير الي قلبي بالصبر
هو مرسل الي قلبي برسالة امر
" من قلب فتاه ميمونة " من الحب لا مفر
قم من غفوة جحودك فالحب مصير و قدر

لما حلمت

لما حلمت
لما حلمت قالولي الحلم بعيد
و قالولي عايز تروي الارض بدم شهيد
قلت دة حلمي و حلم اخواتي دة حلم مجيد
بحلم ترجع مصر الحلوة بحلم جو الحب يزيد

قلت انا هحلم قالوا الفسده متير و كتير
قلت و ماله مصير صغيرنا يبقى كبير
لو يظلموني و يسرقوني و يقولوا دة لص خطير
دة طريقي و انا الي اخترته و دة المصير

هحلم عشان كل اخ و كل ام و اب
انا عايز شنطة كبيرة مليانه كتير بالحب
اوزع منها و ابعت رسايل لكل قلب
و عايز صحوة قوية ابعتها لكل شاب

و ادوني كمان سيف و رمح و اسهم
عشان ادافع و احمى كل قلب بيحلم
و احار و اقطع ايادي كتير بتظلم
و اعين حاكم لاهلي مع كل قضية يحسم

بحلم ببكرة و بعد بكرة و السنين
بحلم و قلبي حاسس انه حلم المصريين
حلم سهل و مش كبير حلم مليان بالحنين
ما يستاهلش عشانه ابداً اني بكرة اكون سجين

بُكرة

بُكرة

في ليلة مش مضيئة مع السهر
كنت قاعد بشكي همي للقمر
يونسني شباكي و رفرفة روق الشجر
كنت بحكي هموم ما يحتملها الحجر

و سمعت صوت جاي عليا من بعيد
و الصوت قرب علية و لقيته اخويا الوحيد
جاي يونس وحدتي أو يحكي لي الجديد
و سألني فجأة و قالي أنت مالك مش سعيد

قلت بلدي تبقى بلدك و همك هو همي
لو شفت المظالم و المظاليم دول برضة دمي
قالي عارف قالي شايف و حزنك هو حزني
و بلدك اللي جرحاك تبقى برضة هي أمي

و فجأة قالي أنت شايف أنت حاسس أنت سامع
قلت خير قلي مالك بتتألم من المواجع
و جاوبني برضة بسؤاله هو بكرة الفجر طالع
و لو نور الصبح راح ، مش بكرة برضة هيبقى راجع

قلت أكيد الصبح طالع دة الفجر هو الأمل
بكرة يجيي الدور علينا و نبدأ إحنا بالعمل
بكرة شمسه هتبقى أحسن و النجاح محتمل
لا أكيد مش محتمل هنعرف النجاح و ننسى الملل

أنت عارف إن بكرة هنسى فيه كل الوهن
أنت شايف إني هقدر على كل المحن
بكرة يجي بكرة اعلم قلبي الشجن
بكرة كل نايم يصحى ، و يصحى معاهم الوطن

اعوام يا قلب

اعوام يا قلب

اعوام مضت و القلب يقتلة العذاب
اعوام و القلب بين صمود و اغتراب
احكام صدرت هي احكام بالعقاب
صدرت على قلب دافئ ، احكام دون حساب

هذا القلب الذي عاش كريماً معطاء
يرمى في غيابات الزمن بقسوة و افتراء
قتلوا بداخله الحب ، و الحنان الي فناء
ليحيى القلب وحيداً امه في الرجاء

كم ثرت يا قلبي على كل جاهل جاحد
كم اغضب اشجانك كل سارق فاسد
و فرحت حين رأيتني اعيش لربي عابد
و سررت حين رأيتك في الحروب مارد

و رايتك للصديق صدوق تذكره و تبجل
و ان ترى فرحة لحبيب ترقص و تهلل
يظلمك حبيبك متبجح لا سبب و لا معلل
و اراك رحيم مشتاق مجروح يتذلل

ان تعودت الصراخ فاعلم ان لا من مجيب
سأكون عليك يا قلبي في حبك للغير رقيب
لن ارضى يا قلبي ان تظلم دون حسيب
فلتعرف يا قلب " لا اقوى من جرح حبيب "

-----------------------------
شمس الزناتي
19/7/2007