My Visitors If you cann't read arabic you can know how I think you can visit this link

July 29, 2007

لما حلمت

لما حلمت
لما حلمت قالولي الحلم بعيد
و قالولي عايز تروي الارض بدم شهيد
قلت دة حلمي و حلم اخواتي دة حلم مجيد
بحلم ترجع مصر الحلوة بحلم جو الحب يزيد

قلت انا هحلم قالوا الفسده متير و كتير
قلت و ماله مصير صغيرنا يبقى كبير
لو يظلموني و يسرقوني و يقولوا دة لص خطير
دة طريقي و انا الي اخترته و دة المصير

هحلم عشان كل اخ و كل ام و اب
انا عايز شنطة كبيرة مليانه كتير بالحب
اوزع منها و ابعت رسايل لكل قلب
و عايز صحوة قوية ابعتها لكل شاب

و ادوني كمان سيف و رمح و اسهم
عشان ادافع و احمى كل قلب بيحلم
و احار و اقطع ايادي كتير بتظلم
و اعين حاكم لاهلي مع كل قضية يحسم

بحلم ببكرة و بعد بكرة و السنين
بحلم و قلبي حاسس انه حلم المصريين
حلم سهل و مش كبير حلم مليان بالحنين
ما يستاهلش عشانه ابداً اني بكرة اكون سجين

16 comments:

أحمد المصري said...

جمييييييييييل ..المهم الحلم يتحقق0

maro said...

احلم براحتك و اما نوصل ان شاء الله هبئه اصحيك
اصل لسه السكه طويله اوى

shams said...

احمد المصري
متهيئلي لو اتحدنا الحلم هيتحقق

shams said...

استاذ مارو
تفتكر لو كلنا ايد واحدة هتفضل السكة طويلة
مفتكرش
و قلي انت رايك

Human said...

محاولة جميلة جدا
ولوبطلنا نحلم نموت

فى القلب said...

ماشاء الله
طول مافيه شباب بيحلم بالطريقه دى
ولسه عنده أيمان ببكره
و مش خايف
يبقى اكيد بكره أحلى

shams said...

Human
هو دة اللي كنت بتكلم عنه لو بطلنا مش لو بطلت انا لوحدي

shams said...

في القلب
اكيد بكرة هيبقى جميل و احلى كتير من امبار ح

مريم said...

عارف

بقيت خايفه احلم

عاشان مؤخرا خسرت كتير

خالد منصور said...

خالد منصور ينتظركم في كلام مساطيل

shams said...

مريم
عمر ما الانسان هيبطل يحلم عشان احنا عايشين بالحلم
و مش مهم تخسري شوية النهاردة لكن هتتعلمي حاجة لبكرة و اكيد بكرة هتكسبي

shams said...

استاذ خالد اوعدك ان هعدي عليك اكيد و هزورك

يا مراكبي said...

إن شاء الله الحلم هيتحقق .. الفجر جاي مهما طال الظلام .. كل شيء وله نهاية

shams said...

اهو كدة يا مراكبي
لازم الفجر يجيي
و على فكرة بقى احنا في الصيف يعني الليل مش طويل و لا حاجة

Pakinam Nasser said...

احلام نبيلة و رائعة،
ان شاء الله الحلم يتحقق،
و طول مل بنحلم اكيد فى امل

shams said...

الغالية باكي
اكيد لازم نحلم و يبقى فية امل طول ما لسة في مصر شباب بيحبوها