My Visitors If you cann't read arabic you can know how I think you can visit this link

June 26, 2007

بُكرة


بُكرة


في ليلة مش مضيئة مع السهر
كنت قاعد بشكي همي للقمر
يونسني شباكي و رفرفة روق الشجر
كنت بحكي هموم ما يحتملها الحجر

و سمعت صوت جاي عليا من بعيد
و الصوت قرب علية و لقيته اخويا الوحيد
جاي يونس وحدتي أو يحكي لي الجديد
و سألني فجأة و قالي أنت مالك مش سعيد

قلت بلدي تبقى بلدك و همك هو همي
لو شفت المظالم و المظاليم دول برضة دمي
قالي عارف قالي شايف و حزنك هو حزني
و بلدك اللي جرحاك تبقى برضة هي أمي

و فجأة قالي أنت شايف أنت حاسس أنت سامع
قلت خير قلي مالك بتتألم من المواجع
و جاوبني برضة بسؤاله هو بكرة الفجر طالع
و لو نور الصبح راح ، مش بكرة برضة هيبقى راجع

قلت أكيد الصبح طالع دة الفجر هو الأمل
بكرة يجيي الدور علينا و نبدأ إحنا بالعمل
بكرة شمسه هتبقى أحسن و النجاح محتمل
لا أكيد مش محتمل هنعرف النجاح و ننسى الملل

أنت عارف إن بكرة هنسى فيه كل الوهن
أنت شايف إني هقدر على كل المحن
بكرة يجي بكرة اعلم قلبي الشجن
بكرة كل نايم يصحى ، و يصحى معاهم الوطن

8 comments:

wa7dania said...

بكرة
اسم جميل
لكلمات أجمل
صادقة الإحساس
تحياتي سيدي الفاضل
منى

انتصار عبدالمنعم said...

شمس الزناتي
عندك أمل
شيء جميل
يارب يتحقق
بس قول يارب
سعدت بزيارتك مدونتي
بداية خير
وربنا يستر

shams said...

بصراحة يا منى انا وعدتك في تعليق على مدونتك اني بكتب حاجة لبكرة و اهي قدامك

shams said...

الاستاذة انتصار
سعدت بزيارتك جدا
و صدقيني الامل موجود طول ما الحب بينا موجود

HISHAM said...

ده ردي على تعليق كتبته انت على مدونتي !!!!!!!!!!!!!!!!!!!!!!!!

والله يا أخ شمس انا مسرقتهاش و لا حاجة
بس انا ذكرت اني قرأت القصيدة في احد المدونات و على العموم انا آسف

nosha said...

بجد كلامك زي الفل ياصاحبي مش عارف أقولك غير حاجة واحدة بس طول ما إحنا بنحلم ببكرة أكيد هيجي بكرة أحلى وبكرة أحلى بينا إحنا إن شاء الله بس بلاش ؟؟؟
أنت فاهم بقى

shams said...

الاخ هشام
انا اسف ان تعليقي لسيادتكم كان جارح و لكن ارجو من سيادتكم ان كنتم كتبتم ان القصيدة منقولة من عندنا
نرجو من سيادتكم تكبير الخط حبتين

shams said...

حبيبي نوشة
كلنا بنحلم ببكرة و بكرة اجمل ان شاء الله و احنا مع بعض و يارب نفضل مع بعض على طول