My Visitors If you cann't read arabic you can know how I think you can visit this link

February 07, 2008

هفضل فداكي و احبك يا مصر

هفضل فداكي و احبك يا مصر

انضرب برماح تملى الضلوع
و انجرح و اتعذب و اعطش و اجوع
و ابكي و خدودي تملاها الدموع
و افضل فداكي و احبك يا مصر

و اسيبك و اهجر و اسافر بعيد
و اقسم و احلف دة هجرك اكيد
و اشوفك في مأزق و جرحك شديد
ارجع و اقلك فداكي يا مصر

و اشوف السوس في عظمك بينخر
و ينهى فيكي الفاسد و يأمر
و يملى ارضك كل سيئ منكر
و اشوفك و احزن لحالك يا مصر

و اصمم اجاهد و اقاتل عشانك
لا هبعد و لا اهرب و هطلب وصالك
و احارب الخاين الفاسد قصادك
و اموت شهيد في حبك يا مصر

--------------------

طبعا زوار المدونة اللي متعودين انهم قاعدين هنا شاي و قهوة الصبح و بالليل هيستعجبوا من الشكل الجديد للمدونة بس دة على فكرة مش تصميمي ، دة اهداء من

Coca

هي بصراحة صاحبة الفضل في الجمال اللي هب على المدونة كدة و من مقعدي و مكاني هذا باتقدم لها باعز

كلمات الشكر و العرفان

36 comments:

يورو said...

اصمم اجاهد و اقاتل عشانك
لا هبعد و لا اهرب و هطلب وصالك
و احارب الخاين الفاسد قصادك
و اموت شهيد في حبك يا مصر

ماشاء الله يا شمس

الكلام جميل والاجمل المعانى الى شايلها والاجمل والاجمل الدعوه الى بتحملها

انت قلت كلام جوه كل واحد مصرى بيحبها حتى لو مش عارف دا
وحاسس انه تعبان منها
وقرر يبعد عنها

appy said...

ما كلنا بنحب مصر بس عملنا ايه دلوقتى يا شمس لها
اها ليه تعليق على اللى فات فى حاجه
مأنتمه مش ثقافه بيئه أنتمه جايه من أنتيم يعنى الصديق المقرب قوى فهمت ولا اوضح دى كلمه بالانجليزى مش الحاجات التانيه غير التصنيف يا شمس

إسلام said...

شمس
طبعا احنا بنحب مصر
دي حاجه طبيعيه جدا
بس احنا نعمل ايه عشان نرجعها مصر ايام السادات وعبدالناصر
دي دلوقتي مش مصر بتاعت زمان احنا نشبه الصومال او السودان الدول اللي بتعتمد علي المعونه وياريت بتيجي كمان دي بتتنهب وكمان حتي ايراد قناه السويس اللي بيعدي المليارات ياتر بيروح فين عايز اجابه ياريت
بس في الاخر احنا برده بنحبها وفدائها
تحياتي

mohammed alsha3r said...

سلم مداد قلمك ياشمس والله

وانا بحب مصر

بحبك وحبك فى قلبى كبير
لانك حبيبتى فى زمن الطويل

مصر طبعا

mo'men mohamed said...

انك لأحب أرض الله الى قلبى و لكن لولا اهلك اخرجونى منك
هذا هو نموذج الإنتماء
جزاكم الله كل خير
السلام عليكم

بنت الاسلام said...

وبعدهالك يامصر

شمس داب من كتر حبه ليكي

امتي بقي هتحني عليه

وتبادليه

لا

تتعطفي عليه

بلمسة حب واحدة

اكيييد

هتكفيه

رائعة ياشمس كالمعتاد

ابو النجوم said...

شمس
والله العظيم كلنا بنحب مصر بس كل واحد بيحبها بطريقتة حتى الفاسدين والمفسدين بيحبوا مصر لانهم بيهبشوا منها زى ماهم عايزين
مصر اغنى دولة فى العالم .عارف لية ؟
علشان بقى لها 7000 سنة بتتسرق وتتنهب ولسة فيها ناس عايشة وبتلاقى تاكل .تبقى اغنى ولا لا
عادل نجم

بنت الاسلام said...

نسيت اهنيك علي التغيير المميز

ربنا يكرمك ياكوكا

Rania said...

شمس
بجد كلماتك تحفة و احساسك رائع
تحياتى لك

انا بكتبلك دلوقت و مصر جايبة اول جون اى خدمة
رانيا رضا مراسلتكم من امام ART

Desert cat said...

الف مبروك يا شمس على النيو لوك
اما موضوع البوست بقى فانا بصراحة خايفه اقول اى رد يبوظ معنى الكلمات الجميل
تحياتى

حسن مدني said...

أولا
مبروك الشكل الجديد،
ظريف جدا،

آخرا

جامدة جدا يابو الشموس

و افضل فداكي و احبك يا مصر

بس المهم نعرف ازاي نحبها، وازاي نفديها

تحياتي

شمس الزناتي said...

يورو
حسستيني بجد ان اللي جوايا جوة كل مصري

شمس الزناتي said...

appy
برضة الانجليزي مرفوض عشان احنا عرب و عملنا اية لمصر كتير صدقيني و لسة هنعمل

شمس الزناتي said...

اسلام
بنحب مصر عشان هي مصر
من غير لية و لا عشان اية بحبها

شمس الزناتي said...

mohammed alsha3r
و انا كمان بحبك اوي يا شاعر و بحب زباراتك

شمس الزناتي said...

دي كانت جملة الرسول علية الصلاة و السلام و خرج بعد التعذيب البدني و النفسي و الضرب بالحجارة و احنا ماوصلناش للحجارة لما نوصل هخرج

شمس الزناتي said...

بنت الاسلام
شمس داب في حب اراضيها يا بطوط
انا نفسي بجد في لمسة
لمسة واحدة بس
و لمسة كمان عشانك

شمس الزناتي said...

ابو النجوم
اغني دولة يا ابو النجوم بناسها و اهلها الطيبين

شمس الزناتي said...

بنت الاسلام
ربنا يبارك فيكي و في كوكا

شمس الزناتي said...

rania
و انا بعلقلك و بتمني فوز مصر بالبطولة
كلنا بنشجع مصر
و كلنا بنجب مصر

شمس الزناتي said...

desert cat
ربنا يخليكي يارب
و يارب يكون عجبك
و يارب تكون الكلمات عجبتك

شمس الزناتي said...

حسن مدني

بجد يا استاذ حسن انا بحاول تاني اتعلم ازاي احبها

سارة said...

شمس باشا

لو سألت اى حد مصرى غالبا هيقول انه بيحب مصر

المشكلة بقى
اننا فاكرين الحب ده فى ماتش للمنتخب ولا كلمتين نقولهم فى قعدة حلوة عن عظمة مصر وحب مصر ولا حاجة

بنحب غلط يعنى جاتنا 60 خيبة

صوت من مصر said...

كل الكلام ده لمصر حلو بس قليل عليها تستهال اكتر من الكلام ولا ايه

عبد الرحمن مدني said...

الف مبروووووووووووووووووووك لمصر ولينا



وان شاء الله كاس العالم 2010
وياريت نتابع الاخبار مع بعض

يا ريت اسمع رايك في
اخوان ستايل

Ahmed Al-Sabbagh said...

جميل جدا جدا جدا

وجميل اوى التصميم يا شموووس

بجد البت كوكا كوكتاوى دى طلعت عبقرية

خرافة بجد

ومبرووووك لمصر

تحياتى

MĕŢø & ŘǿŖêĔ said...

يا حبيبتي يا مصر يا مصر

وشو المانع لو كنت فلسطينية الجنسة والهوية والاقامة ولكن مصر وطني كمان

كلامك يدل على احساس وانتماء لوطن يستحق شعب عظيم مثلكم

ومبروك الكأس

روري

walaa said...

انا برده اول ما دخلت المدونه اتخضيت قلت انا فين ببص كده لقيت صورتك قلت اااه ده فعلا شمس
مبروك الشكل الجديد للمدونه اولا
ثانيا
جميل قوى حبك واخلاصك للمصر
غعلا كلنا بنحب مصر قوى وعايزين نعمل حاجه بقه علشان مصر ترجع تانى لينا
تحياتى ولاء

شمس الزناتي said...

سارة
حب مصر جوانا و ظاهر في كل خطوة و كل لمحة و كل نظرة

شمس الزناتي said...

صوت من مصر
انا اديت عمري اللي فات لمصر و هديها عمري اللي جاي

شمس الزناتي said...

عبد الرمن مدني
مبروك علينا و عليك
و قريب هجي ان شاء الله

شمس الزناتي said...

الصباغ
مرسي اوي اوي ليك يا صباغ و يارب البيو لوك يعجبك

شمس الزناتي said...

روى
اهلا بيكي و بكل اهلا في فلسطين في مدونة مصري للنهاية

شمس الزناتي said...

walaa
فعلا حبنا ليها لا يمكن يفنى و لا يمكن يموت و مرسي على شكرك للشكل الجديد

will said...

一夜情聊天室,一夜情,情色聊天室,情色,美女交友,交友,AIO交友愛情館,AIO,成人交友,愛情公寓,做愛影片,做愛,性愛,微風成人區,微風成人,嘟嘟成人網,成人影片,成人,成人貼圖,18成人,成人圖片區,成人圖片,成人影城,成人小說,成人文章,成人網站,成人論壇,情色貼圖,色情貼圖,色情A片,A片,色情小說,情色小說,情色文學,寄情築園小遊戲, 情色A片,色情影片,AV女優,AV,A漫,免費A片,A片下載

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

A片,AIO,AV,日本AV,色情A片,AV女優,A漫,AIO交友愛情館,線上A片,免費A片,A片下載,情色A片,微風成人,嘟嘟成人網,成人,成人影片,成人光碟,成人影城,成人交友,愛情公寓,色情聊天室,情色貼圖,色情,色情影片,做愛,情色,哈啦聊天室,聊天室,UT聊天室,豆豆聊天室,尋夢園聊天室,080視訊聊天室,080聊天室,080苗栗人聊天室,自拍,性愛

情趣用品,情趣用品,情趣,情趣,A片,A片,情色,A片,A片,情色,情趣用品,情趣用品,A片,A片,情色,情色

情色視訊,美女視訊,辣妹視訊,視訊聊天室,視訊交友網,免費視訊聊天,視訊交友90739,視訊,免費視訊,情人視訊網,視訊辣妹,影音視訊聊天室,視訊交友,視訊聊天,免費視訊聊天室,成人視訊,UT聊天室,聊天室,豆豆聊天室,色情聊天室,尋夢園聊天室,聊天室尋夢園,080聊天室,080苗栗人聊天室,上班族聊天室,小高聊天室

افلام اون لاين said...

و اشوف السوس في عظمك بينخر
و ينهى فيكي الفاسد و يأمر
و يملى ارضك كل سيئ منكر
و اشوفك و احزن لحالك يا مصر


بص الجزأ دا مش حاسس انه كويس
لو تسمحلي اعدله

واشوف السوس في عضمك بيكتر
ويسلب مافيكي بخيرك وينخر
صعبانة عليا وعشانك انا هقدر
عشانك اموت وتعيشي يامصر