هفضل فداكي و احبك يا مصر
انضرب برماح تملى الضلوع
و انجرح و اتعذب و اعطش و اجوع
و ابكي و خدودي تملاها الدموع
و افضل فداكي و احبك يا مصر
و اسيبك و اهجر و اسافر بعيد
و اقسم و احلف دة هجرك اكيد
و اشوفك في مأزق و جرحك شديد
ارجع و اقلك فداكي يا مصر
و اشوف السوس في عظمك بينخر
و ينهى فيكي الفاسد و يأمر
و يملى ارضك كل سيئ منكر
و اشوفك و احزن لحالك يا مصر
و اصمم اجاهد و اقاتل عشانك
لا هبعد و لا اهرب و هطلب وصالك
و احارب الخاين الفاسد قصادك
و اموت شهيد في حبك يا مصر
انضرب برماح تملى الضلوع
و انجرح و اتعذب و اعطش و اجوع
و ابكي و خدودي تملاها الدموع
و افضل فداكي و احبك يا مصر
و اسيبك و اهجر و اسافر بعيد
و اقسم و احلف دة هجرك اكيد
و اشوفك في مأزق و جرحك شديد
ارجع و اقلك فداكي يا مصر
و اشوف السوس في عظمك بينخر
و ينهى فيكي الفاسد و يأمر
و يملى ارضك كل سيئ منكر
و اشوفك و احزن لحالك يا مصر
و اصمم اجاهد و اقاتل عشانك
لا هبعد و لا اهرب و هطلب وصالك
و احارب الخاين الفاسد قصادك
و اموت شهيد في حبك يا مصر
--------------------
طبعا زوار المدونة اللي متعودين انهم قاعدين هنا شاي و قهوة الصبح و بالليل هيستعجبوا من الشكل الجديد للمدونة بس دة على فكرة مش تصميمي ، دة اهداء من
هي بصراحة صاحبة الفضل في الجمال اللي هب على المدونة كدة و من مقعدي و مكاني هذا باتقدم لها باعز
كلمات الشكر و العرفان
35 comments:
اصمم اجاهد و اقاتل عشانك
لا هبعد و لا اهرب و هطلب وصالك
و احارب الخاين الفاسد قصادك
و اموت شهيد في حبك يا مصر
ماشاء الله يا شمس
الكلام جميل والاجمل المعانى الى شايلها والاجمل والاجمل الدعوه الى بتحملها
انت قلت كلام جوه كل واحد مصرى بيحبها حتى لو مش عارف دا
وحاسس انه تعبان منها
وقرر يبعد عنها
ما كلنا بنحب مصر بس عملنا ايه دلوقتى يا شمس لها
اها ليه تعليق على اللى فات فى حاجه
مأنتمه مش ثقافه بيئه أنتمه جايه من أنتيم يعنى الصديق المقرب قوى فهمت ولا اوضح دى كلمه بالانجليزى مش الحاجات التانيه غير التصنيف يا شمس
شمس
طبعا احنا بنحب مصر
دي حاجه طبيعيه جدا
بس احنا نعمل ايه عشان نرجعها مصر ايام السادات وعبدالناصر
دي دلوقتي مش مصر بتاعت زمان احنا نشبه الصومال او السودان الدول اللي بتعتمد علي المعونه وياريت بتيجي كمان دي بتتنهب وكمان حتي ايراد قناه السويس اللي بيعدي المليارات ياتر بيروح فين عايز اجابه ياريت
بس في الاخر احنا برده بنحبها وفدائها
تحياتي
سلم مداد قلمك ياشمس والله
وانا بحب مصر
بحبك وحبك فى قلبى كبير
لانك حبيبتى فى زمن الطويل
مصر طبعا
انك لأحب أرض الله الى قلبى و لكن لولا اهلك اخرجونى منك
هذا هو نموذج الإنتماء
جزاكم الله كل خير
السلام عليكم
وبعدهالك يامصر
شمس داب من كتر حبه ليكي
امتي بقي هتحني عليه
وتبادليه
لا
تتعطفي عليه
بلمسة حب واحدة
اكيييد
هتكفيه
رائعة ياشمس كالمعتاد
شمس
والله العظيم كلنا بنحب مصر بس كل واحد بيحبها بطريقتة حتى الفاسدين والمفسدين بيحبوا مصر لانهم بيهبشوا منها زى ماهم عايزين
مصر اغنى دولة فى العالم .عارف لية ؟
علشان بقى لها 7000 سنة بتتسرق وتتنهب ولسة فيها ناس عايشة وبتلاقى تاكل .تبقى اغنى ولا لا
عادل نجم
نسيت اهنيك علي التغيير المميز
ربنا يكرمك ياكوكا
شمس
بجد كلماتك تحفة و احساسك رائع
تحياتى لك
انا بكتبلك دلوقت و مصر جايبة اول جون اى خدمة
رانيا رضا مراسلتكم من امام ART
الف مبروك يا شمس على النيو لوك
اما موضوع البوست بقى فانا بصراحة خايفه اقول اى رد يبوظ معنى الكلمات الجميل
تحياتى
أولا
مبروك الشكل الجديد،
ظريف جدا،
آخرا
جامدة جدا يابو الشموس
و افضل فداكي و احبك يا مصر
بس المهم نعرف ازاي نحبها، وازاي نفديها
تحياتي
يورو
حسستيني بجد ان اللي جوايا جوة كل مصري
appy
برضة الانجليزي مرفوض عشان احنا عرب و عملنا اية لمصر كتير صدقيني و لسة هنعمل
اسلام
بنحب مصر عشان هي مصر
من غير لية و لا عشان اية بحبها
mohammed alsha3r
و انا كمان بحبك اوي يا شاعر و بحب زباراتك
دي كانت جملة الرسول علية الصلاة و السلام و خرج بعد التعذيب البدني و النفسي و الضرب بالحجارة و احنا ماوصلناش للحجارة لما نوصل هخرج
بنت الاسلام
شمس داب في حب اراضيها يا بطوط
انا نفسي بجد في لمسة
لمسة واحدة بس
و لمسة كمان عشانك
ابو النجوم
اغني دولة يا ابو النجوم بناسها و اهلها الطيبين
بنت الاسلام
ربنا يبارك فيكي و في كوكا
rania
و انا بعلقلك و بتمني فوز مصر بالبطولة
كلنا بنشجع مصر
و كلنا بنجب مصر
desert cat
ربنا يخليكي يارب
و يارب يكون عجبك
و يارب تكون الكلمات عجبتك
حسن مدني
بجد يا استاذ حسن انا بحاول تاني اتعلم ازاي احبها
شمس باشا
لو سألت اى حد مصرى غالبا هيقول انه بيحب مصر
المشكلة بقى
اننا فاكرين الحب ده فى ماتش للمنتخب ولا كلمتين نقولهم فى قعدة حلوة عن عظمة مصر وحب مصر ولا حاجة
بنحب غلط يعنى جاتنا 60 خيبة
كل الكلام ده لمصر حلو بس قليل عليها تستهال اكتر من الكلام ولا ايه
الف مبروووووووووووووووووووك لمصر ولينا
وان شاء الله كاس العالم 2010
وياريت نتابع الاخبار مع بعض
يا ريت اسمع رايك في
اخوان ستايل
جميل جدا جدا جدا
وجميل اوى التصميم يا شموووس
بجد البت كوكا كوكتاوى دى طلعت عبقرية
خرافة بجد
ومبرووووك لمصر
تحياتى
يا حبيبتي يا مصر يا مصر
وشو المانع لو كنت فلسطينية الجنسة والهوية والاقامة ولكن مصر وطني كمان
كلامك يدل على احساس وانتماء لوطن يستحق شعب عظيم مثلكم
ومبروك الكأس
روري
انا برده اول ما دخلت المدونه اتخضيت قلت انا فين ببص كده لقيت صورتك قلت اااه ده فعلا شمس
مبروك الشكل الجديد للمدونه اولا
ثانيا
جميل قوى حبك واخلاصك للمصر
غعلا كلنا بنحب مصر قوى وعايزين نعمل حاجه بقه علشان مصر ترجع تانى لينا
تحياتى ولاء
سارة
حب مصر جوانا و ظاهر في كل خطوة و كل لمحة و كل نظرة
صوت من مصر
انا اديت عمري اللي فات لمصر و هديها عمري اللي جاي
عبد الرمن مدني
مبروك علينا و عليك
و قريب هجي ان شاء الله
الصباغ
مرسي اوي اوي ليك يا صباغ و يارب البيو لوك يعجبك
روى
اهلا بيكي و بكل اهلا في فلسطين في مدونة مصري للنهاية
walaa
فعلا حبنا ليها لا يمكن يفنى و لا يمكن يموت و مرسي على شكرك للشكل الجديد
و اشوف السوس في عظمك بينخر
و ينهى فيكي الفاسد و يأمر
و يملى ارضك كل سيئ منكر
و اشوفك و احزن لحالك يا مصر
بص الجزأ دا مش حاسس انه كويس
لو تسمحلي اعدله
واشوف السوس في عضمك بيكتر
ويسلب مافيكي بخيرك وينخر
صعبانة عليا وعشانك انا هقدر
عشانك اموت وتعيشي يامصر
Post a Comment