My Visitors If you cann't read arabic you can know how I think you can visit this link

January 13, 2008

الووو.....الووووو....مكالمة غريبة


ترررن ترررن ترررن ترررن
شمس : الو ..... السلام عليكم
المتصل : ازيك يا شمس
شمس : اهلا و سهلا اقدر اعرف مين معايا
المتصل : جهات عليا
شمس : انا ساكن في الدور الخامس حضرتك بتكلم من السابع
المتصل : شمس احنا قرينا بوستاتك اللي كاتبها 1 ، 2 ،
شمس : ربنا يستر .........اية المطلوب
المتصل : انت عايز توصل لفين
شمس : لو كان علية عايزك تبلغ سيادته ان فطار الفول و الطعمية بقى غالي .............. بلغة ان الجنبة بالقوطة بقت للاغنياء بس ........... قوله ان الشباب قاعدة مش لاقية شغل و الناس جعانه و الصرخات في كل مكان ....... بلغة ان احنا مقتولين من الحرمان من الطغيان و الشعب في حالة هذيان و البلد على بركان و الغني في الفقير طمعان و النظام لغى من البطاقة صفة الانسان و عشان تعرف تاكل يا تلف بظهرك عريان يا تقلع لغيرك و يتقال عليك فنان
المتصل : مش عايز حاجة تاني يا شمس
شمس : اه و النبي اهم حاجة قول لسيادته انا مش ارهابي و لا تابع لمنظمة و لا عايز اكفر حد و لا عايز ادعو لحد و قوله اني حلفتلك انا مش ارهابي
المتصل : هههههههههههههههههههههههه
شمس : استنى اقول لسيادتك قولة انا مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون
---------------------------------------------------
و مرة واحدة لقيت اخويا بينادي
اخو شمس : شمس يا شمس
شمس : نعم
اخويا : انت ماسك السماعة و عمال تقول انا مجنون و التليفون بيصفر
شمس : اصل التليفون رن و انا رديت و بعدين حصل ان ................
اخويا : شمس انت بتحلم
شمس : بحلم يعني برضة الكلام دة مش هيوصل خلاص اقوم بقى اكتبه على المدونة

34 comments:

سهر الليالى said...

حلم حلو اوى
قصدى البوست حلو اوى

انا صحيح مش بحب يكون ليا فى السياسه بس بحب أقراها من عندك

تحياتى

حسن مدني said...

حلو قوي يا شمس،،

بس ابقى اتغطى كويس عشان فواتير الأحلام زادت اليومين دول،

تحياتي

Misrian Bloggers Directory said...

فضفضة جميلة - هنعمل إيه يا شمش الشموس إذا مكناش نفضفض - فكرتني بمحسنة توفيق في فيلم العصفور لما فضليت تتكلم وترغي كتير وسيف قاعد يسمع وثقولها فضفضي فضفضي. ما هو لازم نفضفض يعني هنكتم يعني.

الشريف / جمال طة said...

انت شمس ولا ليل ولا قمر شكلك كده يوم مش طالعله نهار وليل ملوش نهاية والقمر بقى كله حجار ونصحيتى لك ضربوا ألأعور على عينه قال لهم خسرانه خسرانه
والسجن بقى بالواسطه وعليهم بخساره
ياخسارة فرحة ماتمت واتصلت بيك لقيتك فى الشارع والحارة وانا اللى حسدتك وحقدت عليك انك حتروح السجن تأكل وتشرب ببلاش وتنام وعليك عيون سهرانه تحرسك وتحميك

http://gamal51.blogspot.com

nosha said...

مساء الفل يا صديقي العزيز
والله عندك حق في كل اللي قلته وفيه زيادة كتير عليه كمان والمشكلة مش مشكلة واحد ولا اتنين ولا حتى جماعة المشكلة مشكلة شعب بحاله طلعان عينه وربنا يفك الفساد والشر بعيد عننا بلارجعة
بس ليا سؤال يا أخويا يا شمس هو إنت كنت بتهيس صحيح ولا هو زهق منك وقفل السكة في وشك
تحياتي ليك يا صاحبي

بنت الاسلام said...

فنان والفنان دايما مجنوووووووون واحلامه أجن منه

هتقولي ليه حد في الدنيا عاقل يحلم بدووووووول

يارب العقل يرجع لنا بقي

بوست رائع ومميز جدااا كالعادة

بالتوفيق دايما

Empress appy said...

والله قولت عليك مجنون من ساعة لما شوفتك هو ده اخرة اللى ينام فى الدور الاخيرة والقاهرة الجديدة وهواها هتقولى عليه
هههههههههههههههههه

walaa said...

حتى الناس بقيت بتحلم وهى صاحيه منك لله يا مبارك اكييد بقه ربنا هو اللى حيتصرف معاك
وحدبرده طلع الدور السابع حيتكلم مع الدور الخامس ويقوله عايز ايه فعلا ده برده حلم اللى بيطلع فوف عمره ما بيشوف احزان اللى تحت

mohammed alsha3r said...

حلم

تصدق

كلنا بنحلم نفس الحلم


طيب تيجى ننزل ياشمس ميدان التحرير

وبدل ما نحلمه على السرير وف التليفون

وفى المدونات

نحلمه

ف الميدان

علشان نكمله فى حته تانيه

ايه رأيك؟؟

Desert cat said...

ازيك يا شمس
طبعا الكلام اللى قولته كله مظبوط
بس احنا محتاجين نتغير علشان نعرف نغير اللى حوالينا
" ان الله لا يغير ما بقوم حتى يغيروا ما بانفسهم "

محمد مارو said...

كنت فين يابنى كله ده ؟
انتهتيجى المظاهره بتاع بكره ان شاء الله ؟
ع شان نقوله اللى انت عوزه

Anonymous said...

أنت مش عارف إن
الأحلام ممنوعة لحين إشعار آخر يا شمس ؟؟
وكمان مش عارف أننا ممكن نقرأ أفكارك
احنا مش هنوديك ورا الشمس يا شمس
لأن خلاص هناك زحمة
انما فيه مكان فاضى ورا زحل
مع تحيات الهيئة العامة لمنع الاحلام وتطوير الكوابيس

mohammed rashad mohammed said...

والله إنت فعلا فنان
انا كنت أتمنى إنى أكون بتفس أسلوبك
بس فى حاجة
هتصدقنى لو قولتلك
إنى حلمت
حاجة
شبه كده
أوى
بس وجه
الإختلاف
إنه كان وجها لوجها
بالغصب يعنى
مش فى التليفون
بس بعد ما صحيت
حمدت ربنا إنه مش حقيقى
أه ياعم أنا أمى مالهاش غيرى
وده إللى بيروح عندهم
يقى راح ورا الشمس
ومحدش طبعا يعرف إيه إللى ورا الشمس
لييييييييييييه
لإن بإختصار إللى بيروح ورا الشمس
مابيرجعش
ولو رجع بيبقى حاجة من إتنين
يامجنون
يامشلول
وربنا يستر
وأخيرا لنا ولك الله
وهو البرد إللى بيعمل كدهع ياشمس
|أقولك على حاجة
ماتنمش أحسن
يعنى جت على النوم
على رأى الشريف جمال طه
ضربو الأعور على عينه قال
ماهى خسرانة خسرانة
مع سلامى للجميع
والسلام ختام

DR.HAMAS said...

ههههههههههه

كلامك وصل يا سيدى

بس للجهات اللى على قد حالها زينا



شكرا للغاية


د.حمــــــاس

ابن رشد said...

سهر الليالي
ربنا يخليكي انتي احلى بس انتي لية مش بتحبي السياسة

ابن رشد said...

حسن مدني
فواتير التليفونات بس يا باشا كل حاجة زادت

ابن رشد said...

Egyptian Boggers Directory
اديني بنفضفض عشان مش نموت يا باشا

ابن رشد said...

الشريف / جمال طة
لية كدة يا باشا لا سجن اية بلاش منه
و بعدين حتى السجن مفيهوش امان

ابن رشد said...

nosha
حبيب قلبي
عرفت ان البلد كلها خربانه
بس على فكرة انا كنت بهيس

ابن رشد said...

بنت الاسلام
بطوط
شوفي بقى انا حلمت بيهم
و ربنا يخليكي على المجاملة الرقيقة

ابن رشد said...

appy
ههههههههههههههه
شفتي بقى
و بعدين خافي على نفسك احنا جيران و ممكن اعديكي

ابن رشد said...

walaa
لا و الله يا ولاء دة مش بيقلي عايز اية عشان يلبي دة عشان يهدد و يحبس

ابن رشد said...

mohammed alsha3r
نحلمة في الميدان و نخش المعتقل انا و انت جميعا
اية رايك

ابن رشد said...

Desert cat
طب نتغير او نغير ازاي دلينا انتي

ابن رشد said...

محمد مارو
هشوفك منور القاهرة و المععتقل

ابن رشد said...

إيهاب الحمامصى
هي الهيئة دي يا بية وصلت لحد مصر برضة و الله مكنت اعرف انا غلطان

ابن رشد said...

mohammed rashad mohammed
ههههههههههه
و الله انت عسوله بس حتى هيحرمونا من النوم دة يبقى حرام

ابن رشد said...

DR.HAMAS
اية دة يعني مش هيوصل للريس يا حررااااااااااااااام كنت عايزة يسمعه
اوعه تصدق دة انا اروح ورا زحل على راي ايهاب

احمد الجيزاوى said...

نصيحه اخ سا شمس
ابقه اتغطه كويس اليومين دول برد وحرالم تبرد او حد يجى بليل الساعه 2 يكشف عنك الخطه وتبرد وانت عرف مين بيجى بليل
وكمان ايه الجشع دة انا من طبقه الفقيرة بس لسه باكل جبنه بقوطه ايوة مش لقى قوطه بس احو بنتصرف ومش هقولك بنتصرف الزاى
ههههههههههههههههههههههه
تحاتى لك يا فارس التدوين
احمد الجيزاوى

Anonymous said...

ياريت نكون شجعان زى أحلامنا

وياريت صوتنا كل الناس تسمعه

وياريت الناس تفوق بقا

مواضيعك جميلة يا شمس

يارب يوفقك

أخوك نيجــر

ابن رشد said...

احمد الجيزاوى
و النبي يا جيزاوي انت عسل شايف الهم و راضي بيه

ابن رشد said...

احمد سعيد
شجعان يا احمد بامارة المظاهرات اللي جمعتنا

Anonymous said...

بسم الله
القصيدة حلوة جداااااااااااا وعجبتنى بجد وبتوصل كل الى عاوزين ونفسنا نقولو واذا كان الكلام دة كلام مجنون اذا فليحيا الجنون وعلى فكرة العبقرى دايما ولابد ان يمتزج بشئ من الجنون
تحياااااااااااااتى ليك ياشمس ولقلمك المبدع يااااااشاعرنا العظيم

Anonymous said...

معلش ياشمس نسيت اسالك هو التلفون الى فى صورة دة لسه موجود دة انا بحسبو انقرض