ترررن ترررن ترررن ترررن
شمس : الو ..... السلام عليكم
المتصل : ازيك يا شمس
شمس : اهلا و سهلا اقدر اعرف مين معايا
المتصل : جهات عليا
شمس : انا ساكن في الدور الخامس حضرتك بتكلم من السابع
شمس : ربنا يستر .........اية المطلوب
المتصل : انت عايز توصل لفين
شمس : لو كان علية عايزك تبلغ سيادته ان فطار الفول و الطعمية بقى غالي .............. بلغة ان الجنبة بالقوطة بقت للاغنياء بس ........... قوله ان الشباب قاعدة مش لاقية شغل و الناس جعانه و الصرخات في كل مكان ....... بلغة ان احنا مقتولين من الحرمان من الطغيان و الشعب في حالة هذيان و البلد على بركان و الغني في الفقير طمعان و النظام لغى من البطاقة صفة الانسان و عشان تعرف تاكل يا تلف بظهرك عريان يا تقلع لغيرك و يتقال عليك فنان
المتصل : مش عايز حاجة تاني يا شمس
شمس : اه و النبي اهم حاجة قول لسيادته انا مش ارهابي و لا تابع لمنظمة و لا عايز اكفر حد و لا عايز ادعو لحد و قوله اني حلفتلك انا مش ارهابي
المتصل : هههههههههههههههههههههههه
شمس : استنى اقول لسيادتك قولة انا مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون مجنون
---------------------------------------------------
و مرة واحدة لقيت اخويا بينادي
اخو شمس : شمس يا شمس
شمس : نعم
اخويا : انت ماسك السماعة و عمال تقول انا مجنون و التليفون بيصفر
شمس : اصل التليفون رن و انا رديت و بعدين حصل ان ................
اخويا : شمس انت بتحلم
شمس : بحلم يعني برضة الكلام دة مش هيوصل خلاص اقوم بقى اكتبه على المدونة
34 comments:
حلم حلو اوى
قصدى البوست حلو اوى
انا صحيح مش بحب يكون ليا فى السياسه بس بحب أقراها من عندك
تحياتى
حلو قوي يا شمس،،
بس ابقى اتغطى كويس عشان فواتير الأحلام زادت اليومين دول،
تحياتي
فضفضة جميلة - هنعمل إيه يا شمش الشموس إذا مكناش نفضفض - فكرتني بمحسنة توفيق في فيلم العصفور لما فضليت تتكلم وترغي كتير وسيف قاعد يسمع وثقولها فضفضي فضفضي. ما هو لازم نفضفض يعني هنكتم يعني.
انت شمس ولا ليل ولا قمر شكلك كده يوم مش طالعله نهار وليل ملوش نهاية والقمر بقى كله حجار ونصحيتى لك ضربوا ألأعور على عينه قال لهم خسرانه خسرانه
والسجن بقى بالواسطه وعليهم بخساره
ياخسارة فرحة ماتمت واتصلت بيك لقيتك فى الشارع والحارة وانا اللى حسدتك وحقدت عليك انك حتروح السجن تأكل وتشرب ببلاش وتنام وعليك عيون سهرانه تحرسك وتحميك
http://gamal51.blogspot.com
مساء الفل يا صديقي العزيز
والله عندك حق في كل اللي قلته وفيه زيادة كتير عليه كمان والمشكلة مش مشكلة واحد ولا اتنين ولا حتى جماعة المشكلة مشكلة شعب بحاله طلعان عينه وربنا يفك الفساد والشر بعيد عننا بلارجعة
بس ليا سؤال يا أخويا يا شمس هو إنت كنت بتهيس صحيح ولا هو زهق منك وقفل السكة في وشك
تحياتي ليك يا صاحبي
فنان والفنان دايما مجنوووووووون واحلامه أجن منه
هتقولي ليه حد في الدنيا عاقل يحلم بدووووووول
يارب العقل يرجع لنا بقي
بوست رائع ومميز جدااا كالعادة
بالتوفيق دايما
والله قولت عليك مجنون من ساعة لما شوفتك هو ده اخرة اللى ينام فى الدور الاخيرة والقاهرة الجديدة وهواها هتقولى عليه
هههههههههههههههههه
حتى الناس بقيت بتحلم وهى صاحيه منك لله يا مبارك اكييد بقه ربنا هو اللى حيتصرف معاك
وحدبرده طلع الدور السابع حيتكلم مع الدور الخامس ويقوله عايز ايه فعلا ده برده حلم اللى بيطلع فوف عمره ما بيشوف احزان اللى تحت
حلم
تصدق
كلنا بنحلم نفس الحلم
طيب تيجى ننزل ياشمس ميدان التحرير
وبدل ما نحلمه على السرير وف التليفون
وفى المدونات
نحلمه
ف الميدان
علشان نكمله فى حته تانيه
ايه رأيك؟؟
ازيك يا شمس
طبعا الكلام اللى قولته كله مظبوط
بس احنا محتاجين نتغير علشان نعرف نغير اللى حوالينا
" ان الله لا يغير ما بقوم حتى يغيروا ما بانفسهم "
كنت فين يابنى كله ده ؟
انتهتيجى المظاهره بتاع بكره ان شاء الله ؟
ع شان نقوله اللى انت عوزه
أنت مش عارف إن
الأحلام ممنوعة لحين إشعار آخر يا شمس ؟؟
وكمان مش عارف أننا ممكن نقرأ أفكارك
احنا مش هنوديك ورا الشمس يا شمس
لأن خلاص هناك زحمة
انما فيه مكان فاضى ورا زحل
مع تحيات الهيئة العامة لمنع الاحلام وتطوير الكوابيس
والله إنت فعلا فنان
انا كنت أتمنى إنى أكون بتفس أسلوبك
بس فى حاجة
هتصدقنى لو قولتلك
إنى حلمت
حاجة
شبه كده
أوى
بس وجه
الإختلاف
إنه كان وجها لوجها
بالغصب يعنى
مش فى التليفون
بس بعد ما صحيت
حمدت ربنا إنه مش حقيقى
أه ياعم أنا أمى مالهاش غيرى
وده إللى بيروح عندهم
يقى راح ورا الشمس
ومحدش طبعا يعرف إيه إللى ورا الشمس
لييييييييييييه
لإن بإختصار إللى بيروح ورا الشمس
مابيرجعش
ولو رجع بيبقى حاجة من إتنين
يامجنون
يامشلول
وربنا يستر
وأخيرا لنا ولك الله
وهو البرد إللى بيعمل كدهع ياشمس
|أقولك على حاجة
ماتنمش أحسن
يعنى جت على النوم
على رأى الشريف جمال طه
ضربو الأعور على عينه قال
ماهى خسرانة خسرانة
مع سلامى للجميع
والسلام ختام
ههههههههههه
كلامك وصل يا سيدى
بس للجهات اللى على قد حالها زينا
شكرا للغاية
د.حمــــــاس
سهر الليالي
ربنا يخليكي انتي احلى بس انتي لية مش بتحبي السياسة
حسن مدني
فواتير التليفونات بس يا باشا كل حاجة زادت
Egyptian Boggers Directory
اديني بنفضفض عشان مش نموت يا باشا
الشريف / جمال طة
لية كدة يا باشا لا سجن اية بلاش منه
و بعدين حتى السجن مفيهوش امان
nosha
حبيب قلبي
عرفت ان البلد كلها خربانه
بس على فكرة انا كنت بهيس
بنت الاسلام
بطوط
شوفي بقى انا حلمت بيهم
و ربنا يخليكي على المجاملة الرقيقة
appy
ههههههههههههههه
شفتي بقى
و بعدين خافي على نفسك احنا جيران و ممكن اعديكي
walaa
لا و الله يا ولاء دة مش بيقلي عايز اية عشان يلبي دة عشان يهدد و يحبس
mohammed alsha3r
نحلمة في الميدان و نخش المعتقل انا و انت جميعا
اية رايك
Desert cat
طب نتغير او نغير ازاي دلينا انتي
محمد مارو
هشوفك منور القاهرة و المععتقل
إيهاب الحمامصى
هي الهيئة دي يا بية وصلت لحد مصر برضة و الله مكنت اعرف انا غلطان
mohammed rashad mohammed
ههههههههههه
و الله انت عسوله بس حتى هيحرمونا من النوم دة يبقى حرام
DR.HAMAS
اية دة يعني مش هيوصل للريس يا حررااااااااااااااام كنت عايزة يسمعه
اوعه تصدق دة انا اروح ورا زحل على راي ايهاب
نصيحه اخ سا شمس
ابقه اتغطه كويس اليومين دول برد وحرالم تبرد او حد يجى بليل الساعه 2 يكشف عنك الخطه وتبرد وانت عرف مين بيجى بليل
وكمان ايه الجشع دة انا من طبقه الفقيرة بس لسه باكل جبنه بقوطه ايوة مش لقى قوطه بس احو بنتصرف ومش هقولك بنتصرف الزاى
ههههههههههههههههههههههه
تحاتى لك يا فارس التدوين
احمد الجيزاوى
ياريت نكون شجعان زى أحلامنا
وياريت صوتنا كل الناس تسمعه
وياريت الناس تفوق بقا
مواضيعك جميلة يا شمس
يارب يوفقك
أخوك نيجــر
احمد الجيزاوى
و النبي يا جيزاوي انت عسل شايف الهم و راضي بيه
احمد سعيد
شجعان يا احمد بامارة المظاهرات اللي جمعتنا
بسم الله
القصيدة حلوة جداااااااااااا وعجبتنى بجد وبتوصل كل الى عاوزين ونفسنا نقولو واذا كان الكلام دة كلام مجنون اذا فليحيا الجنون وعلى فكرة العبقرى دايما ولابد ان يمتزج بشئ من الجنون
تحياااااااااااااتى ليك ياشمس ولقلمك المبدع يااااااشاعرنا العظيم
معلش ياشمس نسيت اسالك هو التلفون الى فى صورة دة لسه موجود دة انا بحسبو انقرض
Post a Comment