My Visitors If you cann't read arabic you can know how I think you can visit this link

January 17, 2008

ام الرشرارش ( إيلات ) مصرية و الله

طبعا انا معرفش اذا كان كل قرائنا يعرفوا ام الرشراش و لا لأ لكن اللي فيكوا مش عارف ام الرشراش اكيد سمع عن مدينة او ميناء اسرائيلي اسمه ايلات ( Eilat ) حكايتها هي اللي هنقلها ، و اللي عارف الحكاية يستني برضة معايا شوية



طب اية الحاية اقلكوا اية الحكاية بس استحمولوني لو اطلت عليكوا المرة دي



ايلات مينا اسرائيلي على الساحل الجنوبي من خليج العقبة يحد مدينه ايلات الاسرائيلية اراضي سيناء غربا و اراضي الاردن شرقا و البحر الاحمر ( خليج العقبة ) من الجنوب المساحة 84.789 كم مربع و عدد سكانها 45700 نسمة حسب احصائية عام 2004



طب هنفضل نحكي عن ايلات كدة كتير يا شمس



لالالالالالالالا مش هطول عليك و هديك الساعقة دلوقتي ان مدينة ايلات دي مدينة مصرية الاصل و اسمها ام الرشراش و محتله من قبل اسرائيل منذ عام 1949 بالتحديد في 10 مارس 1949 و الي الان محتله و لحد بيتكلم و لا حد شايف و لا حد سامع



و النبي يا عم شمس مش عايزين فرقعات و كدة يعني ما تديناش خبر عشان تسخنا و يطلع غلط



لا مش غلط و الادلة كثرا فقط سيادتك كلف نفسك و اتعب دقيقة و ابحث على الشبكة عن " الجبهة الشعبية لاستعادة ام الرشراش " الجبهة دي يا جماعة تأسست من 15 سنه على يد مؤسسها محمد الدريني



و قد صرح محمد الدريني بأن الجبهة نشرت ادله عن ان هذه الاراضي هي اراضي مصرية كما نشرت وثائق عن مجزرة جماعية اقامتها القوات الاسرائيلية ضد 350 جندي و ظابط مصري كانوا يتولو حماية ام الرشراش عام 1949 كما اوضح انهم يمتلكون في الجبهة ما لايقل عن 7500 وثيقة تثبت صحة ان ارض ام الرشراش ارض مصرية



طبعا يا جماعة الجبهة دي مؤسسة من 15 سنة اية اللي انا جايبة جديد هقول لحضرتك



اخر الاخبار المصرية عن هذا الموضوع ان هذا الموضوع اثير في مجلس الشعب بجلسة 18/12/2006 م في لجنة الشئون الخارجية و قد كان رد الحكومة على لسان مساعد وزير الخارجية وقتها ان هذه الاراضي اراضي فلسطينيه ( معرفش جاب الكلام دة منين )



الجديد في الامر ان النائب المحترم / طلعت السادات تقدم للدكتور / فتحي سرور بطلب احاطه يوم 6/1/2008 يعني من ايام قليله لنقاش مسئلة قضية ام الرشراش على اثر اكتشاف مؤسسة الاقصى لاعمار المقدسات الاسلامية عن اثر اكتشافها مقبرة جماعية جديدة لمسلمين قتلوا في ام الرشرام رميا بالرصاص و دفنت مصاحفهم معهم و على هذا الاعلان تقدم النائب حبيبي / طلعت السادات بطلب الاحاطة اللي رد علية رئيسمجلس الشعب و مش هقول اسمه تاني عشان قرفت بان الموضوع هيتم مناقشتة يوم 13/1/2008 و الي الان انا مستني 13/1/2008 دة يجي مع ان حسب النتيجة التاريخ دة عدى



المهم اللي منكوا هيبحث فعلا في الموضوع انا بقدم لكم خريطة ايلات من الانترنت





و دي خريطة ايلات جبتهالكوا من جوجل ايرث حضراتكوا ممكن تشوفوا ام الشرشراش انا محددها بالخط الاحمر


هسيب الموضوع معاكوا و هنكمل كلامنا فية تاني قريب جدا بعد ما اشوف رايكوا اية
و على فكرة يا جماعة في جروب على الفيس بوك للمهتمين بهذا الموضوع دة اللنك بتاعه

24 comments:

mohammed rashad mohammed said...

محدش يعلق أنا ثهاروح أصلى وراجع
أنا الأول

mohammed rashad mohammed said...

يعنى مش كفاية الأقصر والأهرام
ولا الإتنين مليار متر مكعب ميه بتوع النيل غللى هيروحولهم عبر قناة دنجلى ولا المجازر إللى بتحصل كل يوم
لأ ده فيه كمان
تزوير فى خرايط رسمية
يانهار إسود
ياترى إيه إللى هيحصل تانى
إنت متأكد إنك متأكد من الموضوع ياشمس


طب أنا عايز أسأل سؤال الكلام ده كان فين من قبل 15 سنة
وإزاى سكتوا الحكومات إللى قبل كده
وإزاى أكتشفوه تانى من 15 سنة
طب الثورة
والعدوان الثلاثى
والنكسة
وأكتوبر
والسادات
وعبد الناصر
دول كلهم
كانو فى الحمام
ولا إيه
ياعالم إيه إللى هيحصل تانى
ده كده بقيت خايف الواحد تطلع البلد دى مش مصر فى الأخر ولا إيكون إحنا مش على كوكب الأرض أصلا

بنت الاسلام said...

كل الشواهد
والادلة

والتاريخ

يشهد انها مصرية

لا شك في مصريتها

ولكن الحكومة تدعي العكس

وتخشي من مناقشة وطرح الموضوع من اصله

وتماطل فيه

السؤال ليه

هو الخوف من اسرائيل وصل للدرجة اننا ننكر البنوة

هو الحق المثبوت بالادلة والبراهين وبيشهد عليه التاريخ صعب استرداده

طيب لو كان حق مغتصب بلا بينة ولادليل هنعمل ايه

الحملة مطلوبة

واتحادنا وتوصيل صوتنا مع اعضاء مجلس الشعب مطلوب

لعل النداء هذه المرة يصل

ويخرج عن اطار الادان في مالطة

تحياتي

ومتضامنة لابعد الحدود
وهروح حالا اشترك في الجروب علي الفيس بوك

shimaa mahdy said...

موضوع أم الرشراش ده بقاله كثير فعلا ولو عملت سيرش على المصرى اليوم باسم أم الرشراش هتلاقى إن فى أخبار منشورة عنها من 2006

مش عاوزة أكون متشائمة وأقولك إنهم برده مش هيعملوا حاجة بس اللى خلاهم نازلين بيع فى البلد هيروحوا يستردوا أرض الصهاينة محتلينها سواء بالحرب أو بالطرق الدبلوماسية

بعدين ما احنا استردينا سيناء لكن مين اللى قاعد فيها ومستمتع بيها، أكيد مش احنا هما برده اللى قاعدين فيها بس بدل ما كانوا قاعدين فيها وهما لابسين لبس عسكرى بقوا قاعدين فيها بالمايوهات

سيناء ما رجعتش تانى لينا.. سيناء رجعت تانى ليهم..

أسفة إذا كان كلامى سخيف وملىء بالتشاؤم بس هو ده الواقع

EGYPT EYES said...

ماهي مصر كلها محتله جت على أم الرشراش أما نحرر مصر من مبارك نبقى نفكر في موضوع ام الرشراش دي d:
تحياتي

mado80 said...

لازم نسأل السؤال اللي سألو في الأول محمد رشاد طيب لما هي مصريه طيب ده كان فين من قبل 15 سنه بصراحه سؤال وجيه اوي ومحير في نفس الوقت لأن احنا بنتكلم مثلا عن حكام بوزن عبد الناصر والسادات كانوا فين دول بجد

shams said...

mohammed rashad mohammed
اديك حجزت اول تعليق يا عم

shams said...

mohammed rashad mohammed
اولا الحكومات سكتت لاسباب
عبد الناصر كان لسة بيقيم البلد و مكنش فايق انه يحارب و لا يقول ان مصر محتله كان هيصدم الشعب
و السادات اتكلم عنها في كامب ديفيد بس الجأ المفاوضات فيها لحين الانتهاء من سيناء

shams said...

بنت الاسلام
حبيت اوي تاكيدك على انها مصرية و ايمانك بالقضية
و عايز اقلك ان الحكومة بتاعتنا بتخاف من ذكر كلمه اسرائيل مش المواجههه

shams said...

shimaa mahdy
مش مشكلة انهم قاعدين فيها بس السيادة لينا خلي بالك يا شوشو الشبر اللي بيروح لاسرائيل مش بيرجع تاني

shams said...

لا معلش نحررها من اسرائيل الاول
و بعد كدة نتصرف مع مبارك
يعني مبارك و لا اسرائيل لا طبعا مبارك

shams said...

mado80
انا جاوبت لو الاجابة مش كافية قلي

عاشقة الوطن said...

السلام عليكم

ازيك ياشمس

تصدق ان لو فضلنا ساكتين 100 سنة كمان ولا حد هيتحرك
ورئيس مجلس الشعب ممكن يكون أجل المناقشة فى جلسة 2018
عادى يعنى عشان الموضوع يتناقش بنطاق اوسع

ربنا يرحمنا

شكرا على الموضوع المهم ياشمس

appy said...

لو لينا حق هيرجع واحنا مش هنسيبه علشان دى ارضنا بس نسيبهم يقولوا اللى عندهم كله ونجيب اخرهم وبعدين انا اول واحده هقف فى الموضوع ده يا شمس

appy said...

شموس ليك تاج عندى تعالى شيله لانه لو فضل اكتر من كده هيحبسنى وانت عارف مليش فيه انت واخد على البهدله ههههههههههه

shams said...

عاشقة الوطن
طب و احنا هنفضل ساكتين لازم نعمل حاجة حتى و لو في وجهه ظالم
عشان التاريخ مش يحكم علينا بالظلم

shams said...

appy
انا اقلك اللي عندهم ان دي ارض فلسطينية و من غير ادلة كدة عافية يعني

shams said...

appy
هاجي اشوفه و اقبله حاضر

walaa said...

ايه المعلومات الجامده دى يا شمس بجد رائع لا واللى يغيظك ان مصر لا حس ولا خبر بس فالح طالع كل سنه فى 6 اكنوبر صاحب الضربه الجويه الاولى يااخى جاتك ضربه فى نفوخك وانا من رأى يا شمس انها مصريه ولا فلسطنيه مش مهم المهم انها ترجع وتبقى عربيه وفلسطين ولا مصر ما كلها ارضنا وكلنا واحد ولا ايه؟
ولاء

shams said...

walaa
و الله عندك حق يا ولاء انا بقول كدة
بس تاكيدي على انها مصرية عشان الناس تخلي عندها دم و تتحرك ما انتي شايفة غزة مطحونة و لا حد بيتكلم

Desert cat said...

تصدق يا شمس اول مرة اسمع الكلام ده
اه والله اتارينى مش عايشة فى الدنيا
بس يا شمي النهارده 20/1
يمكن السيد رئيس المجلس كان يقصد 13/1 / 2050
الله اعلم مش عايزين نظلمه برضه

shams said...

desert cat
و اللع عارف ان في ناس كتير مش كانت عارفة
عشان كدة انا كتبت
و اولا و اخيرا منهم لله

Anonymous said...

ثقافة الهزيمة..أم الرشراش أرض مصرية

بقلم : غريب المنسى

أم الرشراش بلدة حدودية مصرية مع فلسطين وكان يقيم بها قوة شرطة قوامها 350 ضابط وجندى. ولأنهاء حرب 1948 وقعت مصر واسرائيل اتفاقية هدنة فى رودس فى يوم 24 فبراير 1949 ولكن فى ليلة 10مارس 1949 قامت بعض العصابات اليهودية بقيادة اسحاق رابين - رئيس وزراءإسرائيل 1992-1995- بالهجوم على أم الرشراش فى عملية بربرية اسمها الحركى "عوفيدا " ولأن القوةالمصرية كانت ملتزمة بأتفاق الهدنة فلم تطلق طلقة واحدة .. ولكن اليهود كسروا الاتفاق وقاموا بمذبحة جرى خلالها قتل جميع أفراد قوة الشرطة المصرية واحتلوا أم الرشراش وحولوها الى ميناء ايلات والذى تأسس سنة 1952.

ومنطقة رأس خليج العقبة وبلدة أم الرشراش كانت تابعة للحكم المصرى حتى عام 1892عندما اصدر السلطان العثمانى فرمانا بضم منطقة العقبة للأراضى الحجازية وبقيت أم الرشراش ورأس النقب وطابا تحت الحكم المصرى وعرف ذلك بفرمان 1892,ولكن فى عام 1906 وبسبب وجود مصر تحت الاحتلال البريطانى قامت القوات العثمانية باحتلال مثلث أم الرشراش ورأس النقب وطابا ووقعت أزمة عالمية وقتها قامت على أثرها بريطانيا بالضغط على اسطنبول وانسحبت القوات العثمانية وعادت أم الرشراش ورأس النقب وطابا لمصر, وفى سنة 1906 قام السلطان العثمانى بابرام اتفاقية مع القاهرة عرفت باتفاقية 1906 ونصت على أن تكون رأس النقب وطابا لمصر وأم الرشراش للحجاز. ومساحة أم الرشراش -ايلات حاليا - تبلغ 1500 كيلو مترمربع وهى مساحة أكبرمن مساحة هضبة الجولان- 1150 كيلو مترمربع - وقطاع غزة الذى تبلغ مساحته 350 كيلو مترمربع .

الدكتور صفى الدين أبو العز - رئيس الجمعية الجغرافية المصرية - يصف أم الرشراش كميناء رئيسى لمرور الحجاج وكانت تحت الحكم المصرى غيرأنها سقطت فى يد الصليبين أثناء الحروب الصليبية حتى حررها صلاح الدين الأيوبى وطردالفرنجة منها لكنهم عادوا من جديد ليتمكن السلطان الظاهر بيبرس من طردهم منها نهائيا عام 1267 ميلادية وأقام السلطان الغورى عليها قلعة لحمايتها كميناء مهم لمصر .. وتعود تسميتها ب 'أم الرشراش ' الى احدى القبائل العربية التى أطلقت عليها ذلك الاسم.

فى مذكرات محمود رياض - أمين عام جامعة الدول العربية الأسبق- يشير لرواية رئيس الوزراء الاردنى توفيق باشا أبو الهدى الذى أقر بها فى مؤتمر رؤساء الحكومات العربية الذى عقد فى يناير 1955 عندما قال : " انه عندما بدأت القوات اليهودية فى تقدمها جنوبا باتجاه خليج العقبة فى مارس 1949 لاحتلال أم الرشراش جاء الوزير المفوض البريطانى فى عمان ليقول له أن حكومته ترى ضرورة استمرار المواصلات البرية بين مصر وباقى الدول العربية وتقترح لذلك ارسال كتيبة بريطانية الى مدينة العقبة لمنع اليهود من الوصول الى الخليج , وفعلا وصلت الكتيبة الانجليزية الى ميناء العقبة الأردنى على أن تتحرك فى الوقت المناسب لوقف التقدم اليهودى الا أنها ظلت فى ميناء العقبة دون أن تتحرك بينما استمرت القوات اليهودية فى تقدمها لاحتلال أم الرشراش وليكتشف بعد ذلك أن جلوب باشا قائد القوات الأردنية الانجليزى قد تواطىء مع العصابات اليهودية لاحتلال أم الرشراش بهدف الوصول الى منفذ على البحر الأحمر" .. انتهى.

ويقول المستشار حسن أحمد عمر أن مصر لم توقع أى اتفاق بخصوص أم الرشراش وهذا يعنى أن الباب مازال مفتوحا أمام المطالبة بمثلث أم الرشراش وأن التضليل الاسرائيلى بغرض اثبات حقوق لها بمثلث أم الرشراش والذى تبدده نصوص الحكم الدولى الذى صدر لصالح مصر فى مثلث طابا حيث أهدرت تلك النصوص الدفع الاسرائيلى الذى يزعم بأن بريطانيا باعتبارها الدولة المنتدبة على مصر وفلسطين قد اعترفت صراحة فى عام 1926 بأن الخط المحدد فى اتفاق 1906 هوخط الحدود وأن بريطانيا قد أكدت لمصر أن حدودها لن تتأثر بتجديد حدود فلسطين .. ونظرا الى سابقة الرجوع الى اتفاق 1906 من جانب مصر وبريطانيا عام 1926 وفى غيبة أى اتفاق صريح بين مصر وبريطانيا على تعيين حدود مصر وفلسطين فأن المحكمة فى أثناء التحكيم فى طابا أهدرت هذا الدفع كلية وأكدت أن المحددات فى اتفاق 1906 المستخدمة فى التصريحات المصرية البريطانية وقتها لايحملان معنى فنيا خالصا وانما يشيران فقط الى وصف خط الحدود دون الاشارة الى تعليم الحدود المنصوص عليها أيضا صراحة فى اتفاق سنة 1906 وهى السند التى كانت اسرائيل ترتكزعلى أنها الاتفاقية التى وضعت أم الرشراش ضمن أرض فلسطين.

فى اطار سعيها لعقد صلح بين اليهود والعرب اقترحت الولايات المتحدة فى عهد كيندى -1961-1963 - والذى كانت تربطه علاقة طيبة بعبد الناصر- 1956-1970- اقامة كوبرى يمر فوق أم الرشراش ويربط بين المشرق والمغرب العربى مقابل سقوط حق مصر فى المطالبة بهذا المثلث الاستيراتيجى ووقتها رفض الرئيس جمال عبد الناصر هذا العرض وقال : " كيف نستبدل أرضنا بكوبرى يمكن أن تنسفه اسرائيل فى أى وقت ولأى سبب ؟؟!!

الجبهة الشعبية المصرية لاستعادة أم الرشراش وهى منظمة مصرية تأسست قبل 15 عاما وتضم مجموعة من الباحثين والحقوقيين وأساتذة قانون دولى وجغرافيين جميعهم يؤكدون على أحقية مصر فى مثلث أم الرشراش وقد طالب الرئيس مبارك الاسرائيليين فى عام 1985 بالتفاوض حول أم الرشراش التى تؤكد جامعة الدول العربية بالوثائق أنها أرض مصرية وفى سنة 1996 أعلن الرئيس مبارك أن أم الرشراش مصرية كما كتبت نشوى الديب فى جريدة العربى المصرية.

من حق مصر الأن بناء على تلك الحقائق أن تثيرموضوع أم الرشراش خاصة وأنها جزء من الأراضى المصرية وليست أرضا فلسطينية استباحت اسرائيل احتلالها.ولايوجد بند فى اتفاقية السلام مع اسرائيل يمنع مصر من حقها بالمطالبة بأم الرشراش ولذلك نرى أنه من المناسب أن تفتح الحكومة المصرية ملف أم الرشراش والتفاوض مع اسرائيل لاستردادها واذا لم يجدى التفاوض يمكن لنا اللجؤ الى محكمة العدل الدولية للمطالبة بحقنا فى استرداد مثلث أم الرشراش ولاسيما أن عدد سكان ايلات الأن 57 الف نسمة ومن المحتمل أن يزداد فى المستقبل والحل الأن دائما أسهل من الحل فى المستقبل.!!!!.... ومن الممكن كبادرة لحسن نوايا مصر أن نسمح فيما بعد بمرور البضائع الاسرائيلية من خلال ميناء أم الرشراش.

will said...

情趣用品,情趣,A片,AIO,AV,AV女優,A漫,免費A片,AIO交友愛情館,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,情色論壇,色情影片,微風成人,嘟嘟成人網,成人,18成人,成人影城,成人圖片區,成人圖片,成人貼圖,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,視訊聊天室,視訊聊天

麻將,台灣彩卷,六合彩開獎號碼,運動彩卷,六合彩,線上遊戲,矽谷麻將,明星3缺一,橘子町,麻將大悶鍋,台客麻將,公博,game,,中華職棒,麗的線上小遊戲,國士無雙麻將,麻將館,賭博遊戲,威力彩,威力彩開獎號碼,龍龍運動網,史萊姆,史萊姆好玩遊戲,史萊姆第一個家,史萊姆好玩遊戲區,樂透彩開獎號碼,遊戲天堂,好玩遊戲,遊戲基地,無料遊戲王,好玩遊戲區,麻將遊戲,好玩遊戲區,小遊戲,遊戲區,電玩快打,cs online

情趣用品,情趣,情趣商品,A片,AIO交友愛情館,AIOAV女優,AV,A漫,免費A片,本土自拍,自拍,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,色情影片,情色網,色情網站,微風成人區,微風成人,嘟嘟成人網,成人,18成人,成人影城,成人圖片區,成人圖片,成人貼圖,成人文章,成人小說,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,中部人聊天室,080苗栗人聊天室,苗栗人聊天室,免費視訊聊天,免費視訊,視訊聊天室,視訊聊天

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,AIO交友愛情館,一葉情貼圖片區,情色論壇,色情影片,色情網站,微風成人區,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,A片,AV女優,AV,A漫,免費A片,自拍,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園,080中部人聊天室,080聊天室,080苗栗人聊天室

情趣用品,情趣,情趣商品,愛情公寓,情色,情色貼圖,色情小說,情色小說,情色文學,色情,做愛,寄情築園小遊戲,色情遊戲,AIO交友愛情館,AIO,色情影片,情色網,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人文章,成人小說,成人電影,麗的色遊戲,自拍,A片,AV女優,AV,A漫,視訊交友網,視訊,視訊交友,免費視訊聊天室,免費視訊,視訊聊天,視訊聊天室,UT聊天室,聊天室,豆豆聊天室,哈啦聊天室,尋夢園聊天室,聊天室尋夢園