My Visitors If you cann't read arabic you can know how I think you can visit this link

March 20, 2007

انزعوا سلاح امريكا




انزعوا سلاح امريكا اقطعوا راس الفساد
قتلت ابني و بنتي حرقت كل البلاد
سرقت كرامتى و عرضي و باعتهم في المزاد
جنت في حاجات كتير اغضبت رب العباد
انزعوا سلاح امريكا اقطعوا راس الفساد

الحكاية من الاول لما العراق خدت المراد
الكويت كانت مرادها و ادعت حق الجهاد
و الوطن العربي مسكتش انتقد خير انتقاد
بكى الكويت كتير و يا امريكا تعالي بالعتاد
يا عالم حن و اعطف للكويت كل الوداد
ارجع يا عراق لأرضك و الجيش الغبي اللي ساد
انزعوا سلاح امريكا اقطعوا راس الفساد

قامت امريكا بثورة جامدة امنعوا عنهم الزاد
و لا اقولك بلاش وحاشة ابقوا اديهم قليل الزاد
بس كدة يبقى المقابل الذهب الاسود المراد
و حدودكوا برضوا متحاصرة و جيوشنا برضة على استعداد
و الوطن العربي مسكتش انتقد خير انتقاد
انزعوا سلاح امريكا اقطعوا راس الفساد

و شرف جورج ابن بوش يقول انا اجدع الولاد
في افغنستان الضرب بازل و بكرة هضرب في بغداد
هتلاقيني في العراق هتلاقيني في الكويت و في القدس تلاقي الموساد
في العراق النهاردة هضرب و مش عايز أي اعتراض
و فتحناله قناة السويس يعدي فيها بالعتاد
و منقدرش نقول لأ اصل احنا برضة على الحياد
انزعوا سلاح امريكا اقطعوا راس الفساد

العراق اهي اضربت و ضي القنابل في ازدياد
و نقول يارب صلاح الدين و لا طارق بن زياد
امريكا برضة هتضرب و هتفتري بكل المواد
الكيماوي و النووي جرب يا بوش في الجراد
و الوطن العربي مسكتش انتقد خير انتقاد
انزعوا سلاح امريكا اقطعوا راس الفساد

قمنا بثورة قلنا لأ لأحنا عبيد و لا انتو اسياد
اتحبسنا و اتضربنا و كممونا بالاوتاد
هنسكت خالص و مش هننطق لحد ميجي الميعاد
بس عن الدعاء مش هنسكت و هندعي لبغداد
و يارب ما يجي الدور علينا في ديموقراطية الاوغاد
ما اهمشفرعون و لا قارون و لا حتى قوم عاد
كفايو تمثيل دور الضعيف و لا الصغير المنقاد
هو بس طلب واحد و اقطعو بعدها عنى الزاد
انزعوا سلاح امريكا اقطعوا راس الفساد

2 comments:

شخبطة ملوكى said...

شمس الزناتى
مبروك المجونة يا فاجومى
طارق المملوك

shams said...

مسي جدا يا طارق على التعليق الجميل و منتحرمش من زيارتك