حكاية المصير

حكاية المصير

في وقت فاضي و مش كبير
قلت اقعد اقرا حكاية من حكايات الاساطير
لقيت حكاية حلوة اسمها حكاية المصير
قلت نقرا اهو يمكن عقلي يثبت او يطير

كتبوا عن شاب طيب كان فارس من الفرسان
كان قاعد وسط الزهور يشتكي هم الزمان
و قبل ما يخلص كلامه قاله القدر خد كمان
المصيبة ورا المصيبة فين مهاره الشجعان

و لأنه فارس مش جبان قال يخش المداولة
بينه هو و الزمن مش حرب سهلة

تستمر الحرب مده مش بسيطة قول سنين
لما روح الشاب راحت و القلب و القلب اصبح حزين
الدموع من عينة سالت ينجده مين بس مين
حتى ناسه بعده عنه قاله احنا من الخاينين

الدم سايل على الهدوم و الدمع سايل على الخدود
و ما يبكي عشانه من تعبه غير الورود
ضربة و التانية و الشاب هيضيع من الوجود
فرسة سيفة حتى رمحة مش باقي غير الصمود

الشاب صامد مش جبان و نجاته شئ من المحال
و من بعد دة كل اللي شافة خد خلاص على الاهوال
يشيلوه فوق ظهره حمل يقول هتولي كمان تلال
رفع ايده للقدر هو الهدنه مش حلال

قالة الزمان بكره جاي و مكتبلك الهلاك
و لانه فارس من زمان و لأنه صياد على الشباك
قال ما يرمي الشبكة يمكن البحر يكون معاك
طلعت الجنية تضحك جنية اجمل من الملاك

عيونها عسلي بشعر اسود و قلب اجمل من القلوب
قالتله مش عايز تحب و ل ا خايف من الرسوب
قال ياريت بس القلب صامت و مليان بالعطوب
لو تخديني في حضنك يمكن يكون قلبك حبوب

يا اميرة في قصر عالي الفارس جالك جريح
لو تسمحيله يطلب حبك و يكون في حبك صريح
حبك ينجية من الهلاك هو مات و انتي المسيح
على قد حبك انتي بس قلبه يقدر يستريح