My Visitors If you cann't read arabic you can know how I think you can visit this link

January 16, 2008

ممكن كلمة يا ريس

ممكن كلمة يا ريس

يا ترى ممكن احلم بعد ما فات الاوان
احلم بعد ما سرقوا منى الحنان
طب احلم ازاي و قلبي مقتول من زمان
طب بلاش احلم خليني من اهل الحرمان
بس بلاش تحرمنى من حق النوم كمان
و وعد مش هتكون غفلتي فيها احلام
بس متحرمنيش من حقى في اني انام

و لو مستكتر علية النوم و حتى النوم الخفيف
سيبني اعيش و اشم هوا نضيف
اسمح للربيع يعدي علية بعد ما قتلني الخريف
تعبت و القلب مات و الجسم اصبح نحيف

كلمتى انا قلتها و معرفش عنوان المعتقل
لو هتبعتنى قول للبيضربني ان الجسم اتنحل
و خلية يسامحنى و انا احلفلة ان الحنك اتقفل
الكلمة يا ريس كلمة معتوه و انا دماغى صابها الخلل

18 comments:

AHMED SAMIR said...

فعلا....انت يا معلم بقيت في ال
safe side
باخر سطر اللي انت كتبته دة....اهم حاجة علشان تعرف تقول اللي انت عايزه في بلدنا الحبيبة انك تعمل اهبل وعقلك اتلحس
كدة انت فهمت اللعبة وعلى اساس ان ليس على المريض حرج فمحدش هيكلمك
تحياتي ليك
فعلا بوست جميل

ابن رشد said...

و ليس على شمس الزناتي حرج
امين يا حكومة هكتب براحتي

mohammed rashad mohammed said...

ياعم هو إنت الحلم مهم بالنسبة لك أوى كده ما قولتلك إللى فيها بلاش
ن و م
خاااااااااااالص
وإذا كان على الحلم إعمل زى إللى مش فاكر إسمه إيه
إللى بيقول
بحلم وأنا صاحى
وأحيانا أحلام اليقظة بتبقى أحسن وأوقع من أحلام النوم
صباح الخيييييييييير

Empress appy said...

خد منوم يا شموسه
لا بجد حلوة قوى بسيطه يعنى انت تقصد ان حتى النوم مبقناش عارفين ننام واحلامنا خلاص لا يا شمس بلاش التشاؤم ده بس برضه جامده
اقولك انا عارفه انك مش عارف تنام من الجو البرد اتغطى كويس ههههههههه

ahmed mefrh said...

السلام عليكم
اهم حاجه عند الريس ان الحنك اتقفل
اهم حاجه
تحياتى ابو مفراح

بنت الاسلام said...

ياشمس

الريس مش فاضي لكلامنا ده كله

خليه مركز مع بووووووش

اما احنا

فعلينا العوض

حقيقي جميلة جدااا


ماتشتغل شاعر ياجدع وانت هتكسب دهب

MerMaid said...

رائئ بكل صراحة ان الريس بتاعنا مالوش معالم

و تقريبا مش هيسمعك يعني

ابن رشد said...

mohammed rashad mohammed
لو محلمناش هنعمل اية
دة لو بطلنا نحلم نموت
و على فكرة انا بحلم وانا صاحي و انا نايم

ابن رشد said...

appy
ههههههههههههههههه
الجو البرد معلق معاكي
بس حتى النوم صدقيني مش عارفين نوصله

ابن رشد said...

ابو مفراح
و عليكم السلام
هيتفتح تاني متشلش هم يا ابو مفراح

ابن رشد said...

بنت الاسلام
و النبي انا معاكي ممكن اشتغل شاعر بس شوفيلي حد يتبناني

ابن رشد said...

MerMaid
اية دة هو اطرش انا عندي معلومة ان الطبقة السمعية ضعيفة

Ahmed Al-Sabbagh said...

بجد كلامك وجعنى اوى يا شمس

وحسيت وانا بقراه .. ان شمس واقف قدامى وبيقراه

شمس بطموحة واحلامة وشبابة وصوتة القوى

واقف قدامى وبيقول الكلام ده

حسيت ان قلبى اتخلع من مكانة

روح يا شيخ الله يسامحك

تقبل تحياتى

أخوك
أحمد الصباغ

Anonymous said...

جميلة يا واد يا شمس

اسلوبك ملينا احساس بواقعنا المر

اتمنالك دوام التوفيق

أخوك نيجــر

Anonymous said...

الاخ الفاضل
شمس
انت معنتش هتطلع وهنعيش بعدك فى ضلمة
يتولانا ربنا..
حد قالك تخش عش الدبابير

اخيرا هنشوف يوم مطلعلوش شمس
كنا بنسمع عنه بس

ابن رشد said...

Ahmed Al-Sabbagh
احساسك العالي الجميل دة يا صباغ يقول ان القصيدة فعلا عجبتك مرسي لرايك

ابن رشد said...

احمد سعيد
مرسي يا ابو حميد يا شاعر شهادة من شاعر زيك وسام

ابن رشد said...

حسن توفيق
معلش بقى يا استاذنا الكفاح لازم له وقفة