My Visitors If you cann't read arabic you can know how I think you can visit this link

July 15, 2007

ما ليش نفس اكتب

بصراحة يا جماعة انا كنت بقالي فترة مش راضي ادون مع ان عندي حاجات كتير عايز اكتبها و حاجات كتير عايز اقلها بس قلت ادى فرصة لقعدة حوة عشان التعليقات لكن الصبح النهاردة قلت اتصفح الميل و لقيت اول الرسائل تقابلني بتكشيرة كاسرة للقلوب رسالة من نوارة نجم
محتواها

------------
15 يوليو, 2007
اعتقال معتز عادل واحمد الجيزاوي..يادي النكد اللي ع الصبحع الصبح كده مريم كلمتني وقالت ليان مها سكوت ح نصوت قالت لهاان معتز عادل و احمد الجيزاوي وتم الاتصال بالاستاذ احمد حلمي و الاستاذ احمد سيف الاسلام ابن يسري بيقول لي ان واحد اتقبض عليه من المترو و التاني من الطريق وبينما وفد من منظمة العفش الدولية و وزير العدل الامريكي السابق و مستشار ملكة انجلترا السابق بيحضروا المحاكمةبقية الناس واقفين برة وما سمحوش لمها سكوت ح نصوت انها تدخل الا لما سابت الموبايل والكاميرا برة طيببع د كده لما نحضر محاكم نبقى نصبغ شعرنا اصفر و نحط عدسات زرقا عشان ما حدش يتقبض عليه ولا حد يتحجز في الشارع وما يعرفش يدخل المحاكمة استر يا رب
----------
و تلاها رسالة من
احمد يسري من كلمتين

معتز طلع مع إستمرار إحتجاز الجيزاوى

--------------
بصراحة ايدي وقفت عن الكتابة مش عارف لية بس حسيت احنا نكتب لية و لمين لما كل اللي بيحاول يقول كلمة الحق بيتخرس طب نكتب لية
البلد حالها ما بيتغيرش و الشرفا بيقلوا مش بيزيدوا
و ما شاء الله بيقلوا في اتجاهين
اما شريف يتحول الي طاغية نظرا للظروف الاجتماعية و اقتدائاً باقرانه
اما شريف مناضل يصبح مسالم سلبي خوفا على نفسه
يمكن بصيص النور اللي بقول اني شايفة اقدر اقول انه بيقل
و اللي شايل همه دلوقتي لو ربنا رزقني بابن و كبر و سألني
كنت فين و البلد حالها بيسوء عملت اية اقوله اية ؟
اجوبة باية
و حجتي هتبقى اية
اكيد هيتهمني بالجبن او التخاذل
ياريت كان معايا كاميرا فيديو بتسجل كل حاجة بدقة عشان اقول للتاريخ ان الشرفاء الموجودين دلوقتي مش جبناء و لا متخاذلين
بس ما باليد حيلة
عشان كدة مفيش فايدة اني اكتب




12 comments:

سكوت هنصوت said...

يا شمس...الصورة مش سودا قوي كده..لو كنت شفت قد ايه المحبوسين روحهم حلوة..وقد ايه الأهالي على وشوشهم صبر و إيمان..لو كنت شفت قد ايه العساكر والظباط وشهم في الارض من الخزي الي هم فيه..كنت تقول يااااااااه...امتى بقى يطلعوا للنور...لو كنت سمعت النهاردة دعاء خيرت الشاطر و بعض شرفاء المساجين...وهم بيدعوا على الي ظلمهم..والمحكمة بتترج بكلمة امين..والظباط والعساكر و حتى القاضي وشهم في الارض و مش قادرين يرفعوا عيونهم في عيون المساكين..كنت تقول..هقول لإبني..يا بني الناس حاولت..فاضل النجاح الي من عند الله..استنى البوست عندي بالتفاصيل و بعض الصور الي قدرت اخدها من الخارج
تحياتي اخي الكريم

ابن رشد said...

تعليقك دة صحى فيه حاجات كتير صحى انهيار كانت قربت امواجه تكسر صخور قلبي الصماء انا بحيكي و متابع لمدونتك
و تحياتي لجميع الشرفاء

Bou-ME said...

يا شمس على فكرة انا صاحبة مدونة تخاريف من المعادي مريم اللي نوارة ذكرت اسمها...انت كتبت عندي تعليق قايلي فيه يا أحمد !!!!!!

Anonymous said...

تفضل تكتب عاشان بتحب مصر
عاشان هنفضل نقول الحق مهما كان
انا كمان حضرت المحاكمه
و بجد روح الابرياء و ايمانهم خلانى اقوى
عايزين نكون اقوى
عاشان نشوف الحق و يطلع بقى

و ربنا يكرمنا و اياكم

me said...

عشان كده يا حبيبى من أول يوم بدأت ادون سألت نفسى أنا بدون ليه
ايه الهدف
ويا ترى الهدف يستاهل أد ايه من التضحيات
وانا بوجه السؤال ده لكل من تسول له نفسه التدوين
اعتربه تاج

ابن رشد said...

استاذة مريم انا اسف جدا على كلمة احمد بس و الله دي غلطة من الكي بورد
و انتي عارفة العلم لي اخطاءة و انا بعتزر

ابن رشد said...

مريم حقيقي كان نفسي اكون موجود في المحاكمة دي اللي اتشوقت اعرف تفصيلها و كلمة الحق هتفضل موجودة طول ما في شرفاء زيك و زي مريم ( تخارف المعادي) و ابن يسري و نوارة و مها و عمر و منعم و ناس كتير شرفاء و اسف لو كنت نسيت حد

ابن رشد said...

الاستاذ ابن يسري
انا لما سألت نفسي بدون لية لقيت اني بدون عشان اعبر عن نفسي عن حبي لاهلي و اصحابي و عشيرتي و وطني اللي اغلى عندي من الدنيا كلها
اما بالنسبة للتضحيات فلو كانت النتيجة
ان بلدي تقف على رجلها مقابلها عمرى فانا بضحي بعمري من الان

الشهيده said...

حسبي الله ونعم الوكيل
اكيد اكيد مهما الشمس غابت ورا الغيوم لازم هنشوف شعاعها في يوم من الايام...وهنفضل عايشين علي الامل ده
"ولينصرن الله من ينصره "

ابن رشد said...

شهيدة
فعلا لازم الشمس تطلع علينا تهزم العتمة و يصحى الوطن

و انا ممتن لزيارتك

alzaher said...

"ماليش نفس أكتب"
أنت لا تقرر أن تكتب ، إنك تستجيب لنداء داخلك يدفعك لذلك
كلنا نمر بهذه الحالة أحيانا
لأن الكتابة ببساطة ليست "تقرر" فعله

ابن رشد said...

بس الامل في بكرة موجود يا استاذ الزاهر
عشان الامل و عشان بكرة انا كتبت تاني