My Visitors If you cann't read arabic you can know how I think you can visit this link

December 20, 2007

في العيد يا مصر

في العيد يا مصر

حمد الله بالسلامة يا عيد
ملقيش معاك خبر جديد
مش جايلي ابدا بخبر سعيد
مليت شكل القضبان و الكلبش الحديد

لو كان شرط علية اضحي
عشان يزول عني جرحي
و الحزن يزول من فوق ملامحي
راح اضحي بقوتي و زرعي و قمحي

على ارضك يا مصر انا مسجون
من غير زنزانة و لا سجان و دة مش جنون
مسجون يا بلدي قدام كل العيون
مسجون يا مصر و ممنوع عني المعون

و في العيد و الناس بتفطر
هصارحك يا مصر و اعبر
حطك في قلبي على قد ما اقدر
بس بلاش من العذاب نكتر

علشانك يا بلدي انا ضحيت
و عذبني بعادك ما بكيت
و بكل جراحك حسيت
انا عاشق في حبك ما مليت

28 comments:

عاشقة الوطن said...

السلام عليكم

ازيك ياشمس
كل سنة وانت طيب
وكل سنة ومصر كلها بخير
انت عارف على الرغم اللى الواحد شتيفه من ذل وهوان وعدم احترام لآدمية الناس هنا فى مصر بس برضه لما بتيجى سيرتها والاقي نفسي بهاجمها بقول هى مالهاش ذنب هى محكومة زينا زيها يعنى ماباليد حيلة
بس لمصر نفسها تقدر تعمل حاجة لينا شان احنا ولادها عمرها ما هتتأخر
وعلى الرغم من اللى موجود فى مصر ده كله بس برضه بحبها وبموت فى ترابها

كل سنة وانت ومصر وكل المسلمين بخير ياااااااااااااارب

عيد أضحى سعيد


فين عيديتى بقي؟؟؟

Anonymous said...

كل سنه وانته طيب ياشمس
دائما احساسك عالى الله يزيدك يابطل ياشاعر المدونين
عمر الشرقاوى

ENAS said...

كل عام وانت بخير

Anonymous said...

حبيبي شموس
كل سنة وانت بألف خير ميرسي عالماسج وعيدك سعيد يا معلم
أخوك
حمادة زيدان

Anonymous said...

العزيز
شمس
كل عام وانت والجميع بكل خير
عيد سعيد وعمر مديد

سهر الليالى said...

كل عام وانت بخير ودايما بتحب مصر

حلو اوى البوست ونفسى فعلا العيد فى مرة ييجى وجايبلى معاه حاجة حلوة ويكسر الملل

انا كمان بحب مصر اوى ونفسى كل اللى فيها يحبوها بس نحبها صح

تحياتى

walaa said...

كل سنه وانت طيب يا شمس والعام القادم تكون مصر حالها احسن من كده
وجميله ابيلت الشعر دى

Unknown said...

كل سنه و انت طيب يا شمس
تقدر يا شاعر يا كبير تجاوب سؤال بسيط ليا
لما تشوف الذل في وطنك و تتهان جوا حدود بلدك الفقر و المرض بقيوا عشرة عمرك مانتاش قادر حتي تصرخ
مش قادر تقول كفايه هاتقول لاء لايه ولا ايه الفقر ولا الذل ولا الاهانه و الفساد
تعمل ايه يا شاعرنا المصري

mohammed rashad mohammed said...

كل سنة وإنت طيب ياشمس وبتقدم دائم إن شاء الله
جميل أوى الشعر ده بجد

حبة حاجات (ايمان) said...

كلام جمي اوى
ومدونه حلوه
تحياتى

ابن رشد said...

عاشقة الوطن
كل سنة وانتي طيبة
عاشقة انا بجد بحب حبك لمصر رائع جدا
بس برغم كل دة لازم يكون فية قرار ايجابي

ابن رشد said...

الشرقاوي
كل سنة و انت طيب يا حبيب قلبي

ابن رشد said...

ايناس
كل سنة و انتي طيبة يا مختفية

ابن رشد said...

حمادة زيدان
على اية يا حبيب قلبي دة واجب علينا و كل عام و انت بخير

ابن رشد said...

حسن توفيق
كل عام و انت بكل خير
بس فين رايك في القصيدة

ابن رشد said...

سهر الليالي
عندك حق نحبها صح و نعملها حاجة تنفعها
و ان شاء الله العيد الجاي يكون اسعد

ابن رشد said...

ولاء
كل سنة و انتي طيبة
و مصر بادينا هتبقى احسن

ابن رشد said...

emy
انا اقلك نعمل اية
ناخد قضايانا واحدة واحدة يا بالتوازي يا بالتوالي و ما نيأس
عشان ما نسكتش
و لا حد يسكتنا ونفضل نصرخ
لحد حقنا ا يرجع

ابن رشد said...

محمد راشد
كل عام و انت بخير
و مرسي على رايك

بنت الاسلام said...

جميلة ياشمس بجد

بص بقي انت ماتكتبش حاجة تانية غير شعر وبس

لان حقيقي اشعارك جميلة ومميزة

وبتعبر عن مصر وفرحتنا في العيد طبعا

الي مالهاش حدود


بس العجيب

ان احنا بنضحي عشان مصر

ومصر بتضحي بينا

عمار

يامصر

ابن رشد said...

حبة حاجات (ايمان)

من لمك هتمنى مش تبقى اخر زيارة

ابن رشد said...

بنت الاسلام
مصر مش بتضحي بينا بيضحي بينا الفسدة و السارقين
هم اللي بيضحوا
بينا
اما مصر عايزانا جنبها

Rania Lelah said...

كل سنه و انت طيب يا شمس
و يا رب تبقى فى صحة و سعادة ديما

Ahmed Al-Sabbagh said...

رأيى بصراحة

إن انت شاعر كبير

بالأضافة لحاجات كتير اوى تانية عجبتنى في شخصيتك كشاب مفكر ومتحمس وايجابى جدا

بجد اول مرة اقرا شعرك بتركيز كدة

وعجبنى كدة

هو أصلا كمان موضوعة من الموضوعات اللى بتشدنى

بالاضافة طبعا لإبداعك الادبى المتميز

كل سنة وانت طيب

تحياتى

NIDAAL .R said...

معلش بقى يا شمس انا جيت بعد العيد
بس احب فى الاول خالص انى اهنئك على المدونة الجميلة الرائعة و الممتازة دى
ربنا يوفقك يارب
وكلماتك علشان خارجة من جواك الواحد حس فيها بمعنى صدق الاحساس بجد
دمت و دام قلمك
و بارك الله فيك اخى

ابن رشد said...

rania
كل سنة و انت بالف خير و صحة و سلامة

ابن رشد said...

Ahmed Al-Sabbagh
مرسي اوي لارائك الرائعة و بجد شرف ليا انك تكون من الاصدقاء

ابن رشد said...

NIDAAL PAL
مرسي اوي يا حمادة و ان شاء الله تبقى زائر دائم