في العيد يا مصر
حمد الله بالسلامة يا عيد
ملقيش معاك خبر جديد
مش جايلي ابدا بخبر سعيد
مليت شكل القضبان و الكلبش الحديد
لو كان شرط علية اضحي
عشان يزول عني جرحي
و الحزن يزول من فوق ملامحي
راح اضحي بقوتي و زرعي و قمحي
على ارضك يا مصر انا مسجون
من غير زنزانة و لا سجان و دة مش جنون
مسجون يا بلدي قدام كل العيون
مسجون يا مصر و ممنوع عني المعون
و في العيد و الناس بتفطر
هصارحك يا مصر و اعبر
حطك في قلبي على قد ما اقدر
بس بلاش من العذاب نكتر
علشانك يا بلدي انا ضحيت
و عذبني بعادك ما بكيت
و بكل جراحك حسيت
انا عاشق في حبك ما مليت
28 comments:
السلام عليكم
ازيك ياشمس
كل سنة وانت طيب
وكل سنة ومصر كلها بخير
انت عارف على الرغم اللى الواحد شتيفه من ذل وهوان وعدم احترام لآدمية الناس هنا فى مصر بس برضه لما بتيجى سيرتها والاقي نفسي بهاجمها بقول هى مالهاش ذنب هى محكومة زينا زيها يعنى ماباليد حيلة
بس لمصر نفسها تقدر تعمل حاجة لينا شان احنا ولادها عمرها ما هتتأخر
وعلى الرغم من اللى موجود فى مصر ده كله بس برضه بحبها وبموت فى ترابها
كل سنة وانت ومصر وكل المسلمين بخير ياااااااااااااارب
عيد أضحى سعيد
فين عيديتى بقي؟؟؟
كل سنه وانته طيب ياشمس
دائما احساسك عالى الله يزيدك يابطل ياشاعر المدونين
عمر الشرقاوى
كل عام وانت بخير
حبيبي شموس
كل سنة وانت بألف خير ميرسي عالماسج وعيدك سعيد يا معلم
أخوك
حمادة زيدان
العزيز
شمس
كل عام وانت والجميع بكل خير
عيد سعيد وعمر مديد
كل عام وانت بخير ودايما بتحب مصر
حلو اوى البوست ونفسى فعلا العيد فى مرة ييجى وجايبلى معاه حاجة حلوة ويكسر الملل
انا كمان بحب مصر اوى ونفسى كل اللى فيها يحبوها بس نحبها صح
تحياتى
كل سنه وانت طيب يا شمس والعام القادم تكون مصر حالها احسن من كده
وجميله ابيلت الشعر دى
كل سنه و انت طيب يا شمس
تقدر يا شاعر يا كبير تجاوب سؤال بسيط ليا
لما تشوف الذل في وطنك و تتهان جوا حدود بلدك الفقر و المرض بقيوا عشرة عمرك مانتاش قادر حتي تصرخ
مش قادر تقول كفايه هاتقول لاء لايه ولا ايه الفقر ولا الذل ولا الاهانه و الفساد
تعمل ايه يا شاعرنا المصري
كل سنة وإنت طيب ياشمس وبتقدم دائم إن شاء الله
جميل أوى الشعر ده بجد
كلام جمي اوى
ومدونه حلوه
تحياتى
عاشقة الوطن
كل سنة وانتي طيبة
عاشقة انا بجد بحب حبك لمصر رائع جدا
بس برغم كل دة لازم يكون فية قرار ايجابي
الشرقاوي
كل سنة و انت طيب يا حبيب قلبي
ايناس
كل سنة و انتي طيبة يا مختفية
حمادة زيدان
على اية يا حبيب قلبي دة واجب علينا و كل عام و انت بخير
حسن توفيق
كل عام و انت بكل خير
بس فين رايك في القصيدة
سهر الليالي
عندك حق نحبها صح و نعملها حاجة تنفعها
و ان شاء الله العيد الجاي يكون اسعد
ولاء
كل سنة و انتي طيبة
و مصر بادينا هتبقى احسن
emy
انا اقلك نعمل اية
ناخد قضايانا واحدة واحدة يا بالتوازي يا بالتوالي و ما نيأس
عشان ما نسكتش
و لا حد يسكتنا ونفضل نصرخ
لحد حقنا ا يرجع
محمد راشد
كل عام و انت بخير
و مرسي على رايك
جميلة ياشمس بجد
بص بقي انت ماتكتبش حاجة تانية غير شعر وبس
لان حقيقي اشعارك جميلة ومميزة
وبتعبر عن مصر وفرحتنا في العيد طبعا
الي مالهاش حدود
بس العجيب
ان احنا بنضحي عشان مصر
ومصر بتضحي بينا
عمار
يامصر
حبة حاجات (ايمان)
من لمك هتمنى مش تبقى اخر زيارة
بنت الاسلام
مصر مش بتضحي بينا بيضحي بينا الفسدة و السارقين
هم اللي بيضحوا
بينا
اما مصر عايزانا جنبها
كل سنه و انت طيب يا شمس
و يا رب تبقى فى صحة و سعادة ديما
رأيى بصراحة
إن انت شاعر كبير
بالأضافة لحاجات كتير اوى تانية عجبتنى في شخصيتك كشاب مفكر ومتحمس وايجابى جدا
بجد اول مرة اقرا شعرك بتركيز كدة
وعجبنى كدة
هو أصلا كمان موضوعة من الموضوعات اللى بتشدنى
بالاضافة طبعا لإبداعك الادبى المتميز
كل سنة وانت طيب
تحياتى
معلش بقى يا شمس انا جيت بعد العيد
بس احب فى الاول خالص انى اهنئك على المدونة الجميلة الرائعة و الممتازة دى
ربنا يوفقك يارب
وكلماتك علشان خارجة من جواك الواحد حس فيها بمعنى صدق الاحساس بجد
دمت و دام قلمك
و بارك الله فيك اخى
rania
كل سنة و انت بالف خير و صحة و سلامة
Ahmed Al-Sabbagh
مرسي اوي لارائك الرائعة و بجد شرف ليا انك تكون من الاصدقاء
NIDAAL PAL
مرسي اوي يا حمادة و ان شاء الله تبقى زائر دائم
Post a Comment