شفت الجمال و الحلاوة و الطعامة
يعني لما واحد ابن حلال نازل كوكب الارض جديد يسمع عن حاجة اسمها الحضارة المصرية في الاقصر و يخش يدور على الاقصر دة اللي هيظهرله اللي سيادتك شفته
شفت المزة اللي على الشمال دي
هي دي رمز الحضارة المصرية و هي دي رمز الاقصر و رمز مصر
بتريق طبعا هو احنا ورانا حاجة غير كدة
نصوت و نهلل و نقول يا جدعان حقنا بيضيع
يا بشر احنا بنتسرق بنتهلب و لا حياة لمن تنادي
و بكرة نلاقي اليهود اشتروا الهرم ما هو من دلوقتي في صهاينه بيقولوا احنا اللي بنينا الهرم
بكرة حواس يبعهلهم مش قضية و برضة هنصوت و نهلل و لاجديد
على العموم برضة المرة دي انا مش هيأس يمكن ربنا ينفخ في صورتنا و نقدر نعمل حاجة
انا يا جماعة بقترح حملة للدفاع عن حقنا في اسم الاقصر و اديني ببدء اهو و بقول و ياريت يا جماعة كل الناس تنادي بحقنا ما نسكتش يا جماعة
السكوت هو اللي جايبلنا الكافية
و دي مش سياسة عشان الناس اللي عندها شيزوفرنية و فوبيا الكلام في السياسة دي مش سياسة دة حقك لما الاقصر اسمها اتباع حد جه اداك عشرة جنية
ما علينا نتكلم في المفيد
دي بنرات من تصميمي مقترحة للحملة دي ياريت تقولوا رايكوا فيها
و البانر دة انا لقيته عند نوارة 
ياريت يا جماعة نقدر نعمل حاجة و انا بقول تاني ياريت الكل يشارك في الحملة دي على الاقل التاريخ يفتكر ان فية مجموعة من الاحرار حاربوا عشان الحق
--------------------------------
تعديل
دي يا جماعة اخر بانرات تم تصميمها و رفعها
30 comments:
انت من الاحرار ياعلى
هههههههههههههههههه
ايه الي انا شايفاه وبسمعه ده
والله العظيم ما انا مصدقة نفسي
للدرجة ديه بقيت بلدنا وحضارتنا رخيصة
وبقي سهل اي حد مالوش لا اصل ولافصل يجي ياخدها ويوسخها اسفة في اللفظ بالموقع القذر ده
والله عيب علينا داحنا طلعنا الدنيا مالقيناش حاجة نفتخر بيها غير حضارة واثار حتي ديه كمان عاوزين يشككونا فيها لاوياخدوها كدة واحنا واقفين نتفرج
معاك في الحملة طبعا ولازم كل واحد مصري بيحب مصر وحضارة مصر يشارك والا
مايستاهلش يكون ابن مصر
تحياتي
بنت الاسلام
يا أخى الكريم
يعنى انت زعلان عشان الأقصر أتاخد أسمها بس منا
لا حول ولا قوة الا بالله
السلام عليكم
يا شموس احنا عاوزين ايه يعني الحمد لله الاسم راح بس المدينه لسه موجوده وبعدين احنا من السهل قوي اننا نغير اسمها لو كان ده هيحل المشكله ممكن نسميها علي اسم اي حد زي المدن الجديده وخلاص
حاسب علي نفسك يا عم شمس لتتأجر ولا حاجه
ماتيجي نشوف واحد ابن حلال نبيعله الريس بالقسط
يعني البلد بتتفك حته حته و تتباع كمان تاريخنا و اسمنا هانبيعه
بس ازاي تطلب من واحد مش عارف يلكل عياله يدافع عن حقنا في التاريخ هايقولك يعني انا هاكل تاريخ ولا اشرب الاقصر
دي مسخره يا شمس و لازم الناس تفوق
بكره تصحي من النوم تلاقي الهوا خصخصوه
هههههههههههههههههههههههه
يعني ما فية بيرة ولاخمرة نوعها لقصر
جت علي الدعارة
يعم شغال
احنا بنتهان في كل مجال
وحلني لو عملت حاجه!
ده مش بعيد تلاقي مصرين مشاركين فيها
تحياتي
شمس باشا موضوع جامد معاك ياباشا بس انته عارف ان السياحه كلها حريم ونسوان ياباشا فى مصر مش هاتقدر تغير الموضوع ده لكن ممكن نعمل حمله ضد موقع ده ونفضحه انه بيعرض الدعاره رمز
انا معاك يا شمس
انت اخدت المعلومات على الفلاشة؟
ياريت عايزين ننشر كل الابحاث اللي كتبها الدكتور والمقالات بتاعة زاهي حواس
شمس انا حطيت البانرات خلاص
عايزين نعمل بانر نجيب فيه سيرة حقوق الملكية
مش حاضرني حاجة دلوقت ممكن تبقى: حقوق الأقصر محفوظة لمصر او اي حاجة تانية اعصري مخك يا زينب
ياااااااااااااااااااااااااااااااه
و انت مالك زعلان اوى كده ليه ؟
عادى حيبى
ده شرف لينا ان المريكان ياخدوا الاسم ده
و كمانلو قالواان هما الاصل و احنا اللى مقلدينه ده شرف اكبر واعظم
حبيبى امريكا لو عوزه من بكره تغير اسم ابو الهول هتغيره
ايه يا بنى انت بتدن فى ملطه ؟
و لا ايه ؟
عيش اواقع انت فى مصر
و دى امريكا
آآآه يا عزيزي شمس
طيب الأقصر باعوا اسمها بس ، امال ميناء الاسكندرية اللي اتباع بالرصيف لشركات أجنبية؟ و مش حقوق انتفاع، لأ ، بيع و شراء من الآخر
فيه يا زناتي بيت للشريف الرضي بيقول فيه:
و من يهن يسهل الهوان عليه
مالجرح بميت ايلام
و هكذا حالنا ، هنا فسهل علينا الهوان
الاستاذ مجهول
بدل ما تتريق اعمل حاجة
battabakr
تحياتي ليكي يا بطوط دايما رافعة راسي على طول و مصرية و بجد و بحق و حقيقي
mo'men mohamed
ايوة زعلان و مزعلش لية مش حقنا
hekaytna
التغاضي عن المشكلة و دفن راسنا في التراب مش حل يا علاء
EmY
و احنا هنسكت يا ايمي لحد ما يخصخصوا الهوا
ابن ناصر
بلاش الاحباط دة الاحباط دة ما يجيش منك
جبهة التهييس الشعبية
نوارة انا عارف انك مصرية حتى النهاية ان شاء لله هنعمل حملة اعلامية عالية
جبهة التهييس الشعبية
البانرات اتعملت هتلاقيها في اخر البوست
عمر الشرقاوى
المهم نعمل حاجة و حاجة تفرح بجد
محمد مارو
يعني عشان نبدن في مالطة نسيب حقوقنا تتاخد مننا
Dr. Eyad Harfoush
اصبت يا استاذي و لكني لا احب الرضا بالهوان
فعلا ياشمس الموضوع خطير انا فتحت جوجل وعملت سيرش وظهرت فعلا والموقع زى الزفت ولو اخدت بالك ورا صورة البنت اللى واقفه صوره تشبه ابو الهول ان مكانش هو والموقع فيه كتابات هيروغليفيه وبيغلب عليه الطابع الفرعونى يعنى منتهى التزييف فى الحضاره
مش هقدر اقول غير حسبى الله ونعم الوكيل
يا عزيزي
احنا بنتباع من زمان
مصر اتباعت من ايام ما خصخصوا الشركات بدل ما يصلحوها و الاصلاح ممكن
اتباعت من ايام ما باعوا شركة المحمول بضع ملايين و اهي دلوقتي من الحيتات و ارباحها الله اعلم بتروح فين
اتباعت ايام من الجامعات الحكومية معادتش شهادتها تنفع و اللي ينفع بس دلوقتي شهادة الAUC , GUC بس
اتباعت لما البنوك كلها اتباعت و خلاص ...
هون علي نفسك ... مش عارفة اقول لك ايه بس فعلا احنا ربنا بالينا بحكام احنا و اولادنا هندفع تمن اللي بيعمولة من دمنا
أنا محمد رشاد من فنون جميلة إسكندرية
قسم عمارة
سمعت عن الموضوع من السنة إللى فاتت تحديدا فى يوم الأربعاء 9 مايو
من الدكتور أحمدى راش رئيس قسم العمارة بكليه الهندسة جامعة المنصورة
وفى الصيف روحتلو مكتبوا وأخدت من عنده داتا حول الموضوع وإتشديت وغتحمست للموضوع جدا ونفسى أعمل أى حاجة خاصة بالموضوع
وعملت بيه بوست على بلوج الكلية
عندنا
ولكن محدش عبرنى بحاجة وكله قالى جزاك الله خير
أنا إيميلى mohammed_rashad17@yahoo.com
ياريت تقبلونى صديق معاكو
ونشوف هنعمل إيه فى الموضوع ده
عشان أنا مش عارف أعمل حاجة لوححدى
ياريت تراسلونى وتقولولى نعمل إيه
dreaming pocky
اديكي تفاعلتي و حسيتي بالموضوع مستنين مشاركتك
شــــمـس الديـن
طب هنفضل نعيط كتير و لا نتحرك
mohammed rashad mohammed
صدقني لا هننسا و لا هنسكت و حسك معانا
والله ياعم شممس أنا شايف إن حسى لوحده مش كفاية لازم نعمل حاجة ياجماعة الكلام لوحده مش كفاية لازم كلام مصحوب بفعل مش عارف إيه هو الفعل بالظبط بس لازم نعمل حاجة نخرج من نطاق الكلام شوية ونبقى إجابين أكتر
وياريت ياشمس لو سمحت تكلمنى محتا أفهم شوية حاجات بعد إذنك
mohammed_rashad17@yahoo.com
elm_ancy@hotmail.com
http://www.africathefirst2050.blogspot.com/
محمد راشد
و الله احنا بنحاول نعمل اللي علينا و ربنا معانا
Post a Comment