My Visitors If you cann't read arabic you can know how I think you can visit this link

October 15, 2007

تاج كنت هنساه

التاج دة يا جماعة من زمان جاني من
و بصراحة بقى لازم ارد علية
لو قالولك اختارعصر من عصور مصر عشان تعيش فيه تختاراى عصر وفى عهد اى حاكم واشمعنى؟
اختار عصر قطز عشان احارب التتار
او عصر السادات عشان بحبه و عشان كنت احارب في 73
اول اولوية فى حياتك عيلتك ولا شغلك ولا اصحابك؟
كل حاجه في دول ليها اولوية خاصة ما ينفعش نخلط بينهم
ايه اكتر حاجة بتحبها فى رمضان ؟
الزينة و الفرحة و تهاني رمضان و فرحة المسلمين بية و زيادة العبدة في رمضان
اللى بيبوظ الحكام ..نفسهم ولا الشعب ولا الحاشية المقربة؟؟
الثلاثة و الله
بس سكوت الشعب اولا ثم نفاق الحاشية و هو في الاخر
مين اكتر اعلامى مصرى بتحترمه؟؟
أبراهيم عيسى - حمدي قنديل
لو ممكن تشتغل شغلانة تانية غير اللى انت بتشتغلهااو كنت بتشتغلها كنت تتمنى تبقى ايه؟؟
خبير مفرقعات او دكتور مخ و اعصاب او خبير طاقة ذرية
ايه تانى بلد تتمنى تعيش فيها بعد مصر؟؟
بصراحة انا ما ينفعش اسيب مصر
بس لو انت مصر اوي يعني يبقى سوريا
بحب السوريين
اوصف ليا ترتيبات اجمل فرح ممكن تحضره؟؟
يا لهوي دة انت جبت السؤال التمام
مبدئيا زحمة و ناس كتير و رقص و ضحك و اغاني و فرحة و اكل و شرب
و ود و حب
بتراعى كلام الناس والقيل والقال؟ لو اه او لو لا قولى ليه؟
لا انا بعمل اللي يرضى ضميري الناس ما بيعجبهاش حاجة
صحيت من النوم مالقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنة حتبقى سعيد؟
هتعامل مع الحياة الجديدة عادي جدا
بس هعمل غية حمام فوق السطح
السعادة هى؟؟
انك تبقى راضي عن نفسك
عندك امل ؟ اسبابك ؟
اكيد عندي امل امال انا عايش لية
لما تحب تهرب من كل شىء بتروح فين؟؟
عليك و على السرير ( جزيرة القطن )
امتى مرة اخدت فيها نفس طويل كده وقلت بينك وبين نفسك ياااااه انا فعلا كبرت؟؟
من عشر دقايق
لما بتعمل عمل خيرى بيكون ايه هو دافعك الاول؟؟
رضا ربنا اولا و اخيرا
بتشرب سجاير؟لو الاجابة اه ايه شعورك لو شفت ست بتشرب سجاير وليه؟
اه بشرب للاسف
و لو شفت ست كدة دي حرية شخصية
بتعرف ايدك اليمين من الشمال ازاى؟
لما باكل الايد اللي باكل بيها هي اليمين
ايه اكتر اله موسيقية بتحبها؟
الكامنجا
فى رأيك ليه الذوق والنخوة اتعدموا؟
عشان مفيش حد بيأيدهم و لا ينادي بيهم
كله بيعلم بعضه النداله و قله الاصل
ايه الحاجة اللى لو حصلتلك تبقى سعيد قوى؟
لو قصدك حاجة بتحصل
يبقى لو شفت عيل صغير بيضحك ببقى سعيد
اما
لو بتسال عن امنية تخليني سعيد
تحرير بيت المقدس و المسجد الاقصى
تختار يبقى عندك ارض زراعية ولا اجنص عربيات ولا كام عمارة ولا فلوس فى البنك؟
و لا كل دة
كفاية الستر و راحة البال
البحر ولا النيل؟
الاتنين طبعا اصل انا طماع
مركب ولا طيارة؟
طياااره عشان لما تعطل اصلحها
ما بفهمش في المراكب
عاقل ولا مجنون؟
مجنون رسمي
بشهادة الخلق كلها
تقرا كتاب ولا تتفرج على فيلم؟
اقرا كتاب
و بعدين اقوم اتفرج على فيلم
مش بقلك طماع
بتمرر التاج لمين
هو مبدئيا انا هبعت البوست دة على جروب الفاجومي
فانا همرره لكل اعضائة اما بقى عن المدونين خد عندك
coca
و كل الناس اللي هتقرا التاج دة

14 comments:

Hadota .. حدوتة said...

اول تعلييييييييييق

تعيش وتتاج يا شمس
وكل تاج وانت طيب

وكل سنة وانت طيب

وميرسى موووت على تمرير التاج

التاج ظريف جدا وانا حابة احاوب عليه

انا زيك على فكرة احب عصر قطز .. عشان قصة وااسلاماه بتاعة الثانوى

اما الشغلانات كان نفسى اطلع دكتورة اى حاجة
مش مهم يعنى التخصص


بجد اجاباتك حلوة اوى

وحلوة حكاية طماع دى ههههههههههه


والله يا شمس لو بتصنف نفسك طماع فانا بتمنى الناس كلها تبقى طماعة زيك

تحياتى يا شمس


وجارى اعداد التاج

:)

بنت الاسلام said...

اجاباتك قوية وطماعة ياشمس

وشكرا ليك لتمرير التاج

وان شاء الله نعمله قريب

بنت الاسلام said...

لا لن نعود ..ولن نسكت ..لن نعود الي عصر تكميم الافواه..لن نعود لعصر الخوف والرعب..سنتحدث وسنقول بلاخوف ..مهما كان الثمن..لقد حجبت مدونة يالانفضحهم اليوم..ثالث ايام العيد..واعتقل المدون عبد الرحمن يوم العيد...فماذا نحن فاعلين....ماذا؟؟؟؟؟؟

http://sada-sout.blogspot.com/

هشام رمضان said...

الصراحة تدوينة جميلة من شخص اجمل
على فكرة انا سعيد اني رقم 10 تذكره
على فكرة تاني انا نزلت التاج ده عندي فابقى ادخل و اقرأه

تحياتي

هشام

Rania said...

شكرا على تمريرك التاج يا شمس
و كل عام و انت طيب
و على فكرة ايجاباتك حلوة

سارة said...

ايه الطمع ده كله يا شمس

بس بجد ربنا يكرم وتتحقق امنيتك

(تحرير الاقصى ) ياااااااااااه تفتكر هنعيش لليوم ده

شكرا عالتاج

shams said...

Hadota .. حدوتة
مرسي اوي اولا على اول تعليق
و انا مقدرش طبعا مش امررلك التاج

shams said...

بنت الاسلام
مرسي اوي على طماعة دي

shams said...

بنت الاسلام
اية يا بطة فية اية كل دة عشان الحجب دة طبع الحكومة

shams said...

هشام رمضان
مرسي يا هشام و هستنى اشوف اجاباتك

shams said...

Rania
مرسي يا رانيا و ان شاء الله اشوفك قريبا

shams said...

سارة
لا هنعيش و انا اللي هنححره كمان

فى القلب said...

شكر ليك أوى يا شمس و الله أنتى غالى فعلاً
و أنا مقصره الفتره ألى فاتت لظروف خارج أردتى

و كل اجاباتك بتدل على معدن أصيل

shams said...

فى القلب
حمد الله علي السلامة يا حبيبي و عودا احمد