My Visitors If you cann't read arabic you can know how I think you can visit this link

October 06, 2007

ذكرى منيله......... اه و الله

طباعا النهاردة ما شا الله



عايز اقلكوا كل سنة و انتوا طيبين
اولا لأن النهاردة



فية احتمالية تبقى ليلة القدر



و عشان كدة دة يوم في السنة ناخد بالنا بقى



السبب التاني بقى ان النهاردة ذكرى النصر العظيم



السادس من أكتوبر1973



ذكرى منيلة ..............اه و الله


انا مش بحبط حد و لا حاجة
بس طبعا كله فرحان بنصر اكتوبر و بيتفرج


على فيلم محمود ياسين رصاصة لا تزال في جيبي


و عبرنا و الحمد لله عبرنا و انتصرنا و زغردي يا ام سيد و الف مبروك يا ابو احمد
و عقبال عندكوا جميعا


و طبعا كله نسى قضية الاسرى المصريين


الابطال اللي ماتوا في يونيو 1967


و الاسرى اللي اتقتلوا و اتعذبوا


طبعا هيطلع واحد ثورجي يقلك


مش ناسينهم


طب عملت اية انت بعدم نسيانك و لا حاجة


و على فكرة انا كمان معملتش حاجة
لاني مش عارف اعمل اية عشان الابطال دول؟؟؟؟


احنا قدام عدو ارادتنا الحرة كقراء و كتاب مش بس هي اللي تقدر علية
لازم يا جماعة ما نسكتش عن موضو زي دة و لا نهادن و لا ننسى و لو لحظة


و كمان محتاجين حاجات تانية كتير


لو حد يعرفها يقلنا عليها


بس لحد ما حق الاسرى دة يجي بالنسبة لية


السادس من أكتوبر ذكرى منيلة


خلينا في ليلة القدر احسن


كان معكم من حجرة الاعتكاف


شمس الزناتي


16 comments:

Anonymous said...

والله الذكرى مش هي اللى منيلة ده الحاضر يا شموس منيل وزى الزفت والطين كمان
بس أحنا شعب بيحب الأحتفال , ونحب نفتخر دايماً بالماضي , وما بنسألش في الحاضر
حمادة زيدان

محمد مارو said...

طيب كل سنه و انت طيب بئه

هشام رمضان said...

على فكرة ليلة القدر كانت ليلة الجمعة 23 رمضان ,, يعني الخميس 22 رمضان ,, و دي بشاهدة ناااااس كتييييير و الله اعلم و على فكرة العلامات كانت واضحة جداً ,, بخصوص بقى موضوع اكتوبر و ديسمبر ده : هو انت بتتكلم عن اسرى 73 و لا 67 ؟ اعتقد ان مفيش اسرى 73 و بتوع 67 يا ماتوا و استشهدوا يا افرجوا عنهم ,,,, يلا .. ربنا يفك كربنا و يفرج عنا

Anonymous said...

هنعمل ايه ..ولا نقول ايه
بص حواليك وانت تعرف
انت محاصر ..انت مسجون

عمرو سلامة said...

ازيك يا شموس ... ازيك حبى ... عامل ايه يا اخويا .. عامل ايه يا مدون فى العشر الاخيره من رمضان ...يلا ربنا يتقبل منك ويوفقك ...
---
اجى باه للموضوع الا وهيا 6 اكتوبر ... معاك لما قولت انها ذكرى منيله عشان الاسرى اللى فى السجون وغيرهم ... معاك لما قولت ان احنا مش عارفين ناخد حقنا منهم بأمارة الاسرى ... ليه الفرحه ما تكملش وناخد اسرانا ونحقق فى الموضوع ده ... ليه يا بلد ..
الحقيقه احنا محاصرين فى سجن كبير اوى لا عارفين ناحد حقنا من عدو صهوينى متصهين ولا حتى عارفين نتكلم ونقول راينا ... ياعم دول بيحاربوا فى الاصلاحين مش بيحاربوا العدو .. اكننا احنا الشعب الاعداء .... حسبنا الله ونعم الوكيل ...

طرقعات فجائية said...

بص ياشمس يكفينا فخر انا عبرنا وانتصرنا وانتقمنا فكفى نظرات تشاؤمية واحباطية فالحياة جميلة والحمد لله فكفى ان نصر العاشر من رمضان هو أخر حلقة انتصر فيها المسلمين على اليهود عن قضية واخذنا ارضنا وكل حرب لابد لها من خسائر وانا لا أقول ان ننسى اسرانا وشهدائنا ولكنهم اليهود احفاد القردة والخنازير فهل تتوقع ان من سيأسرونه من المسلمين سيقيمون احتفال ترحيب له أم ماذا تتوقع منهم ؟ سؤال فى انتظار ردك عليه على مدونتى ونحن نتذاكر سويا انتصارات المسلمين الأوائل على اليهود والكفار والمشركين فى سلسلة الغزوات مع أطيب تمنياتى .. طارق الجيزاوى

Unknown said...

يا راجل مافيش انيل و اسود من الي احنا فيه

الاسري علي الاقل شهدا مش احنا و الذل الي شايفينه و حاطين جزمه في بقنا و ربطنها كمان

كل سنه و انت طيب يا شمس باشا

ابن رشد said...

حمادة زيدان
واضح ان الماضي و الحاضر بس احنا شعب بيحب يتوهم اعلاميا

ابن رشد said...

محمد مارو
و انت طيب يا حبيبي

ابن رشد said...

هشام رمضان
بصراحة موضوع ليلة القدر مش هفتي
اما بقى الموضوع التاني انت يا هشام مش بتحب تصعبها

ابن رشد said...

و الله يا استاذ مجهول انا عارف

ابن رشد said...

عمرو سلامة
واضح ان ات شايل كبت كبير اوي هنخرجة مع بعض

ابن رشد said...

NO PROBLEM
لا طبعا خنازير و هيعذبوا الاسرى بس احنا يعني منخدش بحقهم

ابن رشد said...

EmY
و الله يا ايمي انت عشل و قلتي المفيد

Anonymous said...

عايزنا ندافع عن الاسرى

والله دول لو عارفين اللى احنا فيه

كانوا هييجوا هما يدافعوا عننا

كفاية انهم شهداء ورجالة

قدروا يدافعوا عن ارضهم

مش قعدوا يتفرجوا عليها وهى بتتباع

ايييييييييييييييه ..قلبت عليا المواجع ياشمس يا اخويا

ربنا يسامحنا والله
ده احنا شعب ..... ؛

كل سنة وانت طيب

ابن رشد said...

سارة
انتي على طول جايبة الذنب علينا ما ينفعش كدة