شاب و امرأة

اهداء لأمي الحبيبة
شاب و امرأة

في ليلة مش مضيئة قلت امشي بين الناس
مين يساوي مين نبيعة و مين يتاقل بالماس
نظرة يمين نظرة شمال مش شايف لا ضمير و لا احساس
بشر تساوي و الباقي يعني و بشر الاحسن تنداس

قلت ياله اديني ماشي حتى يمكن نستفيد
يعني نلاقي قصة حلوة و لا نتعلم جديد
و بنظرة على اخر الطريق شايف اتنين من بعيد
جايين يسابقوا الدنيا جريّ و وصولهم شئ مش اكيد

بيقربوا و انا مستنى وهم في نفس المسار
و التعب باين عليهم و واضح وضوح النهار
ده شاب شكله شيخ كبير و حوا بتلوذ بالفرار
يا ترى اغامر و اوقفهم و لا افضل كدة محتار

طب لية بيجروا لية بيبكوا بدل السؤال ميت سؤال
و قبل ما تطول بيه حيرتي لقتهم واقعين كدة في الحال
جريت عليهم قلت اشوفهم و اهو اطمن على الاحوال
و قبل ما اوصل عشت قصة زي ما تكون المحال

العيون بصت لبعض زي ما تكون هتتكلم
عيونها بصتله و قالتله و لفين هنفضل نتألم
بصلها و بنظرة ضعيفة مش لازم ابداً نستسلم
ردت بعيونها العسلي انا لازم اضعف و اسلم

· حاربنا مع بعض سنين و السكة مبقتش طويلة
و لا ينفع اكمل من نفسي و لا حتى انتي تكوني بديلة
· احلامي و ايامى اهي راحت و الاهداف مش يعني جليلة
و لا صحتي قادرة تكمل و لا ايامي هتبقى جميلة

· استحملنا كتير و كتير على حالنا ده من زمان
من ايام مرضينا بالعيشة زي حاشية جنكيز خان
و خرجنا من ايده بجرح ما يطيقه أي انسان
شوية صغيرة و نوصل و بدل الجنة نلاقي جنان

و زي ما ساعدتيني ان اكبر احبي امشي او اجري
من بكرة الدنيا هتتغير بس الوقعة دية تعدي
تعبتي و انا عارف تخدمي و تشيلي و تربي
بس سنين الحزن اهي راحت و عليها هنحاول نقضي

· صدقني بقولها بصدق اقف او اكمل مش هقدر
طول عمري بقول بكرة تروق بس الايام ما تتغير
من كتر الجري انا تعبت و مش عايزة الاحزان تتكرر
راح اسيبك كمل في طريقك و حارب في لدنيا و عمر
و سمعت حوار لعيون و انا واقف حيران مستغرب
يا ترى هتسيبه لوحدة يكمل و يعيش و يجرب
و قبل اكمل تفكير و قبل ما احاول اقرب
دموع الشاب من عينه بدأت تجريو تتسرب

يا امرأة لم تعرف يوماً بديلاً عن الاحزان
هل تكملي مع ولدك درباً ليكون من الفرسان
ام يسقط مكسوراً جناحيه لا حلم له و لا عنوان
و ليقطع عهداً على نفسه عهداًيسعدك طول الزمان