My Visitors If you cann't read arabic you can know how I think you can visit this link

December 24, 2007

وائل عباس من المحور الي اين ؟

منكم يا جماعة اللي اتفرج على برنامج 90 دقيقة اليوم 24/12/2007 م و طبعا اتفرجنا على وائل عباس صاحب مدونة الوعي المصري اللي عرض كليب كان عنوانه كما هو منقول من مدونتة ضابط يجبر فتاه على خلع ملابسها و اللي اتفرج فيكوا على البرنامج هيلاحظ ملحوظة غريبة ان معتز المذيع بالبرنامج و المتصلين بالبرنامج شبة مقتنعين تماما ان اللي حاول انه يهتك عرض الفتاه ليس ظابط شرطة و لا يمت للشرطة بصله ( طب هو مين ؟؟؟ ) بل و منهم اللي اتهم وائل عباس انه بيحاول انه يسوء سمعة الشرطة قال يعني هي حلوة اوي
السؤال اللي نفسي اعرفة من امتى المشاهدين المصريين بيحبوا الشرطة كدة
إلا اذا كان المفروض علينا نشوف سيناريو مرسوم يظهر فية وائل عباس بدور صاحب الاشاعات المغرضة لنرى بعد ذلك انه من المنطقي ان يعاقب وائل على فعلته
و الغريب هو اصرار المخرج على عرض الصور في مدونه وائل عباس و تجاهل فكرة ان صاحب الفعل الشنيع وصف على انه ظابط شرطة من قبل مرسل الايميل
لم ار وائل عباس في حياتي إلا مرة واحدة و لم تربطنا اي علاقة و لكنة مدون يبحث عن الحق و لزاما عليّ ان اقف الي جانبه في وجة الباطل لاظهار الحق
و ربنا مع النائب العام عشان نشوف اللي كان في الكليب مين
و نم حقنا ان نطالب بالقبض على كل من ظهر في هذا الكليب و عرضهم على الراي العام و محاكمتهم امام القضاء
و اللهم ادلنا على الحق و وفقنا الية

27 comments:

Anonymous said...

انا اتفرجت على البرنامج وشوفت الكليب ومحدش يقدر يقول ان الشرطه كويسة بس كل الكليبات الى فاتت كان فيها منطقية لاكن ده كليب انا عن نفسى مستغرب انه اجزم ان الى فى الكليب ده من الشرطه انا ركزة فى الكليب فى كذا حاجة غريبة يعنى فى حاجة اظن ان الناس كلها الى شافت الكليب سمعتها لما الى بيضرب ده بيعلى صوته الناس الى معاه فى الشقة بيقولو هششش ووطى الصوت وكده ازاى بقا ظابط وعاوز يقبض عليها تلبس والى معاه خيفين من الصوت وتانى حاجة الى عدى قدام الكاميرا ومطول شعره حتى لو مرشد زى ما قال الصحفى انا مش مستوعبها بصراحة ان فى ظروف زى دى هيعدى بالسزاجة دى ويعمل باى للكاميرا ويظهر وشه انا لا ليا فى الشرطه ولا فى الصحافة بس هو كلالغلطه الى حصلة فى الموضوع ده انه كان ممكن ينزله فى المدونة ويكتب العنوان مثلا يقال انه ظابط او مشكوك فى انه ظابط لاكن انه يجزم كده من غير اى دليل ده الى هيعرضه لمشكلة وغير كده يا جماعة انتو بتطالبو بانهم يجيبو الناس الى فى الكليب ده للرئى العام متخلونا منطقيين شوية ادخلو على اى منتدى فيه لقطات فيديو وانتو هتشوفو حجات اكتر من كده ناس مع نفسها وبتصور مطلوب بقا ان الناس دى كلها تتجاب طبعا ده مش منطقى واسف لو كنت طولت بس دى وجهة نظرى

سهر الليالى said...

أنا صحيح مشفتش البرنامج دة بس اكيد شدنى البوست جدا لان الموضوع ده بقينا نسمعو كتير اوى اليومين دول والحوادث اللى زى دى بقت كتير اوى والكره بين الناس والشرطة بقى بيزيد يوم عن يوم مع ان مفروض يكون العكس
مش عارفة كل دة ليه هل عشان البلد بقت فى حالة فوضى وثورة وغضب
ولا عشان بقى غايب عند ناس كتير الأخلاق والأصول واللى وجودهم يخلينا ولا يهمنا من الفوضى لاننا هيكون عندنا الضابط من جوانا
بصراحة كلها اسئلة مش عارفة اوصل لرد فيها
بس ربنا يلطف بينا
تحياتى

دنـيـا محيراني(ايناس لطفي said...

انا شفت الحلقه و حسيت اوي تحيز معتز علي وائل
وائل من المدونيين المحترمين و يطلق عليه بالفعل الباحث عن الحريه للمصر بس الصراحه الكليب ده بذات ممكن فعلا زي ما احمد حلمي لما اتصل و قال انه ممكن يكون فخ عشان الكليب فعلا مش مظبوط المكان - الواد الاي طلع و بيقول باي لا في حاجه غلط و اعتقد ان وائل هيلبسوه قضيه هما عايزين كده لانه قدر يحرق دمهم اوي الفترات الاي فاتت و كسر قيود الاسرار للتعذيب الناس علي يد الشرطة ربنا يستر علي وائل هو هايتخد هايتخد
وائل عباس من المحور الي امن دولة علي طول ل ل ل ل !!!!!

احمد الجيزاوى said...

لالا لا
الموضوع ابسط من كدة
هو انى مفيش دليل حتى الان ولكن بعد ان تتكشف الحقائق هيبان كل حاجه بس هى وقت منتسرعش فى الحكم الان
بس الناس اى كانه اتصله ببرنامج دول عندهم حاله تغيب نهائى مثل السيدة التى كانت تسر على انى مصر فقهاش زوار الفجر خلاص
ولكن العجيب فى الموضع هو موقف استاذ احمد حلمى المحامى والذى ظهر معادى لوائل رغم انهم الاثين اصدقاء وفى صف واحد ويعمله فى اطار قديه التعذيب معا كان موقف غريب
*******
موضوع تانى
فى اطار جدد حياتك فى حمله صلاتك اساس حياتك انطلقت التفصيل عندى اتمنه ان تشارك
احمد الجيزاوى

Anonymous said...

انا شفت الحلقة وشفت الفيديو بس انا برضه قلت مش ده اسلوب الشرطة ولا ده كليب ممكن نقدر نقول عليه حقيقيى

ممكن يكون احتمال انه حقيقى بس ضعيف وممكن يكون مقصود منه جر رجل وائل عباس ليظهر للجميع ان الشريط مفبرك وعندها يفقد مصداقيته عند عرضه فيدويهات اخرى للتعذيب

اللى عاوزين نتفق عليه هو التاكد من اى شيئ فيه ظلم على اى احد حتى ولو الشرطة نفسها عشان نكون منصفين

إســمــاعـيـل بـــدر said...

شمس
لا تستغرب من هذا الموقف فالشرطة دائما لها من يساندها ويدافع عنها وفى عملنا الحقوقى كثيرا ما يتحول الجلاد إلى ضحية والضحية إلى مجرم وسيظل الامر كذلك حتى يحدث التغيير المطلوب
تحياتى

سارة said...

والله ياشمس

الفكرة مش الكليب ده فيه ظابط شرطة فعلا ولا لا

واعتقد كان الافضل انهم يركزوا عالظاهرة نفسها

لان حتى لو الكليب مش فيه ظابط شرطة
فده لا ينفى التعذيب كظاهرة

حسن مدني said...

أنا لم أر الفيلم، لكن إذا كان فيه جريمة لابد أن يتم التحقيق فيها، والبحرث عن مرتمبها، سواء كان شرطي أو حرامي،
وإذا كان مفبركا، لازم يبان مين اللي فبركه،، وأظن وائل عارف إنهم متربصين به، ومنتظرين مناسبة لتحطيم مصداقيته، وحسبه بطريقة لا تثير اعتراضات كبيرة.. وعليه أن يكون حذرا في ما ينقل وما ينشر.
تحياتي

ابن رشد said...

غير معرف
احنا بنطالب بمنع الاباحة في اي مكان ما بالك لو كانت الاباحة هي هتك عرض و الكارثة لو كانت من الشرطة و خلي بالك انا بقول لو

ابن رشد said...

سهر الليالي
لو هو التانية
الاخلاق و القيم غايبة عننا و عن الناس عشان كدة الفساد انتشر

ابن رشد said...

دنيا محيراني
ممكن يكون الكليب مكيدة او فخ لكن في كل الاحوال هو كارثة لازم تكشف و تتعرف

ابن رشد said...

الجيزاوي
احمد لية مش تقول ان احمد حلمي و المتصلين غيرة مسيسين

ابن رشد said...

ايمن مصطفى
حتى لو كان احتمال ضعيف فهو احتمال
و انت عندك حق لازم ندفع الظلم عن اي حد

ابن رشد said...

اسماعيل بدر
يعني كل حاجة فيها فساد حتى الحقيقة
بس احنا لازم الفساد ما يطلناش لازم مش نسكت

ابن رشد said...

سارة
هو دة اللي رديت علية في التعليق على غير معرف

ابن رشد said...

فارس وحيد
هو الراجل قال ان شابط حسب ما هو منشور في الايميل

Anonymous said...

شكرا يا حاج شمس .. حلوة مش مسيس دى !!
شوفوا يا اخونا انا مكنتش مقرر اننى اعمل مداخلة لكن لما لقيت البرنامج ماشى فى سكة ادانة وائل لقيت انه من المهم انى ابدأ عمل خطوط دفاع لانى من زمان متوقع ان ده يحصل مع وائل .. اللى عملته طريقة محامين علشان كده ممكن تلاقى محسن بهنسى فهم انا باعمل ايه وماعلقش على كلامى .. لا يمكن الدفاع عن وائل بكلام مرسل أو الاصرار على ان الكليب لضابط شرطة .. لكن لما شوفت بداية الحلقة افتكرت قضية هويدا وطه وانا محاميها وعارف كويس ازاى رسموا لها كمين وفخ وحسيت ان وائل على وشك الوقوع فى نفس الفخ .. ممكن جدا وائل يرجع من الاستديوا يغير كلمة ضابط اللى على المدونة وساعتها مش حايبقى فيه تهمة الاساءة لهيئة الشرطة لكن شريط الحلقة يدينه .. لذلك قررت انى اتدخل علشان اركز على حسن نية وائل مستفيد من البلاغ الى قدمه محسن .. فاذا صدقى احساسى واتعملت قضية يبقى شريط الحلقة لنا ولهم فى نفس الوقت .. لذلك تلاقينى اتكلمت كتير عن موقف الداخلية واحمد ضياء والكليبات السابقة .
عايز بس انبه لشىء مهم فعلا شغل تفكيرى قبل ما اطلع على الهوا .. لما اتصلت طبعا اخدت وقت على ما الخط لقط .. لكن اللى خلانى اشك أن موظفة القناة لما قلت لها عايز اعمل مداخلة اصرت انها تعرف انا حاقول ايه ولما حاولت ارواغ معها سالتنى صراحة يعنى انت مع الكليب ولا ضده وبعدها قالت لى هات رقم تليفونك وحانكلمك وواضح انهم اتناقشوا وبعدين اتصلوا بيا بعدها بمفيش دقيقتين .. الموقف ده فكرنى بموضوع هالة سرحان وحسسنى انهم بيحضروا حلقة معينة وعايزين مداخلات محددة .. وقتها كنت بافكر لو دافعت عن وائل حايبقى مجرد كلام مرسل ملوش لزوم .. واحساسى بوجود فخ لوائل خلانى افكر بطريقة المحامى ازاى اثبت حسن نيته بحيث لو طلع الكليب مش صحيح نتمسك بحسن النية بعد كده .. علشان كده اديت اشارة لمحسن بهنسى اول المكالمة واعتقد انه فهمها علشان كده مادخلش فى الحوار معايا .
فهمت يا أحمد يا جيزاوى احنا كنا نقصد ايه .. علشان ما تتعجبش ليه ما دفعتش عن وائل ..
أما موضوع الكليب ففعلا وائل اتسرع شوية فيه وكان الافضل نشره بدون تفاصيل .. يعنى نقول واقعة تعذيب جديدة بدون ما نقول كلمة ضابط والناس فاهمة لكن محدش يمسك عليك حاجة .. انا ماعرفتش اسمع الصوت كويس على مدونة وائل لكن سمعته فى البرنامج وفوجئت ان فيه عبارات تقتطع بانه مش كليب تعذيب مش عارف فاتت على وائل ازاى .. يعنى الحوار اللى بينهم ما ينفعش لواحدة بتتمسك من ضابط اداب .. وكلمة هس وطوا الصوت توضح انهم مجموعة شباب فى شقة ومش عايزين الجيران يسمعوا .. الولد بتاع باى باى لا مرشد ولا مخبر هو المرشد بيعمل باى باى والشرطة بتصور ثم المرشد بيختفى وقت الضبط لانه مفروض فيه يكون سرى مش بيطلع يعمل باى باى والولد شكله ما يجبش غير شباب واخدين بنت من اياهم والغالب حصل بينهم مشكلة .
وارجوا ملاحظة أن مش كل ضرب اسمه تعذيب ووفقا للقانون اذا ماكنش الراجل ده ضابط مش حايبقى فيه قضية تعذيب خالص لان التعذيب فى القانون اما اجبار على الاعتراف أو استعمال قسوة والاتنين لازم فيهم صفة الموظف العام .
هى دى المشكلة الى عندنا فى الكليب ده .. ولذلك محتاجين نعمل دفنس سريع اى دفاع استعدادا لاى مشاكل ونحاول بكل الطرق نجيب اى معلومات عن اشخاص الكليب .
وربنا يستر وما يبقاش لقائنا القادم فى التجمع الخامس !!!
أحمد حلمى
المحامى

الشريف / جمال طة said...

احمد حلمى المحامى
بجد رائع تعليقك و توضيحك لكن تفتكر دة و فخ لوائل احنا ممكن نعمل اية

Anonymous said...

السلام عليكم

انا لم اري البرنامج ولكن من اخطيء يجب ان يعاقب وبشدة لان الامر الان يتعلق بالشرف كيف يتم اجبار فتاة علي خلع ملابسها وتصور من من من رجل امن اذا ثبتت تلك الواقعة يجب ان يتم اعدام الجاني

Unknown said...

استاذ احمد حلمى
انا شفت الحلقه وسمعت مداخلة حضرتك
حقيقى بحييك
وربنا معاك يا وائل بجد
لان اللى حصل ده منتهى الاستفزاز
تحياتى ليك يا شمس انك اشرت للموضوع ده

Coca said...

بغض النظر يا شمس عن اختلاف الاراء علي وائل عباس

الا ان الاشرطه دي محدش يعرف حقيقي من عامه الناس مدي صحتها والغريب ان بلاقي ناس بتاكد علي انها ملفقه ومش فاهمه منين جايبيت التاكيد دا

المهم بقي انت عامل ايه يارب تكون بخير

ابن رشد said...

احمد حلمى المحامى
استاذ احمد حلمي بجد ردك يمكن يكون اقنعني

ابن رشد said...

الشريف / جمال طة
منور المدونة

ابن رشد said...

وائل المصري
دة ان ثبت

ابن رشد said...

nour el 3ozamaa
شفتها بس مش فضيحة اوي يعني

ابن رشد said...

لماضة
تحياتي و انا ههتم بالرد

ابن رشد said...

coca
و الله هناقش الموضوع دة مع بعض