My Visitors If you cann't read arabic you can know how I think you can visit this link

December 09, 2007

من لم يمت بالتاج

التاج دة يا جماعة اتمررلي من دينا عمر و طبعا انتوا عارفين انا مقدرش ارد حد عشان كدة هجاوب
نبدأ
كنت طالب شاطر في المدرسة؟
امال انا طالع مهندس بالوسطة ، الحمد لله كنت طالب متفوق كمان
ايه كانت أحب مادة ليك في المدرسة و الكلية؟
و الله احب مادة في المدرسة كانت الهندسة و التاريخ
اما في الكلية انا مش فاكر درست اية اساسا
أكره مادة ليك في المدرسة و الكلية؟
طبعا كنت بكرة الانجليزي جدا بلا شك اما في الكلية بقلك مش فاكر انا درست اية مش عايز احراج اكتر من كدة
كنت عايز تطلع ايه و انت صغير؟
و الله كان نفسي اطلع مهندس و اديني طلعت و هو دة كان حلمي كنت محتار بين هندسة طيران و هندسة نووية و الحمد لله دخلت هندسة طيران
أغرب حاجة اتمنيتها هي إني ابقى؟
بيني و بينك و متقلش لحد رئيس جمهورية بس دة بعيني طبعا
اسم مدونتك؟
مصري للنهاية
ولماذا اخترته؟
عشان انا من يوم ما اتولدت فخور بمصريتي و هفضل مصري بمعني الكلمة لاخر يوم في عمري
هل فكرت في اغلاق مدونتك؟ و السبب
فكرت في يوم من الايام لما حسيت ان مفيش فايدة و رجعت عن تفكيري
صورتك فى المدونة رمزيتها؟
الصقر اللي على جنب دة بحس انه شابهي يعني حاول تقرا عن الصقور تعرف ان فيها شبه مني
أحلى جملة قيلت لك في وصف مدونتك؟
و الله ناس كتير قالت كلام جميل زيهم بس كانت اجمل كلمة من مدونة
وحدانية وصفتني باني فارس الصقور و انا حابب اللقب دة
التعليقات بالنسبة لك. أهميتها؟
من غير التعليقات هكتب لمين ، لازم احس ان في حد بيسمعني
ما احلى بوست كتبته ضع اللينك واذكر لماذا؟
و الله بجد كل بوست بحس انه حلو بس انا فخور بالبوست
بحبك يا صاحبي حاسس اني بهدية لكل قارئ و لكل صديق و صاحب
احلى مدونة قريتها؟
كتير اوي لما هتشوف انا همرر التاج لمين هتلاقي ان كل دول بحبهم
اسمى؟
كل دة و بتسأل على العموم شمس الزناتي
اسم الدلع المشهوره بيه وسط اصحابى؟
هو مش دلع اوي و انا هقوله بس يارب محد يعلق و يقول مغرور بس فية اللي بيقلي الزعيم
مجال دراستى؟
هندسة الطيران و الحمد لله و ياريتني ما درستها على الاقل كنت لقيت شغل في مجال تاني
شخصيتك نوعها ايه؟
ستة سلندر دفع امامي و خلفي
ههههههههههههههههههههه
بص هو انا برج العقرب اقرا عن برج العقرب تلاقيني
مودك ايه؟
عادة مهرج عشان مش بحب النكد و ممكن برضة تلاقيني كتله كأبة حسب الوقت
بتعمل ايه فى وقت فراغك؟
زي ما انت شايف قاعد اجاوب على التاج
الاكلة المفضه؟
المكرونة بالبشاميل
ماما بتعملها حلوة جدا
السفر بالنسبه لك؟
التعرف على كل ما هو جديد
صفات اخدتها من بابا؟
الكرم و طيبة القلب و الغموض
صفات اخدتها من ماما؟
الحذر و اللباقة و الثقة بالنفس
اكتر 6 حاجات بكرهها؟
الكدب
الخيانه
العنف
اللماضة
الخبث
الخبص
الشغل بالنسبه لك؟
حياتي اللي مش لاقيها و مش هزود مش عايز اعيط
الكمبيوتر والنت بالنسبالك؟
حياتي دلوقتي
تمرر التاج لمين؟
خد عندك و انا في التمرير ما بتوصاش
مجموعة الفاجومي كلها
ثم
و طبعا مش هنسى حبيب قلبي نوشة دة انا سايبه للاخر عشان ما يقولش ما شفتش
و طبعا اي حد عايز يخدة يتفضل

16 comments:

Anonymous said...

الله ينور
شباب عال العال
هندسة طيران
وقاعد على النت
حسبى وحسبك وحسبنا الله
ونعم الوكيل

رفـــيـــق said...

شمـــس
مدونتك جميلة جداً وموضوعاتك مهمة
وشعرك جميل وعشان كده أنا خايف
عليك جدا ايه يا عم انت مش عارف عايش فين عاوز تبقى رئيس جمهورية
طب خاف على نفسك وخليها فى سرك
وبعدين نفسك تبقى رئيس وأنت فارس وصقر ودارس هندسة طيران يبقى التلفيقة جاهزة يا عم بتفكر فى الطيران والانقضاض على الكرسى ربنا يسترها ويكفينا الشر ...
بجد مدونتك حلوة قوى .... على فكرة
مدونتى جديدة يا ريت تزورنى

أحمــــــــدبــــــــــلال said...

أسف لأنى أول مرة أعلق عندك و لكن ليس على البوست موضوع النقاش
و لكنى أردت فقط ان تضخم موضوع مدينة الاقصر هذه
ففى ولاية جورجيا يوجد كايرو "القاهرة"
و فى ولاية فيرجينيا توجد أليكساندريا "الاسكندرية"

و و يوجد نادى للتعرى و القمار و لكن للأسف لا أتذكر مكانه أذا كان فى باريس أو فى لاس فيجاس يسمى "مكــة"

فبرجاء ضمهم لقائمتك

Esmat said...

إيه الجمال ده
إنت كده تتسم بما قل ودل
بس دى تبقى مصيبة كنت بتعمل إيه
فى إمتحانات العربى وخصوصا التعبير

بقى إتمنيت تبقى رئيس جمهورية طيب أنا
حقوله
ردود حلوة شمس
تحياتى لك

ابن رشد said...

ايهاب الحمامصي
قول حسبي الله تاني
الحكومة الحسبنه فيها مش قليلة

ابن رشد said...

رفيق
استاذ رفيق
هزورك باذن الله و خلي بالك لسة الاحلام كتير

ابن رشد said...

أحمــــــــدبــــــــــلال
استاذ احمد بلال
هنضمهم باذن الله للقائمة

ابن رشد said...

esmat
مرسي على زوقك العالي و ما قل و دل افضل

محمد مارو said...

هو ايه حكايه التيجان فى البلد ؟
كل اما ادخل مدونه الائيه موجود
هو ده انترفيو للتوظيف ؟
يعنى اللى عنده تاج هيشتغل ؟
و لا ده استماره عقد عمل و لا ايه ؟
مش عارف
طيب ندخل فى التاج
شكرا يا شموس انك ممرته لى
و اجاباتك حلوه

عاشقة الوطن said...

السلام عليكم

ازيك ياشمس الزناتى ايه اخبار سيادتك

ايه يابنى التاج اللذيذ ده واجاباتك بمنتهى الاختصار

وكمان الباشمل انا بمووووووت فيه
ياترى بقي مامتك اللى بتعمله احلى ولا مامتى الى بتعمله احلى

جوعتنى ياشمس


التاج ده انا جاوبته قبل كده
يعنى انا كده اعفا من التاج


تحياتى ياشمس
وربنا معاك
وطير براحتك انت ياعم

walaa said...

احلى حلجه عجبتنى فى التاج الناس اللى انت بتحبهم احلى حاجه الناس تلاقى لها حبايب بجد وربنا يكرمك بوظيفه اكيد الفرج جى

ابن رشد said...

محمد مارو
و الله يا خويا لسة مخلص التاج وصلني تاج تاني و ربنا يخليك على المجاملة

ابن رشد said...

عاشقة الوطن
اية دة يعني ممكن تعزميني على باشمل

ابن رشد said...

walaa
ربنا يزيد من حبايبنا كلهم يارب

Anonymous said...

باعوها

Anonymous said...

باعوها