My Visitors If you cann't read arabic you can know how I think you can visit this link

November 28, 2007

هنتحرك و لا هيسلبونا كل حاجة

الموضوع بكل بساطة انهم كل يوم بيسلبونا كرامتنا و هويتنا

و كرامتنا المصرية و العربية و الاسلامية و الانسانية

بصوا من الاخر مبقاش فاضل لينا حاجة

غير حاجة واحدة اللي فاضلالنا

ان لسة فينا شوية ناس صغيرين لسة عندهم دم و بيحسوا و هم دول اللي لسة بحبهم دول بقى اللي هكلمهم النهاردة

-

-

-

بصوا عشان الموضوع كبير انا هخش في صلب الموضوع

و اسمحولي اطول
عشان لو مش هطول في موضوع زي دة يبقى احسن ما اكتبش

الموضوع ان الرسام لارس فليكس ذاك السافل اللي تطاول على رسول الله محمد ( علية الصلاة و السلام ) بالرسوم المسيئة

بيحضر لعمل مسرحية غنائية عن سيدنا محمد ( ص ) يظهر فيها الرسول عليه الصلاة و السلام يرتدي الجينز و تلعب المسرحية باغني البوب

طبعا انتوا كدة عرفتوا الموضوع و منكوا اللي هيقفل المدونة على كدة

و منكوا اللي هيقول حسبي الله و نعم الوكيل و يمشي

و منكم اللي هيعلق و يمشي

بس انا لسة عندي امل في حد يقول لا
لازم يبقى لينا وقفة و وقفة كبيرة

خاصة اذا علمت ان ايطاليا اصدرت اغطية مراحيض عليها اية الكرسي

هتقلي طب و نعمل اية يا زناتي انا اقلكم

بس ادعى الاول قبل ما اقول اصلي بحب الدعاء دة معلش

اللهم إليك أشكو ضعف قوتي00000 وقلة حيلتي 000000 وهواني على الناس يا أرحم الراحمين 00000000أنت أرحم الراحمينوأنت رب المستضعفينوأنت ربيإلى من تكلني إلى عدو بعيد يتجهمني00000 أم إلى صديق قريب ملكته أمري 000000000إن لم يكن بك غضب علي فلا أبالي 0000000غير أن عافيتك أوسع لي000000أعوذ بنور وجهك الذي أشرقت له الظلمات0000000وصلح عليه أمر الدنيا والآخرة أن ينزل بي غضبك أو يحل بي سخطك00000000000ولك العتبى حتى ترضىولا حول ولا قوة إلا بك

طبعا بعد نقاش طويل مع مدونون عدة رجعنا بشوية حلول من اهمها

1- مقاطعة جميع البضائع الدنماركية

2- و دة كان حل مقترح من الجيزاوي اللجوء الي حوار الاديان و مهاجمتهم و توضيح فكرة تحريف الانجيل

و طبعا اعذروني اني بقترح الاتي

1- تأييد الاقتراحات السابقة

2- عندنا مدونة تسمى إلا رسولي و الادمن بتاعها اسكندراني اوي ياريت انا بدعو الجميع للاشتراك فيها

3- عندنا مدونة


ياريت كل اللي ثقافتة الانجليزية كويسة يشارك فيها الادمن بتاعها المدون انسان

او مدونة


الادمن بتاعها هقلكوا علية اول ما اعرفه او حد من محرريها هيعلق و يقلنا ياريت يا جماعة نهتم بالمدونات دي و نعملها دعاية

4- ياريت يا جماعة نشكل لجنة من المدونين ترد و توضح الاسلام في المنتديات و المدونات الاجنبية و المواقع الاجنبية عشان نوصلهم الفكر الصحيح عن الاسلام استكمالا لتجربة الاستاذ / عمرو خالد اللي بدأها في الدنمارك

5- ياريت بقى اللي ما يقدرش يعمل حاجة من اللي فات ينشر دعوتنا دى يمكن حد غيرة يعمل او يعلق البانر اللي انا علقته دة هو مفيهوش اي فن بس انا من كتر مضايقتي عملته بسرعة

طبعا مش هقول الا اني في مدونين كتير و ناس كتير مش هتخسر حاجة لو شاركت في دعوتنا دي بكلمة

23 comments:

مدونه انا بحبك يا مصر said...

والله عندك الف حق فى كل حرف قلته

محمد مارو said...

طبعا انت عارف انى مع المقاطعه
بس فى تعليق صغيوووووووووووووووور
اولا مش المفروض ابدا انكتكتب اسم الرسام ده
كان كفايه اوى تقول شخص ما
لانك كده بتشهره
و طبعا مش المفروض انك تضع لينك للصور دى
انت كمان حاطط لينك للرسام
كده انت بتصيته يا كوتش و السلام عليكم و رحمه الله و بركاته
نلتقى بعد الفاصل
امزل بالاعلانات يابنى

رانيا الجبالي said...

انا معاك طبعا في المقاطعه وفي أي حاجه تعرفهم همه غلطوا في مين لان همه عارفين اني احنا غيورين علي دينا ولو بجد احنا كده يبقي لازم ناخد خطوه ايجابيه عارف لو كلنا قمنا بالمقاطعه هتفرق كتير لكن للاسف في ناس كتير فينا عادي مش بتقاطع مبقولش انها مش فارق معاها الموضوع لا بس سلبيه بعض الشئ والحاجه التانيه اللي بحلم بيها هو المفروض نطبق الدين صح عشان بجد الناس دي لو شافت دينا صح عمر ما حد هيغلط فيه اسفه لو كنت طولت بس لازم في الاخر حسبي الله ونعم الوكيل

EmY said...

كل ده جميل يا شمس بس لازم نعمل خطوه اقوي
زي وقفه احتجاجيه قدام السفاره لازم صوتنا يوصل و يتعمل حساب لينا شويه بقي كفايه اهانه
بوست مميز

بنت الاسلام said...

لازم نتحرك وبأسرع وقت

ومش ممكن الموضوع يمر علينا مر الكرام بالشكل ده ابداا

وكل واحد عرف بالموضوع مسئووووووووول

قدام ربنا

وهيتحاسب عليه


لانه عرف وماعملش

شكرا ياشمس للمبادرة

وانت حقيقي دايما مبادر ولك السبق

ربنا يتقبل منك

ويجعله في ميزان حسناتك

سكوت هنصوت said...

أظن كمان بعد الوقفة الإحتجاجية امام السفارة..مهم اننا نبعت خطابات او ميلات كتيرة قوي و مختلفة

للسفارة عشان نبلغها احتجاجنا كشعب

و اظن ان الأنسب اننا نوجه خطابات دعوة لهذا الرسام كي يفهم انه يجرح مشاعرنا بما يفعل ولعلة يعرف

انا مع نشر اسم الرسام يا مارو..لإن هكذا نستطيع ان نصل اليه و نراسلة

لعلة يفهم .. او يعقل

اسكندراني اوي said...

المدونه مفتوحه للجميع والف اهلا وسهلا

راسلونا على
elarasoly@gmail.com

اللي يحب يشترك مرحبا بيه
واللي يحب يبعت البوست اللي عاوز ينزله وحنزله باسمه

جزاكم الله جميعا خيرا ان شاء الله

shams said...

مدونه انا بحبك يا مصر
مرسي يا جيزاوي بس كنت مستني منك افكار اكتر

shams said...

محمد مارو
مارو احنا بنقول اسم الشخص و صورته عشان الناس تعرف عدوها

shams said...

رانيا الجبالي
فعلا رايك صح و مرسي لانك معانا في المقاطعة و ياريت تأيدي المدونات الموجودة

shams said...

EmY
جميل اوي موضوع الوقفة دة يا ايمي و هناقشة مع بعض و معانا الجيزاوي اهو ابو الوقفات

shams said...

بنت الاسلام
مرسي جدا لكلامك و انا عارف انك مقاتلة و هتكملي المسيرة

shams said...

سكوت هنصوت
افكارك فعلا عظيمة و هنتبناها و هنبدأ بالتنفيذ
بس على فكرة مش قلتلنا مين المسئول عن مدونة الدفاع او التعريف بالرسول اللي حضرتك بتكتبي فيها و انا ذكرتها

shams said...

اسكندراني اوي
الف شكر لتعاونك الرائد معنا و هكذا تعودناك دائما

أحمد سعيد said...

الحبيب..شمس

فعلا الموضوع زاد عن حده


المقاطعه حل من الحلول

وياريت نقاطع كمان المنتجات الأمريكيه

والأسرائلية

وكماااااان حوار الحضارات انا شايف انه عامل كويس..لكن مش كتير

فما يحدث من المسلمين هو من يسئ للأسلام وللرسول..يجب علينا ان نكون مسلمون حقاً..ساعتها سيعرف الغرب ما هو الرسول الكريم.

اتمنى ان يجعلنا نطبق الأسلام حقاً

اخوك دائماً نيجــر

فارس وحيد said...

والله ياشمس كلام جميل،،
وأنا معاك في نشر اسم الرسام، بس مش معاك في وضع وصلة للرسوم نفسها.. إحنا حنقبل شهادتك بأنها مسيئة. مش لازم أشوفها بنفسي..
وبالنسبة للمقاطعة فهي أحد أكثر الأسلحة تأثيرا،وأنا من أشد المؤيدين لها..
تحياتي..

ابو مفراح said...

السلام عليكم
ان شاء الله تعالى نكون واثقين من الاخبار و نشارك باذن الله فى نصره الحبيب صلى الله عليه و سلم

تحياتى اليك اخى شمس
ابو مفراح

عاشقة الوطن said...

السلام عليكم

ازيك ياشمس

اللى اقدر اقوله
حسبي الله ونعم الوكيل
واللى ربنا هيقدرنا نعمله بتصحيح صورة الاسلام الصح هنعمله وربنا معانا ويقوينا ياااااااااارب

shams said...

أحمد سعيد

كلامك جميل جدا و اتمنى من كل واحد علق انه يهتم بالحوار دة في مدونته و يعلن عنه
و ربنا كريم

shams said...

فارس وحيد

مرسي على مدحك للبوست بس نشر الرسوم دة عشان نفكر الناس بالاساءات

shams said...

ابو مفراح
تاكد من الاخبار براحتك و ننتظرك في التضامن معنا

shams said...

عاشقة الوطن
انا عارف انك تقدري و تكتبي و جمهورك معانا

will said...

情趣用品,情趣,情色,成人,A片,自拍,情趣用品,情趣,色情,成人影片,色情影片,免費A片,情趣用品,情趣,成人網站,A片下載,日本AV,做愛,情趣用品,情趣,美女交友,A片,辣妹視訊,情色視訊,情趣用品,情趣,色情聊天室,聊天室,AV,成人電影,A片,情趣用品,情趣用品,情趣商品,情趣,情趣

情色,A片,AIO,AV,日本AV,色情A片,AV女優,A漫,免費A片,A片下載,情色A片,哈啦聊天室,UT聊天室,聊天室,豆豆聊天室,色情聊天室,尋夢園聊天室,080視訊聊天室,080聊天室,080苗栗人聊天室,免費視訊聊天,上班族聊天室,080中部人聊天室,視訊聊天室,視訊聊天,成人聊天室,一夜情聊天室,辣妹視訊,情色視訊,成人,成人影片,成人光碟,成人影城,自拍

情趣用品,A片,AIO,AV,AV女優,A漫,免費A片,日本AV,寄情築園小遊戲,情色貼圖,色情小說,情色文學,色情,色情遊戲,一葉情貼圖片區,色情網站,色情影片,微風成人, 嘟嘟成人網,成人,成人貼圖,18成人,成人影城,成人圖片,成人影片,UT聊天室,聊天室,豆豆聊天室,尋夢園聊天室,080聊天室,080苗栗人聊天室,080視訊聊天室,視訊聊天室

情趣用品,A片,aio,av,av女優,a漫,免費a片,aio交友愛情館,a片免費看,a片下載,本土自拍,自拍,愛情公寓,情色,情色貼圖,色情小說,情色文學,色情,寄情築園小遊戲,色情遊戲,嘟嘟情人色網,一葉情貼圖片區,色情影片,情色網,色情網站,微風成人,嘟嘟成人網,成人,18成人,成人影城,成人圖片,成人貼圖,成人圖片區,成人小說,成人電影

情趣用品,情趣,情趣商品,自拍,UT聊天室,聊天室,豆豆聊天室,哈啦聊天室,尋夢園聊天室,080聊天室,080苗栗人聊天室,H漫,A片,AV,AV女優,A漫,免費A片,愛情公寓,情色,情色貼圖,色情小說,情色小說,情色文學,色情,寄情築園小遊戲,色情遊戲,SEX,微風成人,嘟嘟成人網,成人,18成人,成人影城,成人圖片,成人貼圖,成人圖片區