My Visitors If you cann't read arabic you can know how I think you can visit this link

September 21, 2007

و بدأنا نحارب علني


معلش بقى يا جماعة انتوا عارفين ان النشاط في رمضان بيبقى محدود



و كمان حتى انا شايف ان الناس اللي بتعلق في كل المدونات قليله و مفيش اهتمام بالنت في رمضان



بس بيني و بينكوا انا كنت ناويت اكتب البوست دة من فترة و انتوا اللي شجعتوني اكتبه بعد الكليب



لما لقيت المدون






بيقول ما انا كنت بشوف تجار الاثار في عين شمس و اعرف عنهم كتير






لما قال ههجمهم لو سنحت الفرصة



لذلك فقد فتحنا باب التطوع للجهاد كدة علني على المدونة احنا بيهمنا



احنا فتحنا باب التطوع لتكوين كتيبة من المدونين لمحاربة تجار الاثار



منها تقدر تحارب تجار الاثار و تقول اللي انت عايزة لو تعرف اي معلومات عنهم



لو ممكن توصل صوتنا لاي حد يقف جنبنا و يساعدنا المهم انك تقدر تشارك في الحرب دي



و تقدر تدافع عن حقوقك اللي بتتنهب



مبدئيا



دة اميلي على هوت ميل



aerospace_m_e@hotmail.com
اي حد يحب يتطوع للمشاركة في الحرب يتفضل



و بسم الله الرحمن الرحيم



" اذن للذين يقاتلون بانهم ظلموا و ان الله على نصرهم لقدير اللذين اخرجوا من ديارهم بغير حق إلا ان يقولوا ربنا الله "



صدق الله العظيم



على العموم يا جماعة انا عايز اقول برضة



ان المدونة الرائعة






بدأت تقدملنا الدعم الاول



و عملتلنا البانرات دي و البانر اللي في اول البوست



اللي عايز يحطها عنده في مدونته يتفضل



و بكدة اقلكوا ان باذن الله دي اول بوستات حربنا العلنية على تجار الاثار

22 comments:

حسام مراد said...

ربنا معاك يا معلم
وان عن نفسى لو اتلاقيت اى شئ عرفت اى شئ ممكن يفيدكم فى الموضوع ده
ان شاء الله هاقولهولكم على طول

لان دى فلوسنا تاريخنا حضارتنا بتتسرق قدام عنينا والمفروض
وده اللى احنا هانعمله ما نسكتش

للامااااااااااااام وانا مهتم بجد باللى انتم شغال فيه

تحياتى
شغال

فى القلب said...

ربنا معاكو يا شمس و معانا و ننجح

أنا مش عارفه الحكومه ساكته ليه
هما مش مصرين برده
ولا هما من كولالامبور

دمت لنا يا شمس سالماً

سارة said...

الاخ الكريم

طبعا ده واجب علينا كلنا

بس الموضوع شوية صعب
يعنى ايه الخطوات اللى ممكن تتعمل

ياريت لو فى اى افكار نقدر نساعدبيها

تحية طيبة

Anonymous said...

شكرا يا شمس أنا معملتش غير الواجب وربنا يخليك ويخلينا لمصر كلها ونغيرها بقى بجد تحياتى ليك

سكوت هنصوت said...

شمس

انا معك تماما في معركتك هذه...لكن اخبرني ماذا تنوي ان تفعل بالضبط

ثانيا...مع كامل إعجابي ببانرات الفكر السجين و مدونتها الحرة..لكن ارى ان البانرز الموجودة لا تخدم القضية فهي تبدو ككروت المعايدة السياحية, أقترح ان تتغير البانرات..وان لا يظهر عليها اسم مدونة...حتى تكتسب حيادية, و سأكون اول الناقلين لها...وفقك الله و سدد خطاك...

Hadota ... حدوتة said...

السلام عليكم ورحمة الله وبركاته
بصراحة يا شمس الفكرة قوية جدا
والموضوع فعلا عاوز وقفة
وربنا يوفقك فى الموضوع دا
اصل الموضوع بقى خلاص عاوز وقفة لان احنا مش بس بنحب البلد احنا كمان بنموت فى ترابها


بقول كلام كبير
صح؟؟؟


ربنا معاك يارب

تحياتى

Anonymous said...

بكل صراحة
هنقول لربنا ايه
الي بيسرق هيقوله ايه
والي عارف الحرامي وساكت هيقوله ايه
والي شافه وهو بيسرق ومانطقش هيقوله ايه
اتمني ياشمس يكون الموضوع حقيقي بجد واحنا معاك مش لازم نسكت
اي حاجة ممكن نساعدك بيها مش هنتاخر ابدا
دي بلدنا
والي بيسرقها
يبقي بيسرقنا
ولومقدرناش اننا نشوفه مرمي ورا القضبان
يبقي علي الاقل مانخليهوش يعرف ينام
وان سكتوا هما
وسابوهم

فالي بيحب مصر وبيخاف عليها موجودين
فان لم تستطع فبلسانك

وخليها علي الله

الساكت عن الحق ايه


شيطاااااان


اخرس

هشام رمضان said...

يا عم يعني خي جت على الآثار ؟!!؟
لا حول ولا قوة إلا بالله

ياسر مدني ...دينامو الإخوان said...

لصاحب المدونه وكل زواره
أدعوكم لإبداء الرأي والمشاركه في فوازير رمضان الإسلاميه بعنوان خلق وصحابي

ابن رشد said...

حسام مراد
و النبي يا حسام خليك معانا حتى لو بقلبك

ابن رشد said...

في القلب
دام لنا لسانك الذي هو اطيب من الذبد

ابن رشد said...

sara
لا سارة انا مش هنشر الافكار على المدونة

ابن رشد said...

الفكر السجين
تحياي ليك يا قمر و يخليكي للبد يا رب

ابن رشد said...

سكوت هنصوت
هنقدم ان شاء الله بنرات كمان و تقليلنا رايك فيها
و طبعا فخورين جدا بتاييدك لنا

ابن رشد said...

يارب ربنا معانا يا حدوتة
واضح انك بتحبي البلد اوي
انتي شخصيا معانا يا حدوته

ابن رشد said...

بنت الاسام
كلنا هنكون مسئولين عن الحاجات دي
و هنتسئل عنها

ابن رشد said...

ياسر مدني ...دينامو الإخوان
يا عم ياسر يا مدني يا دينمو قلنا المدونة دي مش للدعاية المرة الجاية مش عايز اشوف ايمك في مدونتي خالص

ابن رشد said...

هشام رمضان
مش كل حاجة هنقول جت عليها

micheal said...

ربنا معاك يا شمس...لو فيه أي حاجه ممكن أعملها قولي
تحياتي

ابن رشد said...

micheal
مجرد بس اهتمامك بالموضوع
يعتبر حاجة

No Fear said...

السلام عليكم
أنا معاك يا زعيم
بس أنا معرفش حد أعمل أية؟
أبلغ و خلاص

ابن رشد said...

No Fear
لا يا No Fear
حاول تدور على المجرمين دول حوليك هتلاقيهم